പ​ക്ഷി​പ്പ​നി സ്ഥി​രീ​ക​രി​ച്ചി​ട്ടി​ല്ല: കോ​ട്ട​യം ജില്ലയിൽ ചത്തത്​ 14,298 താറാവുകൾ, ആ​ശ​ങ്ക വേ​ണ്ടെ​ന്ന് മൃ​ഗ​സം​ര​ക്ഷ​ണ വ​കു​പ്പ്

കോ​ട്ട​യം: ജി​ല്ല​യി​ൽ ഇ​തു​വ​രെ പ​ക്ഷി​പ്പ​നി സ്ഥി​രീ​ക​രി​ച്ചി​ട്ടി​ല്ലെ​ന്നും ജ​ന​ങ്ങ​ൾ ആ​ശ​ങ്ക​പ്പെ​ടേ​ണ്ട​തി​ല്ലെ​ന്നും മൃ​ഗ​സം​ര​ക്ഷ​ണ വ​കു​പ്പ് മൃ​ഗ​രോ​ഗ നി​യ​ന്ത്ര​ണ പ്രോ​ജ​ക്ട് ജി​ല്ല കോ​ഓ​ഡി​നേ​റ്റ​ർ ഡോ. ​ഷാ​ജി പ​ണി​ക്ക​ശ്ശേ​രി അ​റി​യി​ച്ചു. താ​റാ​വു​ക​ൾ ച​ത്ത​താ​യി വി​വ​രം ല​ഭി​ച്ച​തി​െൻറ അ​ടി​സ്ഥാ​ന​ത്തി​ൽ ന​ട​ത്തി​യ ക​ണ​ക്കെ​ടു​പ്പി​ൽ ജി​ല്ല​യി​ൽ കു​ഞ്ഞു​ങ്ങ​ള​ട​ക്കം 14,298 താ​റാ​വു​ക​ളാ​ണ്​ ച​ത്ത​ത്. വെ​ച്ചൂ​ർ- 4037, അ​യ്മ​നം -2465, കു​മ​ര​കം -1246, ക​ല്ല​റ-6550 (കു​ഞ്ഞു​ങ്ങ​ൾ) എ​ന്നി​ങ്ങ​നെ​യാ​ണ്​ വി​വി​ധ പ​ഞ്ചാ​യ​ത്തു​ക​ളി​ലെ എ​ണ്ണം. ജി​ല്ല​യി​ൽ വേ​മ്പ​നാ​ട് കാ​യ​ലി​നോ​ട് ചേ​ർ​ന്ന പ​ഞ്ചാ​യ​ത്തു​ക​ളി​ലെ ചി​ല ക​ർ​ഷ​ക​രു​ടെ താ​റാ​വി​ൻ​കൂ​ട്ട​ങ്ങ​ളി​ൽ കൂ​ടു​ത​ൽ മ​ര​ണം ഉ​ണ്ടാ​യി​ട്ടു​െ​ണ്ട​ന്ന്​ ഡോ. ​ഷാ​ജി പ​ണി​ക്ക​ശ്ശേ​രി പ​റ​ഞ്ഞു. രോ​ഗ​ബാ​ധ സം​ശ​യി​ക്കു​ന്ന താ​റാ​വു​ക​ളെ ശേ​ഖ​രി​ച്ച് വി​ശ​ദ​പ​രി​ശോ​ധ​ന​ക്കാ​യി ഭോ​പാ​ലി​ലെ ദേ​ശീ​യ ലാ​ബി​ൽ എ​ത്തി​ച്ചി​ട്ടു​ണ്ട്. ഫ​ലം ല​ഭ്യ​മാ​യി​ട്ടി​ല്ലെ​ങ്കി​ലും ക​ല​ക്ട​റു​ടെ നി​ർ​ദേ​ശ​പ്ര​കാ​രം ദ്രു​ത​ക​ർ​മ സേ​ന രൂ​പ​വ​ത്​​ക​രി​ച്ച് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ന​ട​ത്തി​വ​രു​ക​യാ​ണ്.ന​ന്നാ​യി വേ​വി​ച്ച മു​ട്ട​യും താ​റാ​വ്-​കോ​ഴി ഇ​റ​ച്ചി​യും പൂ​ർ​ണ​മാ​യും ഭ​ക്ഷ്യ​യോ​ഗ്യ​മാ​ണ്. പ​ച്ച മാം​സം കൈ​കാ​ര്യം ചെ​യ്ത​ശേ​ഷം കൈ​ക​ൾ സോ​പ്പും വെ​ള്ള​വും ഉ​പ​യോ​ഗി​ച്ച് വൃ​ത്തി​യാ​യി ക​ഴു​ക​ണം. ച​ത്ത​തോ രോ​ഗം​ബാ​ധി​ച്ച​തോ ആ​യ പ​ക്ഷി​ക​ളെ കൈ​കാ​ര്യം ചെ​യ്യു​ന്ന​തി​ന് ​ൈക​യു​റ​യും മാ​സ്കും ഉ​പ​യോ​ഗി​ക്ക​ണം.

രോ​ഗം ബാ​ധി​ച്ച​തോ രോ​ഗം ബാ​ധി​ച്ച് ച​ത്ത​തോ ആ​യ കോ​ഴി​ക​ളു​ടെ​യും താ​റാ​വു​ക​ളു​ടെ​യും മാം​സം ക​ഴി​ക്ക​ക​യോ മ​റ്റു​ള്ള​വ​ർ​ക്ക് ക​ഴി​ക്കാ​ൻ ന​ൽ​കാ​നോ പാ​ടി​ല്ല. രോ​ഗ​ബാ​ധ വ​ന്ന് ച​ത്തു​പോ​കു​ന്ന കോ​ഴി​ക​ളെ​യും താ​റാ​വു​ക​ളെ​യും വെ​ള്ള​ത്തി​ലോ ഒ​ഴി​ഞ്ഞു​കി​ട​ക്കു​ന്ന സ്ഥ​ല​ങ്ങ​ളി​ലോ ഉ​പേ​ക്ഷി​ക്കാ​തെ ക​ത്തി​ച്ചു​ക​ള​യ​ണ​മെ​ന്നും അ​ദ്ദേ​ഹം പ​റ​ഞ്ഞു.