റബർ ബോർഡിന്‍റെ ചിറകരിയാൻ കേന്ദ്രം; റബര്‍ ആക്ട് റദ്ദാക്കി പുതിയ നിയമം

കോ​ട്ട​യം: റ​ബ​ർ ബോ​ർ​ഡി​ന്‍റെ ചി​റ​ക​രി​യു​ന്ന ത​ര​ത്തി​ൽ പു​തി​യ റ​ബ​ർ നി​യ​മം കൊ​ണ്ടു​വ​രാ​നു​ള്ള കേ​ന്ദ്ര​നീ​ക്ക​ത്തി​ൽ ക​ർ​ഷ​ക​ർ​ക്ക്​ ആ​ശ​ങ്ക. നി​ല​വി​​ലെ റ​ബ​ര്‍ ആ​ക്ട് റ​ദ്ദാ​ക്കി​യാ​ണ്​ കേ​ന്ദ്ര​സ​ര്‍ക്കാ​ർ പു​തി​യ ബി​ല്ല്​ കൊ​ണ്ടു​വ​രു​ന്ന​ത്. ബി​ല്ലി​ന്‍റെ ക​ര​ട്​ രൂ​പം കേ​ന്ദ്ര വാ​ണി​ജ്യ മ​ന്ത്രാ​ല​യം പ്ര​സി​ദ്ധീ​ക​രി​ച്ചു. റ​ബ​ര്‍ ക​യ​റ്റു​മ​തി, ഇ​റ​ക്കു​മ​തി തു​ട​ങ്ങി​യ കാ​ര്യ​ങ്ങ​ളി​ല്‍ പൂ​ര്‍ണ അ​ധി​കാ​രം കേ​ന്ദ്ര​സ​ര്‍ക്കാ​റി​ന്​ മാ​ത്ര​മാ​യി നി​ജ​പ്പെ​ടു​ത്തു​ന്ന​താ​ണ്​ ക​ര​ട്​ ബി​ല്‍. ഇ​പ്പോ​ള്‍ റ​ബ​റു​മാ​യി ബ​ന്ധ​പ്പെ​ട്ട ഇ​റ​ക്കു​മ​തി​ക്കും അം​ഗീ​കാ​ര​ത്തി​നും ബോ​ര്‍ഡി​ന്‍റെ റി​പ്പോ​ര്‍ട്ടാ​ണ് മാ​ന​ദ​ണ്ഡം. എ​ന്നാ​ല്‍, പു​തി​യ ബി​ല്‍ ന​ട​പ്പാ​ക്കി​യാ​ല്‍ റ​ബ​ര്‍ ഇ​റ​ക്കു​മ​തി​യി​ല്‍ ബോ​ര്‍ഡി​ന് ഒ​രു പ​ങ്കു​മി​ല്ലാ​ത്ത അ​വ​സ്ഥ വ​രും. നേ​രി​യ തോ​തി​ലെ​ങ്കി​ലും ക​ർ​ഷ​ക പ്ര​തി​ഷേ​ധം ക​ണ​ക്കി​ലെ​ടു​ത്താ​ണ്​ ബോ​ർ​ഡ്​ കേ​ന്ദ്ര​ത്തി​ന്​ ശി​പാ​ർ​ശ ന​ൽ​കു​ന്ന​ത്. ഈ ​അ​ധി​കാ​രം​കൂ​ടി ബോ​ർ​ഡി​ന്​ ഇ​ല്ലാ​താ​കു​ന്ന​തോ​ടെ ട​യ​ർ വ്യ​വ​സാ​യി​ക​ൾ ​ഇ​റ​ക്കു​മ​തി​യെ നി​യ​ന്ത്രി​ക്കു​ന്ന അ​വ​സ്ഥ വ​രു​മെ​ന്ന്​ ക​ർ​ഷ​ക​സം​ഘ​ട​ന​ക​ൾ പ​റ​യു​ന്നു.

റ​ബ​ര്‍ ബോ​ര്‍ഡി​ന്‍റെ ശി​പാ​ര്‍ശ​യി​ല്ലാ​തെ കേ​ന്ദ്ര​സ​ര്‍ക്കാ​റി​ന് അ​സം​സ്‌​കൃ​ത റ​ബ​റി​ന്‍റെ കു​റ​ഞ്ഞ​തും കൂ​ടി​യ​തു​മാ​യ വി​ല നി​ശ്ച​യി​ക്കാ​ന്‍ പു​തി​യ നി​യ​മ​ത്തി​ല്‍ അ​ധി​കാ​രം ന​ല്‍കു​ന്ന​തും ക​ർ​ഷ​ക​ർ​ക്ക്​ തി​രി​ച്ച​ടി​യാ​ണ്. വ്യ​വ​സാ​യി​ക​ളു​ടെ താ​ൽ​​പ​ര്യം സം​ര​ക്ഷി​ക്കാ​നാ​ണ്​ എ​ക്കാ​ല​വും വാ​ണി​ജ്യ മ​ന്ത്രാ​ല​യം ശ്ര​മി​ക്കു​ന്ന​തെ​ന്നി​രി​ക്കെ, ചെ​ല​വി​ന​നു​സ​രി​ച്ച്​​ വി​ല ല​ഭി​ക്കാ​ത്ത സാ​ഹ​ച​ര്യ​മു​ണ്ടാ​കു​മെ​ന്നും ചൂ​ണ്ടി​ക്കാ​ട്ട​പ്പെ​ടു​ന്നു. രാ​ഷ്ട്രീ​യ സ​മ്മ​ര്‍ദ​ത്തി​ലൂ​ടെ യ​ഥേ​ഷ്ടം ഇ​റ​ക്കു​മ​തി ന​ട​ത്താ​ൻ വ്യാ​പാ​രി​ക​ള്‍ക്ക്​ ക​ഴി​യും. നേ​ര​ത്തേ ര​ണ്ടു​ത​വ​ണ ബി.​ഐ.​എ​സ് അം​ഗീ​കാ​ര​ത്തി​ന്​ കേ​ന്ദ്ര​സ​ര്‍ക്കാ​റി​ന്​ മു​ന്നി​ലെ​ത്തി​യ ച​ണ്ടി​പ്പാ​ല്‍ ഇ​റ​ക്കു​മ​തി നീ​ക്കം ത​ള്ളി​യ​ത്​ റ​ബ​ര്‍ ബോ​ര്‍ഡി​ന്‍റെ റി​പ്പോ​ര്‍ട്ടും ക​ര്‍ഷ​ക സം​ഘ​ട​ന​ക​ളു​ടെ എ​തി​ര്‍പ്പ്​ മൂ​ല​വു​മാ​യി​രു​ന്നു. എ​ന്നാ​ല്‍, പു​തി​യ ബി​ല്‍ പ്രാ​വ​ര്‍ത്തി​ക​മാ​യാ​ല്‍ ച​ണ്ടി​പ്പാ​ലും ത​ട​സ്സ​മി​ല്ലാ​തെ ക​ട​ന്നു​വ​രും. ഇ​തോ​ടെ, ആ​ഭ്യ​ന്ത​ര വി​പ​ണി കൂ​ടു​ത​ല്‍ ത​ക​ര്‍ച്ച​യി​ലാ​കും.

