സം​ഭ​ര​ണ​മി​ല്ല; ഒ​ന്ന​ര മാ​സം ക​ഴി​ഞ്ഞി​ട്ടും നെ​ല്ല് കൊ​ണ്ടു​പോ​യി​ല്ല

കൊ​ല്ല​ങ്കോ​ട്: കൊ​യ്ത നെ​ല്ല് ഒ​ന്ന​ര മാ​സം ക​ഴി​ഞ്ഞി​ട്ടും കൊ​ണ്ടു​പോ​കാ​ത്ത​തി​നാ​ൽ ദു​രി​തം പേ​റി ക​ർ​ഷ​ക​ൻ. പ​ല്ല​ശ്ശ​ന കൂ​ട​ല്ലൂ​ർ മു​തി​ര​പ​റ​മ്പി​ൽ പ്ര​ഭാ​ക​ര​ന്‍റെ ര​ണ്ടേ​ക്ക​റി​ൽ കൊ​യ്തെ​ടു​ത്ത നെ​ല്ലാ​ണ് സി​വി​ൽ സ​പ്ലൈ​സ് സം​ഭ​രി​ക്കാ​ത്ത​തി​നാ​ൽ മ​ഴ​യി​ൽ ന​ന​ഞ്ഞ് മു​ള​ക്കു​ന്ന അ​വ​സ്ഥ​യി​ലെ​ത്തി​യ​ത്. വെ​ള്ളാ​രം​കു​ളം പാ​ട​ശേ​ഖ​ര സ​മി​തി​യി​ൽ എ​ല്ലാ ക​ർ​ഷ​ക​രു​ടെ​യും നെ​ല്ല് സി​വി​ൽ സ​പ്ലൈ​സ് സം​ഭ​രി​ക്കാ​ൻ നി​ർ​ദേ​ശി​ച്ച സ്വ​കാ​ര്യ മി​ല്ലി​ന്‍റെ ഏ​ജ​ന്‍റ് സം​ഭ​രി​ച്ച​പ്പോ​ൾ പ്ര​ഭാ​ക​ര​ന്‍റെ 47 ചാ​ക്ക് ഉ​മ ഇ​ന​ത്തി​ൽ ഉ​ൾ​പ്പെ​ട്ട നെ​ല്ല് സം​ഭ​രി​ച്ചി​ല്ല. ഇ​തോ​ടെ നെ​ല്ല് റോ​ഡ​രി​കി​ൽ കെ​ട്ടി​ക്കി​ട​ക്കാ​ൻ തു​ട​ങ്ങി.

പ്ലാ​സ്റ്റി​ക്ക് ഷീ​റ്റ് ഉ​പ​യോ​ഗി​ച്ച് മ​റ​ച്ചി​ട്ടു​ണ്ടെ​ങ്കി​ലും മ​ഴ​വെ​ള്ളം റോ​ഡി​ലൂ​ടെ ഒ​ഴു​കു​ന്ന​തി​നാ​ൽ അ​ടി​വ​ശ​ത്തെ ചാ​ക്ക് ന​ന​ഞ്ഞ് നെ​ല്ല് മു​ള​ക്കു​ന്ന ഘ​ട്ട​ത്തി​ലാ​യെ​ന്ന് പ്ര​ഭാ​ക​ര​ൻ പ​റ​ഞ്ഞു.

നെ​ല്ല് ഏ​ജ​ന്‍റി​ന്‍റെ സ​മീ​പ​ന​ത്തി​നെ​തി​രെ കൃ​ഷി​മ​ന്ത്രി​ക്കും ക​ല​ക്ട​ർ​ക്കും പ​രാ​തി ന​ൽ​കി കാ​ത്തി​രി​ക്കു​ക​യാ​ണ് ഇ​ദ്ദേ​ഹം. എ​ന്നാ​ൽ, കൊ​യ്ത സ​മ​യ​ത്ത് നെ​ല്ല് സം​ഭ​രി​ക്കു​ന്ന വാ​ഹ​നം എ​ത്തി​യ​പ്പോ​ൾ നെ​ന്മാ​റ ചാ​ത്ത​മം​ഗ​ല​ത്ത് ആ​യി​രു​ന്ന​തി​നാ​ലാ​ണ് സം​ഭ​രി​ക്കാ​ൻ സാ​ധി​ക്കാ​ത്ത​തെ​ന്നും നി​ല​വി​ൽ നെ​ല്ല് മു​തി​ര​പ്പ​റ​മ്പി​ൽ എ​ത്തി​ച്ച​തി​നാ​ൽ തി​ങ്ക​ളാ​ഴ്ച രാ​വി​ലെ സം​ഭ​രി​ക്കു​മെ​ന്ന് സി​വി​ൽ സ​പ്ലൈ​സ് അ​ധി​കൃ​ത​ർ പ​റ​ഞ്ഞു.