പു​ൽ​പ​ള്ളി​യി​ലെ പാ​ൽ​പ്പൊ​ലി​മ

പു​ൽ​പ​ള്ളി ക്ഷീ​രോ​ൽ​പാ​ദ​ക സ​ഹ​ക​ര​ണ​സം​ഘ​ത്തി​ന് ഗോ​പാ​ൽ​ര​ത്ന ബ​ഹു​മ​തി ല​ഭി​ക്കു​ന്ന​ത് 2023ലാ​ണ്. 1971​ൽ, രാ​ജ്യ​ത്ത് ക്ഷീ​ര​വി​പ്ല​വ​ത്തി​ന് നാ​ന്ദി​കു​റി​ച്ച അ​തേ വേ​ള​യി​ൽ 25 ക്ഷീ​ര​ക​ർ​ഷ​ക​രും പ്ര​തി​ദി​നം 40 ലി​റ്റ​ർ മാ​ത്രം പാ​ൽ സം​ഭ​ര​ണ​വു​മാ​യി തു​ട​ങ്ങി​യ പു​ൽ​പ​ള്ളി സം​ഘം ഇ​ന്ന് കേ​ര​ള​ത്തി​ലെ ത​ന്നെ ഏ​റ്റ​വും വ​ലി​യ ക്ഷീ​ര​സ​ഹ​ക​ര​ണ സം​ഘ​ങ്ങ​ളി​ലൊ​ന്നാ​ണ്. പ്ര​തി​ദി​നം 20,000 ലി​റ്റ​റോ​ളം പാ​ൽ സം​ഘം സം​ഭ​രി​ക്കു​ന്നു. 1200 പേ​ർ നി​ല​വി​ൽ സം​ഘ​ത്തി​ൽ പാ​ൽ അ​ള​ക്കു​ന്നു. 35,000 ലി​റ്റ​ർ പാ​ൽ ശേ​ഖ​രി​ച്ച് സൂ​ക്ഷി​ക്കാ​നു​ള്ള ബ​ൾ​ക്ക് കൂ​ള​ർ ഉ​ൾ​പ്പെ​ടെ സം​ഭ​ര​ണ സം​വി​ധാ​ന​ങ്ങ​ളും സം​ഘ​ത്തി​ന് സ്വ​ന്ത​മാ​യു​ണ്ട്.

വി​ള​ക​ളു​ടെ വി​ല​ത്ത​ക​ർ​ച്ച​യി​ൽ കാ​ർ​ഷി​ക ഗ്രാ​മ​മാ​യ പു​ൽ​പ​ള്ളി​യു​ടെ സാ​മ്പ​ത്തി​ക​നി​ല​യെ ത​ക​രാ​തെ കാ​ത്ത​തും പു​ൽ​പ​ള്ളി​യു​ടെ പാ​ൽ​പ്പൊ​ലി​മ ത​ന്നെ. ക്ഷീ​ര​സം​ഘ​ത്തി​ന് ല​ഭി​ക്കു​ന്ന വ​രു​മാ​നം ക​ർ​ഷ​കോ​ന്മു​ഖ സേ​വ​ന പ​ദ്ധ​തി​ക​ൾ ആ​സൂ​ത്ര​ണം ചെ​യ്ത് ക​ർ​ഷ​ക​രി​ലേ​ക്കു​ത​ന്നെ എ​ത്തി​ക്കു​ന്ന​താ​ണ് പു​ൽ​പ​ള്ളി ക്ഷീ​ര​സം​ഘ​ത്തി​ന്റെ രീ​തി.

