വിത മുതൽ വിൽപന വരെ: നെട്ടോട്ടമോടി നെൽകർഷകർ

ആ​ല​പ്പു​ഴ: നെ​ൽ​കൃ​ഷി​ക്കാ​യി നി​ലം ഒ​രു​ക്കു​ന്ന​തു​മു​ത​ൽ നെ​ല്ല്​ വി​ൽ​ക്കു​ന്ന​തു​വ​രെ ക​ർ​ഷ​ക​ർ നേ​രി​ടു​ന്ന ദു​രി​ത​ങ്ങ​ൾ എ​ണ്ണി​യാ​ലൊ​ടു​ങ്ങാ​ത്ത​ത്. നി​ലം ഒ​രു​ക്കാ​ൻ യ​ന്ത്ര​ങ്ങ​ളും ജോ​ലി​ക്കാ​രെ​യും കി​ട്ടാ​നു​ള്ള നെ​ട്ടോ​ട്ട​ത്തി​ൽ തു​ട​ങ്ങു​ന്ന​താ​ണ്​ ദു​രി​തം. നി​ലം ഒ​രു​ക്ക​ാൻ മ​ഴ ക​നി​യ​ണം. മ​ഴ കൂ​ടി​യാ​ലും കു​റ​ഞ്ഞാ​ലും ക​ർ​ഷ​ക​ന്‍റെ നെ​ഞ്ചി​ൽ തീ​യാ​ളും. മ​ഴ കു​റ​ഞ്ഞാ​ൽ പ്ര​തീ​ക്ഷി​ച്ച വി​ള​വ്​ കി​ട്ടില്ല. മ​ഴ കൂ​ടി​യാ​ൽ എ​ല്ലാം വെ​ള്ളം​ക​യ​റി ന​ശി​ക്കും. വി​ത്ത്​ ല​ഭി​ക്കാ​നും ക​ട​മ്പ​ക​ൾ ഏ​റെ​യാ​ണ്.

ഇ​ത്ത​വ​ണ പു​ഞ്ച​കൃ​ഷി​ക്ക്​​ വി​ത്തി​നാ​യി കു​ട്ട​നാ​ട്, അ​പ്പ​ർ​കു​ട്ട​നാ​ട്, പാ​ട​ങ്ങ​​ളി​ലെ ക​ർ​ഷ​ക​ർ​ നെട്ടോട്ടം ഓടി. ദേ​ശീ​യ വി​ത്ത് വി​ക​സ​ന​കേ​ന്ദ്ര​ത്തി​ൽ​നി​ന്ന് വി​ത്ത് ല​ഭി​ക്കാ​ത്ത​തും ക​ർ​ണാ​ട​ക​യി​ൽ​നി​ന്നു​ള്ള ല​ഭ്യ​ത​ക്കു​റ​വു​മാ​ണ് പ്ര​തി​സ​ന്ധി​ക്ക്​ ഇ​ട​യാ​ക്കി​യ​ത്. വി​വി​ധ ഏ​ജ​ൻ​സി​ക​ളി​ൽ​നി​ന്ന് കൃഷി വകുപ്പ്​ കി​ലോ​ക്ക്​ 42 രൂ​പക്ക്​ വാങ്ങി കർഷകർക്ക്​ സൗ​ജ​ന്യ​മാ​യി ന​ൽ​കു​ക​യാ​ണ്​ ചെ​യ്യു​ന്ന​ത്. ഏ​ക്ക​റി​ന് 40 കി​ലോ വി​ത്താ​ണ് ല​ഭി​ക്കു​ക. വി​ത​ച്ച വി​ത്ത്​ പ​ല​യി​ട​ത്തും തു​ലാ​മ​ഴ​യി​ൽ ന​ശി​ച്ചു. അ​തോ​ടെ പി​ന്നീ​ട് കി​ലോ​ക്ക്​ 44 രൂ​പ നി​ര​ക്കി​ൽ സ്വ​കാ​ര്യ ഏ​ജ​ൻ​സി​ക​ളി​ൽ​നി​ന്ന് വാ​ങ്ങേ​ണ്ട അ​വ​സ്ഥ​യാ​യി. നെ​ല്ല് സം​ഭ​രി​ച്ച പ​ണം പൂ​ർ​ണ​മാ​യി ല​ഭി​ക്കാ​തെ ന​ട്ടം തി​രി​യു​ന്ന ക​ർ​ഷ​ക​ർ​ക്കാ​ണ്​ വി​ത്തി​നാ​യും അ​ല​യേ​ണ്ടിവന്നത്​.