ക​യ​റ്റു​മ​തി ചെ​യ്യു​ന്ന റ​ബ​റി​ന്‍റെ ഗു​ണ​നി​ല​വാ​രം ഉ​യ​ര്‍ത്തു​മെ​ന്ന്​ ബി​ല്ലി​ൽ നി​ര്‍ദേ​ശ​മു​ണ്ടെ​ങ്കി​ലും ഇ​റ​ക്കു​മ​തി​യു​ടെ കാ​ര്യ​ത്തി​ൽ ബി​ല്ല്​ മൗ​നം പാ​ലി​ക്കു​ക​യാ​ണ്. റ​ബ​ര്‍ ബോ​ര്‍ഡ് പു​നഃ​സം​ഘ​ട​ന ശി​പാ​ര്‍ശ​യും ക​ര്‍ഷ​ക​ര്‍ സം​ശ​യ​ത്തോ​ടെ​യാ​ണ് വീ​ക്ഷി​ക്കു​ന്ന​ത്. മൂ​ന്ന് എം.​പി​മാ​ര്‍ ബോ​ര്‍ഡി​ല്‍ വ​രു​ന്ന​തോ​ടെ രാ​ഷ്ട്രീ​യ​നീ​ക്ക​ങ്ങ​ളു​ണ്ടാ​കു​മെ​ന്നും ചൂ​ണ്ടി​ക്കാ​ട്ട​പ്പെ​ടു​ന്നു. വ​ട​ക്കു​കി​ഴ​ക്ക​ന്‍ സം​സ്ഥാ​ന​ങ്ങ​ളി​ലെ വോ​ട്ടു​ബാ​ങ്ക്​ ല​ക്ഷ്യ​മി​ട്ട്​ ബോ​ർ​ഡ്​ ത​ല​ത്തി​ൽ രാ​ഷ്ട്രീ​യ നീ​ക്കം ശ​ക്ത​മാ​ക്കാ​നു​ള്ള സാ​ധ്യ​ത​യും ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു. ഏ​റെ​ക്കാ​ല​മാ​യി പ​റ​ഞ്ഞു കേ​ള്‍ക്കു​ന്ന റ​ബ​ര്‍ ബോ​ര്‍ഡ് ആ​സ്ഥാ​നം വ​ട​ക്കു​കി​ഴ​ക്ക​ന്‍ സം​സ്ഥാ​ന​ങ്ങ​ളി​ലേ​ക്ക്​ മാ​റ്റാ​നു​ള്ള നീ​ക്ക​ത്തി​ന്​ സാ​ധ്യ​ത​ക​ളു​മു​ണ്ടെ​ന്ന്​ ക​ര്‍ഷ​ക സം​ഘ​ട​ന​ക​ള്‍ പ​റ​യു​ന്നു.

മോ​ദി സ​ര്‍ക്കാ​ര്‍ അ​ധി​കാ​ര​ത്തി​ലെ​ത്തി​യ​തു​മു​ത​ല്‍ പു​തി​യ റ​ബ​ര്‍ ആ​ക്ട് ന​ട​പ്പാ​ക്കു​മെ​ന്ന്​ പ്ര​ഖ്യാ​പ​ന​മു​ണ്ടാ​യി​രു​​ന്നെ​ങ്കി​ലും ന​ട​പ്പാ​യി​ല്ല. ഇ​തി​ന്​ ക​ര്‍ഷ​ക പ്ര​തി​നി​ധി​ക​ളു​ടെ​യ​ട​ക്കം കേ​ന്ദ്ര​മ​ന്ത്രി​യു​ടെ നേ​തൃ​ത്വ​ത്തി​ല്‍ പ​ല​ത​വ​ണ വി​ളി​ച്ചു​ചേ​ര്‍ത്ത് അ​ഭി​പ്രാ​യ രൂ​പ​വ​ത്​​ക​ര​ണം ന​ട​ത്തി​യെ​ങ്കി​ലും പി​ന്നീ​ട് പി​ന്നോ​ട്ടു​പോ​യി. ഇ​തി​നി​ടെ​യാ​ണ്​ പു​തി​യ ക​ര​ട്​ പ്ര​സി​ദ്ധീ​ക​രി​ച്ചി​രി​ക്കു​ന്ന​ത്.