ക്ഷീ​ര​ക​ർ​ഷ​ക സ​ഹ​ക​ര​ണ സം​ഘ​ങ്ങ​ൾ പൊ​തു​വി​ൽ പാ​ൽ മാ​ത്ര​മാ​ണ് ക​ർ​ഷ​ക​രി​ൽ നി​ന്ന് സം​ഭ​രി​ച്ച് വി​ല ന​ൽ​കു​ന്ന​തെ​ങ്കി​ൽ പ​ശു​ക്ക​ളു​ടെ ചാ​ണ​ക​വും വൈ​ക്കോ​ലും കൂ​ടെ സം​ഭ​രി​ച്ച് ക​ർ​ഷ​ർ​ക്ക് വ​രു​മാ​നം ന​ൽ​കു​ന്ന ന​വീ​ന മാ​തൃ​ക പു​ൽ​പ​ള്ളി സം​ഘ​ത്തി​ൽ കാ​ണാം. വീ​ട്ടു​പ​ടി​ക്ക​ലെ​ത്തി സം​ഭ​രി​ക്കു​ന്ന ഒ​രു ഘ​ന​യ​ടി ചാ​ണ​ക​പ്പൊ​ടി​ക്ക് 48 രൂ​പ വി​ല ലഭിക്കും.

2015-16ൽ ആ​രം​ഭി​ച്ച ഫോ​ഡ​ർ ഹ​ബ് പ​ദ്ധ​തി നെ​ൽ​ക​ർ​ഷ​ക​രി​ൽ നി​ന്ന് വൈ​ക്കോ​ൽ സം​ഭ​രി​ക്കു​ന്ന​തി​നാ​ണ്. ക​ർ​ഷ​ക​ർ​ക്ക് മി​ക​ച്ച കി​ടാ​രി​ക​ളെ ല​ഭ്യ​മാ​ക്കു​ന്ന​തി​നാ​യി കി​ടാ​രി​പാ​ർ​ക്ക് ആ​രം​ഭി​ച്ച് ഇ​ന്നും മി​ക​ച്ച രീ​തി​യി​ൽ പ്ര​വ​ർ​ത്ത​ിക്കുന്നു. 24 മ​ണി​ക്കൂ​റും വെ​റ്റ​റി​ന​റി ഡോ​ക്ട​റു​ടെ സേ​വ​നം സം​ഘം ഉ​റ​പ്പാ​ക്കി​യി​ട്ടു​ണ്ട്. പ​ശു​ക്ക​ൾ​ക്ക് ആ​വ​ശ്യ​മാ​യ മ​രു​ന്നു​ക​ൾ ല​ഭ്യ​മാ​ക്കു​ന്ന​തി​നാ​യി വെ​റ്റ​റി​ന​റി മെ​ഡി​ക്ക​ൽ സ്റ്റോ​റും ന​ട​ത്തു​ന്നു​ണ്ട്. ര​ണ്ട് ഏ​ക്ക​റോ​ളം ഭൂ​മി​യി​ൽ സം​ഘ​ത്തി​ന്​ നേ​രി​ട്ട് തീ​റ്റ​പ്പു​ൽ​കൃ​ഷി​യു​മു​ണ്ട്.

ഗ​താ​ഗ​ത സൗ​ക​ര്യ​ങ്ങ​ൾ താ​ര​ത​മ്യേ​ന കു​റ​ഞ്ഞ വ​ന​ഗ്രാ​മ​ങ്ങ​ളി​ൽ ഉ​ൾ​പ്പെ​ടെ​യു​ള്ള ക്ഷീ​ര​ക​ർ​ഷ​ക​ർ സം​ഘ​ത്തി​ൽ അം​ഗ​ങ്ങ​ൾ ആ​യ​തി​നാ​ൽ അ​വ​ർ​ക്ക് സ​ഹാ​യ​മാ​വു​ന്ന രീ​തി​യി​ൽ പാ​ൽ ശേ​ഖ​രി​ക്കു​ന്ന​തി​നാ​യി 65- ഓ​ളം ക​ല​ക്ഷ​ൻ സെ​ൻ​റ​റു​ക​ളും മു​പ്പ​തോ​ളം ക​ല​ക്ഷ​ൻ ഏ​ജ​ൻ​റു​മാ​രെ​യും നാ​ലു വാ​ഹ​ന​ങ്ങ​ളും സം​ഘം ഒ​രു​ക്കി​യി​ട്ടു​ണ്ട്. അ​റു​പ​തോ​ളം പേർ​ക്ക് തൊ​ഴി​ലും വ​രു​മാ​ന​വും ഉ​റ​പ്പാ​ക്കു​ന്ന തൊ​ഴി​ൽ​ദാ​താ​വു​കൂ​ടി​യാ​ണ് പു​ൽ​പ​ള്ളി ക്ഷീ​ര​സം​ഘം.

