![Assam tea industry Assam tea industry](https://www.madhyamam.com/h-upload/2020/09/20/695261-tea-industry-2092020.webp)
അസമിലെ തേയില തൊഴിലാളികൾക്കിത് ദുരിതകാലം; വലച്ചത് ലോക്ഡൗണും വെള്ളപ്പൊക്കവും
text_fieldsദിസ്പുർ: കോവിഡ് പ്രതിസന്ധിയിലും വെള്ളപ്പൊക്കത്തിലും തകർന്നടിഞ്ഞ് അസമിലെ തേയില വ്യവസായം. മുൻവർഷത്തെ അപേക്ഷിച്ച് ആഗസ്റ്റ് വരെ തേയില ഉൽപ്പാദനത്തിൽ 25 ശതമാനം ഇടിവ് രേഖപ്പെടുത്തി. തേയില ഉൽപ്പാദന മേഖലയിൽ 1200 കോടിയുടെ നഷ്ടമാണ് ഈ വർഷം നേരിട്ടതെന്നും ടീ ബോർഡ് ഓഫ് ഇന്ത്യ അറിയിച്ചു.
2020 ജനുവരി മുതൽ ജൂലൈ വരെ 222.37 മില്ല്യൺ കിലോഗ്രാം തേയിലയാണ് ഉൽപ്പാദിപ്പിച്ചത്. മുൻവർഷം ഈ കാലയളവിൽ 274.58 മില്ല്യൺ കിലോഗ്രാമിെൻറ ഉൽപ്പാദനം നടന്നു. കോവിഡ് ലോക്ഡൗണിനെ തുടർന്ന് മാർച്ച് -ഏപ്രിൽ മാസത്തിൽ തേയില ഉൽപ്പാദനം കുത്തനെ ഇടിഞ്ഞിരുന്നു. കൂടാതെ അസമിലുണ്ടായ വെള്ളപ്പൊക്കവും തിരിച്ചടിയായതായി ടീ അസോസിയേഷൻ ഓഫ് ഇന്ത്യ അസം ബ്രാഞ്ച് സെക്രട്ടറി ദിപഞ്ചൽ ദേക പറഞ്ഞു.
ഏകദേശം 803 രജിസ്ട്രേഡ് തേയിലതോട്ടങ്ങളും 10,000ത്തോളം ചെറിയ തേയില തോട്ടങ്ങളുമാണ് അസമിലുള്ളത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.