ഫിഷറീസ് വകുപ്പിന്‍റെ വലയിൽ കുടുങ്ങി മത്സ്യ കർഷകർ

തി​രു​വ​ന​ന്ത​പു​രം: ഭ​ക്ഷ്യ​സു​ര​ക്ഷ​യു​ടെ പേ​രി​ൽ സം​സ്ഥാ​ന സ​ർ​ക്കാ​ർ ആ​വി​ഷ്ക​രി​ച്ച സു​ഭി​ക്ഷ കേ​ര​ളം പ​ദ്ധ​തി​യി​ൽ കു​ടു​ങ്ങി ആ​യി​ര​ക്ക​ണ​ക്കി​ന് മ​ത്സ്യ ക​ർ​ഷ​ക​ർ. തു​ട​ർ​പ്ര​വ​ർ​ത്ത​ന​ങ്ങ​ൾ സ്തം​ഭി​ച്ച​തോ​ടെ ആ​യി​ര​ക്ക​ണ​ക്കി​ന് ട​ൺ ശു​ദ്ധ​ജ​ല​മ​ത്സ്യം വി​ൽ​ക്കാ​നാ​കാ​തെ സം​സ്ഥാ​ന​ത്ത് കെ​ട്ടി​ക്കി​ട​ക്കു​ന്നു. സം​സ്ഥാ​ന​ത്തി​ന്‍റെ ആ​ഭ്യ​ന്ത​ര ഉ​പ​ഭോ​ഗ​ത്തി​നാ​യി മാ​ത്രം പ്ര​തി​ദി​നം 1.5 ല​ക്ഷം മെ​ട്രി​ക് മ​ത്സ്യ​മാ​ണ് ഇ​ത​ര സം​സ്ഥാ​ന​ങ്ങ​ളി​ല്‍ നി​ന്നെ​ത്തു​ന്ന​ത്.

കു​റ​ഞ്ഞ സ്ഥ​ല​ത്ത് കൂ​ടു​ത​ൽ മ​ത്സ്യം എ​ന്ന പേ​രി​ൽ അ​വ​ത​രി​പ്പി​ച്ച 'ബ​യോ​ഫ്ലോ​ക്ക്' കൃ​ഷി​ക്കാ​യി​രു​ന്നു ഏ​റെ ജ​ന​കീ​യ​ത. 1.38 ല​ക്ഷം ചെ​ല​വ് വ​രു​ന്ന ഒ​രു യൂ​നി​റ്റി​ന് 40 ശ​ത​മാ​നം സ​ബ്സി​ഡി സ​ർ​ക്കാ​ർ ന​ൽ​കി. കേ​ന്ദ്ര സ​ർ​ക്കാ​റി​ന്‍റെ പ്ര​ധാ​ന​മ​ന്ത്രി മ​ത്സ്യ സ​മ്പ​ദ് യോ​ജ​ന (പി.​എം.​എ​സ്.​എ​സ്.​വൈ) പ്ര​കാ​രം 20000 ലി​റ്റ​റി​ന്‍റെ ഏ​ഴ് ടാ​ങ്ക് നി​ർ​മി​ക്കാ​ൻ ഏ​ഴ​ര​ല​ക്ഷം രൂ​പ​യു​ടെ പ​ദ്ധ​തി​യും അ​വ​ത​രി​പ്പി​ച്ചു. ഇ​തി​ൽ 2,80,000 രൂ​പ സ​ബ്‌​സി​ഡി ന​ൽ​കി. വ​ര്‍ഷ​ത്തി​ല്‍ ര​ണ്ട് വി​ള​യി​ല്‍ നി​ന്നു​മാ​യി 1,08,000 രൂ​പ​യു​ടെ ലാ​ഭ​മാ​ണ് ഒ​രു​ടാ​ങ്കി​ൽ നി​ന്ന് മാ​ത്രം ക​ർ​ഷ​ക​ർ​ക്ക് ഫി​ഷ​റീ​സ് വ​കു​പ്പ് വാ​ഗ്ദാ​നം ചെ​യ്തി​രു​ന്ന​ത്. സ​ർ​ക്കാ​ർ ന​ൽ​കി​യ ഉ​റ​പ്പ് വി​ശ്വ​സി​ച്ച് എ​ണ്ണാ​യി​ര​ത്തോ​ളം പേ​ർ പു​തു​താ​യി ഈ ​രം​ഗ​ത്തേ​ക്കെ​ത്തി.