പാ​ൽ​മി​ക​വി​ൽ മു​ന്നേ​റി മാ​ന​ന്ത​വാ​ടി

കേ​ര​ള​ത്തി​ല്‍ ഏ​റ്റ​വും കൂ​ടു​ത​ല്‍ പാ​ല്‍ പ്ര​തി​ദി​നം കൈ​കാ​ര്യം ചെ​യ്യു​ന്ന ആ​പ്‌​കോ​സ് മാ​തൃ​ക​യി​ലു​ള്ള പ്രാ​ഥ​മി​ക ക്ഷീ​ര​സ​ഹ​ക​ര​ണ സം​ഘ​ങ്ങ​ളി​ൽ ഒ​ന്നാ​മ​താ​ണ് മാ​ന​ന്ത​വാ​ടി ക്ഷീ​രോ​ൽ​പാ​ദ​ക സ​ഹ​ക​ര​ണ സം​ഘം. രാ​വി​ലെ​യും വൈ​കിട്ടുമാ​യി ദി​വ​സ​വും 21,800 ലി​റ്റ​ര്‍ പാ​ലാ​ണ് മാ​ന​ന്ത​വാ​ടി സം​ഘം മി​ല്‍മ​ക്ക് കൈ​മാ​റു​ന്ന​ത്. ഇതി​നാ​വ​ശ്യ​മാ​യ പ​ശ്ചാ​ത്ത​ല സൗ​ക​ര്യ​ങ്ങ​ളെ​ല്ലാം മി​ക​വാ​ര്‍ന്ന രീ​തി​യി​ല്‍ സം​വി​ധാ​നി​ച്ചി​ട്ടു​മു​ണ്ട്. പ്ര​തി​വ​ർ​ഷം 42 കോ​ടി രൂ​പ​യി​ൽ അ​ധി​ക​മാ​ണ് സം​ഘ​ത്തി​ന്റെ വി​റ്റു​വ​ര​വ്.

മികവിനുള്ള അം​ഗീ​കാ​ര​മാ​യാ​ണ് 2022ൽ ​ദേ​ശീ​യ ഗോ​പാ​ല്‍ ര​ത്ന പു​ര​സ്കാ​രം മാ​ന​ന്ത​വാ​ടി​യെ തേ​ടി​യെ​ത്തി​യ​ത്. 5000ല്‍ ​അ​ധി​കം അം​ഗ​ങ്ങ​ളു​ള്ള സം​ഘ​ത്തി​ല്‍ ഇ​പ്പോ​ള്‍ പാ​ല​ള​ക്കു​ന്ന 1400ഓ​ളം സ​ജീ​വ അം​ഗ​ങ്ങ​ളു​ണ്ട്. പാ​ല്‍ സം​ഭ​ര​ണ​ത്തി​ന് മാ​ന​ന്ത​വാ​ടി പ​ട്ട​ണ​ത്തി​ലു​ള്ള സൊ​സൈ​റ്റി ഓ​ഫി​സി​നോ​ട് ചേ​ർ​ന്നു​ള്ള പ്ര​ധാ​ന പ്ലാ​ന്റി​ന് പു​റ​മെ 123ഓ​ളം ക്ഷീ​ര​ബൂ​ത്തു​ക​ളാ​ണ് ഒ​രു​ക്കി​യി​രി​ക്കു​ന്ന​ത്. 5000 ലി​റ്റ​ര്‍ വീ​തം ശേ​ഷി​യു​ള്ള മൂ​ന്ന് ബ​ള്‍ക്ക് മി​ല്‍ക്ക് കൂ​ള​റു​ക​ളും 15,000 ലി​റ്റ​ര്‍ സം​ഭ​ര​ണ​ശേ​ഷി​യു​ള്ള മി​ല്‍ക്ക് സൈ​ലോ​യു​മു​ണ്ട്.

