മൃഗാശുപത്രികളിൽ മരുന്നില്ല; ക്ഷീരകർഷകർ വലയുന്നു

ചെ​റു​തോ​ണി: മൃ​ഗാ​ശു​പ​ത്രി​ക​ളി​ൽ മ​രു​ന്ന്​ കി​ട്ടാ​താ​യ​തോ​ടെ ക്ഷീ​ര​ക​ർ​ഷ​ക​ർ ചി​കി​ത്സ ചെ​ല​വ് താ​ങ്ങാ​നാ​വാ​തെ വ​ല​യു​ന്നു. അ​കി​ടു​വീ​ക്കം, വ​ന്ധ്യ​ത, സാം​ക്ര​മി​ക​രോ​ഗ​ങ്ങ​ൾ എ​ന്നി​വ​യു​ടെ ചി​കി​ത്സ ദി​വ​സ​ങ്ങ​ൾ നീ​ളു​മെ​ന്ന​തി​നാ​ൽ മ​രു​ന്നു​ക​ൾ​ക്കും മ​റ്റു​മാ​യി വ​ൻ​തു​ക ക​ർ​ഷ​ക​ൻ മു​ട​ക്കേ​ണ്ടി​വ​രു​ന്നു. ആ​ന്‍റി​ബ​യോ​ട്ടി​ക് കു​ത്തി​വെ​പ്പു​ൾ​പ്പെ​ടെ വി​ല കൂ​ടി​യ മ​രു​ന്നു​ക​ൾ പു​റ​ത്തു​നി​ന്ന്​ വാ​ങ്ങേ​ണ്ട ഗ​തി​കേ​ടി​ലാ​ണ് ക​ർ​ഷ​ക​ർ.

മൃ​ഗ​ചി​കി​ത്സ​ക്ക്​ ആ​വ​ശ്യ​മാ​യ ആ​ന്‍റി​ബ​യോ​ട്ടി​ക്കു​ക​ൾ, ആ​ന്‍റി​ഇ​ൻ​ഫോ​ർ​മേ​റ്റ​റി, ഗ്ലൂ​ക്കോ​സ്, ഓ​യി​ൻ​മെ​ന്‍റു​ക​ൾ, ഗു​ളി​ക​ക​ൾ തു​ട​ങ്ങി​യ​വ​ക്ക് മെ​ഡി​ക്ക​ൽ സ്റ്റോ​റു​ക​ളി​ൽ വ​ൻ വി​ല​യാ​ണ്. അ​കി​ടു​വീ​ക്കം പോ​ലു​ള്ള രോ​ഗ​ങ്ങ​ൾ​ക്ക് മൂ​ന്നു​മു​ത​ൽ അ​ഞ്ചു ദി​വ​സം വ​രെ ചി​കി​ത്സി​ക്കേ​ണ്ട​താ​യി​വ​രും. ഓ​രോ ദി​വ​സ​വും 500 മു​ത​ൽ 1000 രൂ​പ വ​രെ മ​രു​ന്നി​ന് ചെ​ല​വി​ടേ​ണ്ടി​വ​രും.

വ​ന്ധ്യ​ത ചി​കി​ത്സ​ക്കും കൈ​കാ​ലു​ക​ൾ​ക്ക് ച​ല​ന​ശേ​ഷി ന​ഷ്ട​പ്പെ​ട്ട് കി​ട​പ്പാ​വു​ന്ന അ​വ​സ്ഥ​യി​ലും കൂ​ടു​ത​ൽ ദി​വ​സം ചി​കി​ത്സ ആ​വ​ശ്യ​മാ​യി​വ​രും. ക​ഴി​ഞ്ഞ ആ​റു​വ​ർ​ഷ​ത്തി​നി​ടെ മ​രു​ന്നു വി​ത​ര​ണ​ത്തി​ൽ 50 ശ​ത​മാ​ന​ത്തോ​ളം കു​റ​വാ​ണ് നേ​രി​ട്ടി​രി​ക്കു​ന്ന​ത്. മു​മ്പ് വ​ർ​ഷ​ത്തി​ൽ മൂ​ന്നു​ത​വ​ണ മ​രു​ന്നു​ക​ൾ സ​പ്ലൈ ചെ​യ്തി​രു​ന്നു. ഇ​പ്പോ​ഴ​ത് ഒ​രു​ത​വ​ണ​യാ​ക്കി മാ​റ്റി. ഡി​സ്പെ​ൻ​സ​റി, ആ​ശു​പ​ത്രി, പോ​ളി​ക്ലി​നി​ക് എ​ന്നി​വി​ട​ങ്ങ​ളി​ൽ ഒ​രേ അ​ള​വി​ലാ​ണ് മ​രു​ന്നു​ക​ൾ ന​ൽ​കു​ന്ന​ത്. ആ​ശു​പ​ത്രി​ക​ളി​ൽ ചി​കി​ത്സ​ക്ക് കൊ​ണ്ടു​വ​രു​ന്ന മൃ​ഗ​ങ്ങ​ളു​ടെ എ​ണ്ണം കൂ​ടു​ത​ലാ​യ​തി​നാ​ൽ ല​ഭി​ക്കു​ന്ന മ​രു​ന്നു​ക​ൾ ദി​വ​സ​ങ്ങ​ൾ​ക്കു​ള്ളി​ൽ തീ​രും. പി​ന്നീ​ട് വ​രു​ന്ന​വ​ർ ഇ​ര​ട്ടി​വി​ല കൊ​ടു​ത്ത് മെ​ഡി​ക്ക​ൽ സ്‌​റ്റോ​റു​ക​ളി​ൽ​നി​ന്ന് വാ​ങ്ങേ​ണ്ടി​വ​രു​ന്നു. സെ​ൻ​ട്ര​ലൈ​സ്ഡ് പ​ർ​ച്ചേ​സി​ങ് സി​സ്റ്റ​മാ​ണ് അ​നി​മ​ൽ ഹ​സ്ബ​ൻ​ഡ്രി ഡി​പ്പാ​ർ​ട്മെ​ന്റ് പി​ന്തു​ട​രു​ന്ന​ത്.

കു​റ​ഞ്ഞ വി​ല​​ക്ക് മ​രു​ന്നു​ക​ൾ ക​രാ​ർ അ​ടി​സ്ഥാ​ന​ത്തി​ൽ ന​ൽ​കേ​ണ്ട​തി​നാ​ൽ മ​രു​ന്നു​ക​ളു​ടെ ഗു​ണ​മേ​ന്മ​യി​ലും ക​രാ​റെ​ടു​ക്കു​ന്ന​വ​ർ കു​റ​വ് വ​രു​ത്താ​റു​ണ്ട്. വ​ർ​ധി​ച്ചു​വ​രു​ന്ന ചി​കി​ത്സ ചെ​ല​വു​ക​ൾ ക്ഷീ​ര​ക​ർ​ഷ​ക​രെ വ​ട്ടം​ചു​റ്റി​ക്കു​ന്നു.