എല്ലാം നിയന്ത്രിക്കുന്നത് ഏജന്റുമാർ; ചാക്കിന്റെ വിലപോലും ഇല്ലാത്ത കർഷകർ

പ​ന്ത​ളം: ഏ​റെ പ്ര​തി​സ​ന്ധി​യെ അ​തി​ജീ​വി​ച്ച്​ ക​ർ​ഷ​ക​ർ നെ​ല്ലു​വി​ള​യി​ക്കു​ന്ന പാ​ട​ത്ത് ട്രാ​ക്ട​റും കൊ​യ്ത്തു​യ​ന്ത്ര​വും എ​ത്തി​ക്കു​ന്ന​തു മു​ത​ൽ നെ​ല്ല് സം​ഭ​രി​ച്ച് മി​ല്ലു​ക​ളി​ൽ എ​ത്തി​ക്കു​ന്ന​തു​വ​രെ എ​ല്ലാം നി​യ​ന്ത്രി​ക്കു​ന്ന​ത് ഏ​ജ​ന്റു​മാ​ർ. ചി​ല വ​ർ​ഷ​ങ്ങ​ളി​ൽ മി​ക​ച്ച വി​ള​വു​ണ്ടെ​ങ്കി​ലും ആ​വ​ശ്യ​ത്തി​ന് കൊ​യ്ത്തു​യ​ന്ത്ര​ങ്ങ​ൾ കി​ട്ടാ​തെ വ​രും. അ​പ്പോ​ൾ ഏ​ജ​ന്‍റു​മാ​ർ യ​ന്ത്ര​വാ​ട​ക കൂ​ട്ടും. മി​ക്ക​വാ​റും യ​ന്ത്ര​ങ്ങ​ൾ ത​മി​ഴ്നാ​ട്ടി​ൽ​നി​ന്ന് കൊ​ണ്ടു​വ​രു​ന്ന​വ​യാ​ണ്. ത​മി​ഴ്നാ​ട്ടി​ലും പാ​ല​ക്കാ​ട​ൻ പാ​ട​ങ്ങ​ളി​ലും കൊ​യ്ത്തു​കാ​ല​മാ​യാ​ൽ യ​ന്ത്ര​ങ്ങ​ൾ കി​ട്ടാ​ൻ ബു​ദ്ധി​മു​ട്ടും. അ​പ്പോ​ൾ ഏ​ജ​ന്റു​മാ​ർ വി​ല​പേ​ശ​ൽ തു​ട​ങ്ങും. മ​ഴ​ക്കോ​ളു​ണ്ടാ​യാ​ൽ നെ​ല്ല് വീ​ണു ന​ശി​ക്കു​മെ​ന്ന​തി​നാ​ൽ എ​ങ്ങ​നെ​യും കൊ​യ്തെ​ടു​ക്കാ​ൻ ക​ർ​ഷ​ക​ർ നി​ർ​ബ​ന്ധി​ത​രാ​കും. മ​ണി​ക്കൂ​റി​ന് 1500-1600 രൂ​പ വാ​ട​ക ഉ​ണ്ടാ​യി​രു​ന്ന​പ്പോ​ൾ 2000 രൂ​പ​ക്ക്​ മു​ക​ളി​ൽ ചോ​ദി​ച്ച​വ​രു​ണ്ട്. ഈ ​വ​ർ​ഷം 1800-1850 രൂ​പ വാ​ട​ക​ക്ക്​ ആ​വ​ശ്യ​ത്തി​ന് യ​ന്ത്ര​ങ്ങ​ൾ ല​ഭ്യ​മാ​യ​തി​നാ​ൽ കൊ​യ്ത്തി​നു വ​ലി​യ പ്ര​യാ​സം നേ​രി​ട്ടി​ല്ല.

