മുഹമ്മദ് മുൻഷിദ് മികച്ച കുട്ടികർഷകൻ
text_fieldsമുഹമ്മദ് മുൻഷിദ്
അങ്ങാടിപ്പുറം: പുലാമന്തോൾ ക്ഷീര സഹകരണ സംഘം ഏർപ്പെടുത്തിയ മികച്ച കുട്ടിക്കർഷകനുള്ള പുരസ്കാരം അങ്ങാടിപ്പുറം ചിരട്ടമലയിലെ പത്താം ക്ലാസ് വിദ്യാർഥി മുഹമ്മദ് മുൻഷിദിന്.
പരിയാപുരം സെന്റ് മേരീസ് ഹയർ സെക്കൻഡറി സ്കൂളിലെ പത്താംക്ലാസ് വിദ്യാർഥിയാണ് പി. മുഹമ്മദ് മുൻഷിദ്. ചീരട്ടാമല എ.എൽ.പി സ്കൂളിൽ നടന്ന ചടങ്ങിൽ നജീബ് കാന്തപുരം എം.എൽ.എ അവാർഡ് സമ്മാനിച്ചു. ആട്, പശു, മുയൽ, താറാവ്, കോഴി, അലങ്കാരമത്സ്യങ്ങൾ എന്നിവ വളർത്തുകയും വിൽപന നടത്തുകയും ചെയ്യുന്നുണ്ട് ഈ മിടുക്കൻ. തക്കാളി, വെണ്ട, പടവലം, ചീര, വിവിധതരം മുളക് എന്നിവയെല്ലാം മുൻഷിദിന്റെ കൃഷിയിടത്തിലുണ്ട്. ചീരട്ടാമല മദ്റസക്ക് സമീപം താമസിക്കുന്ന പുലാശ്ശേരി അബ്ദുറഹിമാന്റെയും സെലീനയുടെയും മകനാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.