കോ​വി​ഡ് കാ​ല​ഘ​ട്ട​ത്തി​ൽ കൃ​ഷി ആ​ദാ​യ​ക​ര​മാ​യി​രു​ന്നു. എ​ന്നാ​ൽ ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന് കോ​ഴി മാ​ലി​ന്യം തീ​റ്റ ന​ൽ​കി വ​ള​ർ​ത്തി​യ മ​ത്സ്യം കു​റ​ഞ്ഞ തു​ക​ക്ക് എ​ത്തു​ന്ന​തും ക​ട​ൽ മ​ത്സ്യ​ത്തി​ന്‍റെ ല​ഭ്യ​ത​യും വെ​ല്ലു​വി​ളി​യാ‍ണ്. സ​ർ​ക്കാ​റി​ന്‍റെ നേ​തൃ​ത്വ​ത്തി​ൽ ആ​രം​ഭി​ച്ച വി​ഷ​ര​ഹി​ത മ​ത്സ്യ​കൃ​ഷി​യെ സം​ബ​ന്ധി​ച്ച് ജ​ന​ങ്ങ​ൾ​ക്കി​ട​യി​ൽ ബോ​ധ​വ​ത്ക​ര​ണം ന​ട​ത്തു​ന്ന​തി​ൽ ഫി​ഷ​റീ​സ് വ​കു​പ്പ് പ​രാ​ജ​യ​പ്പെ​ട്ട​തും തി​രി​ച്ച​ടി​യാ​യി. ആ​റ് മാ​സം ഉ​യ​ർ​ന്ന വി​ല​യു​ള്ള പെ​ല്ല​റ്റ് തീ​റ്റ ന​ൽ​കി ശു​ദ്ധ​ജ​ല​ത്തി​ൽ വ​ള​ർ​ത്തി​യ മ​ത്സ്യം ക​ർ​ഷ​ക​രി​ൽ​നി​ന്ന് സം​ഭ​രി​ക്കാ​നോ അ​വ​ക്ക് വി​പ​ണി ഉ​റ​പ്പാ​ക്കാ​നോ വ​കു​പ്പും സ​ർ​ക്കാ​റും ത​യാ​റാ​കാ​തെ വ​ന്ന​തോ​ടെ വ​ർ​ഷ​ത്തി​ൽ ഒ​രു​വി​ള​വെ​ടു​പ്പ് പോ​ലും പൂ​ർ​ത്തി​യാ​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് ഭൂ​രി​ഭാ​ഗം പേ​രും.

ബാ​ങ്കു​ക​ളി​ൽ​നി​ന്ന് വാ​യ്പ​യെ​ടു​ത്തും സ്വ​ർ​ണം പ​ണ​യം വെ​ച്ചും ഈ ​രം​ഗ​ത്തേ​ക്കി​റ​ങ്ങി​യ ന​ല്ലൊ​രു ശ​ത​മാ​ന​വും ഇ​ന്ന് വ​ൻ ക​ട​ക്കെ​ണി​യി​ലാ​ണ്. ലോ​ക്ഡൗ​ൺ കാ​ല​ത്ത് അ​തി​ർ​ത്തി വ​ഴി മാ​ര​ക വി​ഷാം​ശം ക​ല​ർ​ന്ന മ​ത്സ്യ​ങ്ങ​ൾ സം​സ്ഥാ​ന​ത്തെ​ത്തു​ന്നു​ണ്ടെ​ന്ന വി​വ​ര​ത്തെ തു​ട​ർ​ന്ന് ആ​രോ​ഗ്യ​വ​കു​പ്പ് ന​ട​ത്തി​യ ഓ​പ​റേ​ഷ​ൻ സാ​ഗ​ർ റാ​ണി​യി​ൽ ഉ​പ​യോ​ഗ​ശൂ​ന്യ​മാ​യ 2865 കി​ലോ മ​ത്സ്യം പി​ടി​ച്ചെ​ടു​ത്തി​രു​ന്നു. ഇ​തേ​തു​ട​ർ​ന്നാ​ണ് മ​ത്സ്യ​കൃ​ഷി പ​ദ്ധ​തി​ക​ൾ ഫി​ഷ​റീ​സ് വ​കു​പ്പ് ആ​വി​ഷ്ക​രി​ച്ച​ത്. 2021-22 സാ​മ്പ​ത്തി​ക വ​ർ​ഷം 98 കോ​ടി​യു​ടെ ഭ​ര​ണാ​നു​മ​തി ന​ൽ​കി​യി​രു​ന്നു.