ഉ​ദ്യോ​ഗ​സ്ഥ​രെ​പ്പോ​ലും വ​ക​വെ​ക്കാ​തെ

ന്യാ​യ​വി​ല ഉ​റ​പ്പു​ന​ൽ​കാ​തെ സ്വ​കാ​ര്യ മി​ല്ലു​കാ​ർ കൃ​ഷി​ക്കാ​രെ ചൂ​ഷ​ണം ചെ​യ്യു​ന്ന​തു ത​ട​യു​ന്ന​തി​നാ​ണ് സ​പ്ലൈ​കോ വ​ഴി വി​കേ​ന്ദ്രീ​കൃ​ത നെ​ല്ലു​സം​ഭ​ര​ണം തു​ട​ങ്ങി​യ​ത്. അ​റു​പ​തോ​ളം മി​ല്ലു​ക​ളാ​ണ് സം​ഭ​ര​ണ​ത്തി​ന് സ​ർ​ക്കാ​റു​മാ​യി ക​രാ​റു​ണ്ടാ​ക്കി​യി​രി​ക്കു​ന്ന​ത്. ഈ ​മി​ല്ലു​ക​ൾ​ക്ക് സം​സ്ക​ര​ണ ശേ​ഷി​യു​ടെ അ​ടി​സ്ഥാ​ന​ത്തി​ൽ സം​ഭ​ര​ണ അ​ലോ​ട്മെ​ന്‍റ്​ ല​ഭി​ക്കും. പ​ക്ഷേ, പാ​ട​ശേ​ഖ​ര​ങ്ങ​ളി​ൽ​നി​ന്ന് നെ​ല്ല് ശേ​ഖ​രി​ച്ച് മി​ല്ലി​ൽ എ​ത്തി​ക്കു​ന്ന​ത് ഏ​ജ​ന്‍റു​മാ​രാ​ണ്. അ​വ​രാ​ണ് നെ​ല്ലി​ലെ ഈ​ർ​പ്പ​ത്തി​ന്‍റെ​യും മ​റ്റും പേ​രി​ൽ ക​ർ​ഷ​ക​രു​മാ​യി വി​ല​പേ​ശു​ന്ന​ത്. ആ​ദ്യം ശേ​ഖ​രി​ക്കു​ന്ന നെ​ല്ലി​ന്‍റെ കാ​ര്യ​ത്തി​ൽ വ​ലി​യ സ​മ്മ​ർ​ദ​ങ്ങ​ളു​ണ്ടാ​കി​ല്ല. ഇ​ത്ത​വ​ണ ആ​ദ്യം കൊ​യ്ത്തു ന​ട​ന്ന പ​ന്ത​ള​ത്തി​ന് പ​ടി​ഞ്ഞാ​റു​വ​ശ​ത്ത് ചി​ല പാ​ട​ശേ​ഖ​ര​ങ്ങ​ളി​ൽ കി​ഴി​വി​ല്ലാ​തെ ത​ന്നെ നെ​ല്ല് സം​ഭ​രി​ച്ചു.

പി​ന്നീ​ട് നി​ര​വ​ധി പാ​ട​ശേ​ഖ​ര​ങ്ങ​ളി​ൽ​നി​ന്ന്​ ക​രാ​ർ സ​മ്മ​തി​ച്ച് മൂ​ന്ന്​ ലോ​ഡ് നെ​ല്ലു കൊ​ണ്ടു​പോ​യ ഏ​ജ​ന്‍റ്​ ബാ​ക്കി നെ​ല്ല് നി​റ​ക്കാ​നു​ള്ള ചാ​ക്കും ന​ൽ​കി പോ​യി​ട്ട് പി​ന്നെ വ​ന്നി​ല്ല. എ​ട്ട്​ ശ​ത​മാ​നം കി​ഴി​വ് വേ​ണ​മെ​ന്നാ​യി പി​ന്നെ. കൃ​ഷി വ​കു​പ്പ് ഉ​ദ്യോ​ഗ​സ്ഥ​രും പാ​ഡി മാ​ർ​ക്ക​റ്റി​ങ് ഓ​ഫി​സ​റും ഇ​ട​പെ​ട്ടെ​ങ്കി​ലും വ​ഴ​ങ്ങി​യി​ല്ല. ഒ​ടു​വി​ൽ എ​ട്ടു ശ​ത​മാ​നം കി​ഴി​വ് ന​ൽ​കാ​ൻ ക​ർ​ഷ​ക​ർ നി​ർ​ബ​ന്ധി​ത​രാ​യി. ചാ​ക്കി​ൽ കെ​ട്ടി പാ​ട​വ​ര​മ്പ​ത്തും റോ​ഡി​ലും വെ​ച്ചി​രു​ന്ന നെ​ല്ല് ക​ഴി​ഞ്ഞ​ദി​വ​സ​മാ​ണ് കൊ​ണ്ടു​പോ​യ​ത്.