ആ​ശ​ങ്ക ഒ​ഴി​യാ​തെ കർഷകർ

ധ​ന​പ്ര​തി​സ​ന്ധി​യു​ടെ പേ​രി​ൽ ക​ർ​ഷ​ക​രെ ത​ട്ടി​ക്ക​ളി​ക്കു​ന്ന​ത്​ തു​ട​രു​ന്ന സ്ഥി​തി​യാ​ണുള്ളത്​. സം​ഭ​ര​ണ​വും വി​ല ന​ൽ​ക​ലും കാ​ര്യ​ക്ഷ​മ​മാ​കി​ല്ലെ​ന്ന ആ​ശ​ങ്ക​യാ​ണ്​ ക​ർ​ഷ​ക​ർ​ക്ക്. നെ​ൽ​കൃ​ഷി പ്രോ​ത്സാ​ഹ​ന​ത്തി​ന്​ എ​ല്ലാം ചെ​യ്യു​ന്നു​വെ​ന്ന്​ മ​ന്ത്രി​മാ​ർ പ​റ​യു​മ്പോ​ഴാ​ണ്​ നെ​ല്ലി​ന്‍റെ വി​ല ലഭിക്കുന്നില്ല. സ​പ്ലൈ​കോ​യാ​ണ്​ നെ​ല്ല്​ സം​ഭ​രി​ക്കുന്ന​ത്. സ​പ്ലൈ​കോ​ക്ക്​ ഈ ​ഇ​ന​ത്തി​ൽ 666 കോ​ടി സം​സ്ഥാ​ന സ​ർ​ക്കാ​റും 790 കോ​ടി കേ​ന്ദ്ര​സ​ർ​ക്കാ​റും ന​ൽ​കാ​നു​ണ്ട്. കേ​ന്ദ്രീ​കൃ​ത രീ​തി​യി​ൽ ഇ​പ്പോ​ൾ സ​പ്ലൈ​കോ ന​ട​ത്തി​വ​രു​ന്ന സം​ഭ​ര​ണം നാ​ടു​നീ​ളെ​യു​ള്ള സ​ഹ​ക​ര​ണ സം​ഘ​ങ്ങ​ളെ ഏ​ൽ​പി​ക്കു​ന്ന​ത്​ കൂ​ടു​ത​ൽ സ​ങ്കീ​ർ​ണ​മാ​യ പ്ര​ശ്ന​ങ്ങ​ളി​ലേ​ക്കാ​വും ന​യി​ക്കു​ക​യെ​ന്ന്​ ക​ർ​ഷ​ക​ർ ആ​ശ​ങ്ക​പ്പെ​ടു​ന്നു. നെ​ല്ല്​ സം​ഭ​ര​ണ​ത്തി​ന്​ ആ​വ​ശ്യ​മാ​യ പ​ണം സ​ർ​ക്കാ​ർ ല​ഭ്യ​മാ​ക്കു​ക​യാ​ണ്​ വേ​ണ്ട​ത്. പ​ണം ന​ൽ​കി​യാ​ൽ സ​പ്ലൈ​കോ​യു​ടെ സം​ഭ​ര​ണ രീ​തി വി​ജ​യി​പ്പി​ക്കാ​നാ​കും.