![കാര്ഷികോൽപന്നങ്ങള്ക്ക് മികച്ച വിപണി ഒരുക്കുമെന്ന് മുഖ്യമന്ത്രി കാര്ഷികോൽപന്നങ്ങള്ക്ക് മികച്ച വിപണി ഒരുക്കുമെന്ന് മുഖ്യമന്ത്രി](https://www.madhyamam.com/h-upload/2020/06/22/632673-pinarayi-vijayan.webp)
കാര്ഷികോൽപന്നങ്ങള്ക്ക് മികച്ച വിപണി ഒരുക്കുമെന്ന് മുഖ്യമന്ത്രി
text_fieldsതിരുവനന്തപുരം: കാര്ഷികോൽപന്നങ്ങള്ക്ക് മികച്ച വിപണി ഒരുക്കാനും കര്ഷകര്ക്ക് നല്ല വില ലഭ്യമാക്കാനും സര്ക്കാര് പ്രതിജ്ഞാബദ്ധമാണെന്ന് മുഖ്യമന്ത്രി പിണറായി വിജയന്. കൃഷിവകുപ്പിെൻറ ആഭിമുഖ്യത്തില് തെങ്ങിന്തൈ വിതരണം, ഈ വര്ഷത്തെ ഞാറ്റുവേലച്ചന്ത, കര്ഷകസഭ, ഒരു കോടി ഫലവൃക്ഷത്തൈകളുടെ രണ്ടാംഘട്ട വിതരണം എന്നീ പരിപാടികള് വിഡിയോ കോണ്ഫറന്സിലൂടെ ഉദ്ഘാടനം ചെയ്യുകയായിരുന്നു മുഖ്യമന്ത്രി.
ഉൽപാദനം വര്ധിപ്പിക്കുന്നതുകൊണ്ടുമാത്രം ഈ രംഗത്തെ കാതലായ പ്രശ്നം പരിഹരിക്കപ്പെടില്ലെന്ന് അദ്ദേഹം പറഞ്ഞു. ഉൽപാദനത്തിനനുസരിച്ച് വിപണിയുണ്ടാകണം. വിലകിട്ടണം. 'സുഭിക്ഷ കേരളം' പദ്ധതിയിലൂടെ മികച്ച വിപണിസാധ്യത കണ്ടെത്തും. കാര്ഷിക മൊത്ത വിപണികൾ, ജില്ലതല സംഭരണകേന്ദ്രങ്ങൾ, ബ്ലോക്ക്തല വിപണികള്, ആഴ്ചച്ചന്തകള് എന്നിവയെല്ലാം ഇതിെൻറ ഭാഗമായി ആരംഭിക്കും.
കൃഷി, മൃഗസംരക്ഷണം, ക്ഷീരവികസനം, മത്സ്യബന്ധനം എന്നീ മേഖലകള് അഭിവൃദ്ധിപ്പെടുത്തുകയാണ് ലക്ഷ്യം. തരിശുനിലങ്ങളില് കൃഷിയിറക്കുന്നതിന് തുടക്കംകുറിച്ചുകഴിഞ്ഞു. അനുയോജ്യമായ ഭൂമി കണ്ടെത്താനും കൃഷി ചെയ്യാനും വൃക്ഷത്തൈ നടാനും തുടര്പരിപാലനം നടത്താനും ഓരോരുത്തരും മുന്കൈയെടുക്കണം.
കര്ഷകര്ക്ക് കൃഷിഭവനുകളിലൂടെയാണ് അത്യുല്പാദന ശേഷിയുള്ള തെങ്ങിന്തൈകള് വിതരണം ചെയ്യുക. കര്ഷകര്ക്ക് തങ്ങളുടെ കൈവശമുള്ള നടീല് വസ്തുക്കളും വിത്തുകളും പരസ്പരം കൈമാറുന്നതിന് ഓരോ കൃഷി ഭവന് വഴിയും അവസരം ഉണ്ടാകുമെന്നും മുഖ്യമന്ത്രി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.