ഗു​ണ​നി​ല​വാ​ര പ​രി​ശോ​ധ​ന​ക്കു​ശേ​ഷം 7.5 ശ​ത​മാ​നം കി​ഴി​വ് നി​ർ​ദേ​ശി​ച്ച സ്ഥാ​ന​ത്ത് 10 ശ​ത​മാ​നം​വ​രെ ന​ൽ​കാ​ൻ ത​യാ​റാ​യി​ട്ടും നെ​ല്ലു കൊ​ണ്ടു​പോ​കാ​ൻ മി​ല്ലു​കാ​ർ ത​യാ​റാ​യി​ല്ല. പ​ല മി​ല്ലു​ട​മ​ക​ളു​മാ​യി സം​സാ​രി​ച്ചി​ട്ടും 15 ശ​ത​മാ​നം കി​ഴി​വു​കി​ട്ടാ​തെ നെ​ല്ലെ​ടു​ക്കി​ല്ലെ​ന്ന നി​ല​പാ​ടി​ലാ​യി​രു​ന്നു ഏ​ജ​ന്റു​മാ​ർ. ഉ​ന്ന​ത ഉ​ദ്യോ​ഗ​സ്ഥ​ർ ഇ​ട​പെ​ട്ട​തോ​ടെ​യാ​ണ് 10 ശ​ത​മാ​നം കി​ഴി​വോ​ടെ എ​ടു​ക്കാ​മെ​ന്ന് സ​മ്മ​തി​ച്ചെ​ങ്കി​ലും ചാ​ക്കി​ല്ല, വ​ണ്ടി​യി​ല്ല തു​ട​ങ്ങി​യ കാ​ര​ണ​ങ്ങ​ൾ പ​റ​ഞ്ഞ് വീ​ണ്ടും ക​ർ​ഷ​ക​രെ സ​മ്മ​ർ​ദ​ത്തി​ലാ​ക്കി.

ഔ​ട്ട് ടേ​ൺ റേ​ഷ്യോ

കേ​ന്ദ്രം നി​ശ്ച​യി​ച്ച 68 ശ​ത​മാ​നം ഔ​ട്ട് ടേ​ൺ റേ​ഷ്യോ​യു​ടെ അ​ടി​സ്ഥാ​ന​ത്തി​ലാ​ണ് മി​ല്ലു​ക​ൾ നെ​ല്ലു സം​ഭ​രി​ക്കു​ന്ന​ത്. സം​ഭ​രി​ക്കു​ന്ന​തി​ന്‍റെ 68 ശ​ത​മാ​നം അ​രി​യാ​യി തി​രി​കെ ന​ൽ​ക​ണം. സം​ഭ​രി​ക്കു​ന്ന ഓ​രോ ക്വി​ന്‍റ​ൽ നെ​ല്ലി​നും 68 കി​ലോ അ​രി വീ​തം സ​പ്ലൈ​കോ​ക്ക്​ തി​രി​കെ ന​ൽ​ക​ണ​മെ​ന്നാ​ണ് വ്യ​വ​സ്ഥ. അ​ഞ്ചു വ​ർ​ഷം സ​ർ​ക്കാ​ർ മി​ല്ലു​ട​മ​ക​ളു​മാ​യി ന​ട​ത്തി​യ ച​ർ​ച്ച​യു​ടെ അ​ടി​സ്ഥാ​ന​ത്തി​ൽ അ​ത് 64 ശ​ത​മാ​ന​മാ​യി കു​റ​ച്ചി​രു​ന്നു.

ഈ ​വ​ർ​ഷം 68 ശ​ത​മാ​നം എ​ന്ന വ്യ​വ​സ്ഥ പു​നഃ​സ്ഥാ​പി​ച്ചു. ഈ ​വ്യ​വ​സ്ഥ പാ​ലി​ക്കേ​ണ്ട​തു​ള്ള​തി​നാ​ലാ​ണ് സം​ഭ​രി​ക്കു​ന്ന നെ​ല്ലി​ന്‍റെ ഗു​ണ​നി​ല​വാ​രം അ​നു​സ​രി​ച്ച് മി​ല്ലു​കാ​ർ കി​ഴി​വ് ചോ​ദി​ക്കു​ന്ന​ത്. ഈ​ർ​പ്പ​വും പ​തി​രും കൂ​ടു​ത​ലാ​ണെ​ങ്കി​ൽ 100 കി​ലോ നെ​ല്ലു സം​സ്ക​രി​ക്കു​മ്പോ​ൾ 68 കി​ലോ അ​രി കി​ട്ടി​ല്ലെ​ന്ന​താ​ണ് കാ​ര​ണം. പ​ക്ഷേ, ഇ​തി​ന്‍റെ പേ​രി​ൽ ഏ​ജ​ന്‍റു​മാ​രു​ടെ മു​ത​ലെ​ടു​പ്പ് ന​ട​ക്കു​ന്നെ​ന്നാ​ണ് ക​ർ​ഷ​ക​ർ ആ​രോ​പി​ക്കു​ന്ന​ത്.