മി​ല്‍മ​യു​ടെ സ​ഹാ​യ​ത്തോ​ടെ 20 കി​ലോ​വാ​ട്ടി​ന്‍റെ സോ​ളാ​ര്‍ പാ​ന​ല്‍ സ്ഥാ​പി​ച്ച​തി​നാ​ല്‍ ഹ​രി​ത വൈ​ദ്യു​തി​യി​ലാ​ണ് പ്ര​വ​ര്‍ത്ത​ന​ങ്ങ​ളേ​റെ​യും. പ്ലാ​ൻ​റി​ൽ നി​ന്നു​ള്ള മ​ലി​ന​ജ​ലം സം​സ്ക​രി​ക്കാ​ൻ 22000 ലി​റ്റ​ർ ശേ​ഷി​യി​ൽ വാ​ട്ട​ർ ട്രീ​റ്റ്മെ​ൻ​റ്റ് പ്ലാ​ൻ​റുമുണ്ട്. ഉ​ത്സ​വ​കാ​ല​ങ്ങ​ളി​ലും പ​ഞ്ഞ​കാ​ല​ത്തും സ്കൂ​ള്‍ തു​റ​ക്കു​ന്ന​തു​പോ​ലു​ള്ള കു​ടും​ബ ചെ​ല​വേ​റു​ന്ന സ​മ​യ​ത്തു​മെ​ല്ലാം ക​ര്‍ഷ​ക​ര്‍ക്ക് സം​ഘ​ത്തി​ന്‍റെ വ​ക​യാ​യി അ​ധി​ക വി​ല​യു​ണ്ടാ​കും.

പൂ​ർ​ണ​മാ​യും ഓ​ട്ടോ​മാ​റ്റി​ക് രീ​തി​യി​ലാ​ണ് ലാ​ബും മി​ൽ​ക്ക് അ​ന​ലൈ​സ​ർ സം​വി​ധാ​ന​ങ്ങ​ളും. പാ​ൽ​പ​രി​ശോ​ധ​ന​യും വി​ല​നി​ർ​ണ​യ​വു​മെ​ല്ലാം പൂ​ർ​ണ​മാ​യും ഡി​ജി​റ്റ​ലൈ​സ് ചെ​യ്തി​ട്ടു​ണ്ടെ​ന്ന് മാ​ത്ര​മ​ല്ല, ക്ഷീ​ര എ​ന്ന പ്ര​ത്യേ​ക സോ​ഫ്റ്റ് വെ​യ​റി​ന്റെ സാ​ങ്കേ​തി​ക​സ​ഹാ​യ​വു​മു​ണ്ട്. കാ​ലി​ത്തീ​റ്റ​ക്ക്​ സ​ബ്സി​ഡി​യു​ണ്ട്. പ​ശു​ക്ക​ള്‍ക്ക് ചി​കി​ത്സിക്കാനും മ​രു​ന്നി​നും മ​റ്റുമായി ഓരോ ക​ര്‍ഷ​ക​നും വ​ര്‍ഷ​ത്തി​ല്‍ 6000 രൂ​പ സ​ഹാ​യ​മാ​യി ന​ല്‍കും. പ​യ്യാ​മ്പ​ള്ളിയിൽ സൂ​പ്പ​ര്‍മാ​ര്‍ക്ക​റ്റ് തു​റ​ക്കാ​നു​ള്ള പ്ര​വ​ര്‍ത്ത​ന​ത്തി​ലാ​ണ് സം​ഘ​മി​പ്പോ​ള്‍.

ദീ​പ്തി​ഗി​രി​യി​ലെ ധ​വ​ള​ശോ​ഭ

കേ​ര​ള​ത്തി​ലേ​ക്ക് ആ​ദ്യ​മാ​യി ഗോ​പാ​ൽ​ര​ത്ന പു​ര​സ്കാ​ര​മെ​ത്തി​ച്ചത് മാ​ന​ന്ത​വാ​ടി​ക്ക​ടു​ത്ത് എ​ട​വ​ക പ​ഞ്ചാ​യ​ത്തി​ലെ ദീ​പ്തി​ഗി​രി​യി​ലെ ക്ഷീ​ര​സം​ഘമാണ്. 2020ലാ​ണ് രാജ്യത്തെ മി​ക​ച്ച ര​ണ്ടാ​മ​ത്തെ ക്ഷീ​ര​സം​ഘ​ത്തി​നു​ള്ള പു​ര​സ്കാ​രം ദീ​പ്തി​ഗി​രി​ക്ക് ല​ഭി​ക്കു​ന്ന​ത്.

എ​ട​വ​ക പ​ഞ്ചാ​യ​ത്തി​ല്‍ 1984ൽ 18 ​ക​ർ​ഷ​ക​രു​ടെ കൂ​ട്ടാ​യ്മ​യാ​യി പ്ര​തി​ദി​നം 25 ലി​റ്റ​ർ പാ​ൽ സം​ഭ​രി​ക്കു​ന്ന കൂ​ട്ടാ​യ്മ​യാ​യി പ്ര​വ​ര്‍ത്ത​ന​മാ​രം​ഭി​ച്ച ദീ​പ്തി​ഗി​രി ഇ​ന്ന് 250ല​ധി​കം പേ​രി​ൽ നി​ന്നാ​യി പ്ര​തി​ദി​നം 4000 ലി​റ്റ​റി​ല​ധി​കം പാ​ല്‍ സം​ഭ​രി​ക്കു​ന്നു. ഫാ​മു​ക​ളി​ല്‍നി​ന്ന് ഗു​ണ​ഭോ​ക്താ​ക്ക​ള്‍ക്ക് നേ​രി​ട്ട് ഗു​ണ​നി​ല​വാ​ര​മു​ള്ള പാ​ല്‍ എ​ത്തി​ച്ചു​ന​ല്‍കു​ന്ന ഫാം ​ഫ്ര​ഷ് മി​ല്‍ക്ക് ഉ​ൾ​പ്പെ​ടെ​യു​ള്ള വ​രു​മാ​ന​പു​തു​മ​ക​ളും ദീ​പ്തി​ഗി​രി​യി​ലു​ണ്ട്. പാ​ല്‍ സം​ഭ​ര​ണ​ത്തി​ലും വി​ത​ര​ണ​ത്തി​ലും ഒ​തു​ങ്ങുന്ന​ത​ല്ല സം​ഘ​ത്തി​ന്‍റെ പ്ര​വ​ര്‍ത്ത​ന​ം. നി​ത്യോ​പ​യോ​ഗ സാ​ധ​ന​ങ്ങ​ള്‍ വി​പ​ണി വി​ല​യേ​ക്കാ​ൾ കു​റ​ച്ച് പ്ര​ദേ​ശ​വാ​സി​ക​ള്‍ക്ക് ന​ല്‍കു​ന്ന​തി​നായി സം​ഘം സൂ​പ്പ​ർ മാ​ർ​ക്ക​റ്റ് ന​ട​ത്തു​ന്നു​ണ്ട്. അതും സ്വ​ന്തം കെ​ട്ടി​ട​ത്തി​ൽ.