പൊ​ന്നാ​നി ബി​യ്യം കോ​ൾ മേ​ഖ​ല​യെ പ​ച്ച പു​ത​പ്പി​ക്കും

പൊ​ന്നാ​നി: മ​ല​ബാ​റി​ന്റെ നെ​ല്ല​റ​യാ​യ ബി​യ്യം കോ​ൾ​മേ​ഖ​ല​യി​ൽ പ​തി​റ്റാ​ണ്ടു​ക​ളാ​യി ത​രി​ശു കി​ട​ന്ന മേ​ഖ​ല​ക​ളി​ൽ വീ​ണ്ടും കൃ​ഷി​യി​റ​ക്കാ​ൻ അ​ടി​സ്ഥാ​ന സൗ​ക​ര്യ​മൊ​രു​ക്കു​ക​യെ​ന്ന ല​ക്ഷ്യ​ത്തോ​ടെ കോ​ൾ മേ​ഖ​ല​യി​ൽ വെ​ള്ള​മെ​ത്തി​ക്കാ​നു​ള്ള പ​ദ്ധ​തി​യു​ടെ വി​ശ​ദ പ​ദ്ധ​തി രേ​ഖ (ഡി.​പി.​ആ​ർ) ത​യാ​റാ​യി. 32 കോ​ടി രൂ​പ​യു​ടെ ഡി.​പി.​ആ​റാ​ണ് ത​യാ​റാ​യ​ത്. വി​ശ​ദ പ​ദ്ധ​തി​രേ​ഖ സ​ർ​ക്കാ​ർ അ​നു​മ​തി​ക്ക് ഉ​ട​ൻ സ​മ​ർ​പ്പി​ക്കും.

ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​യാ​ൽ ര​ണ്ട് വ​ർ​ഷം കൊ​ണ്ട് പ​ദ്ധ​തി യാ​ഥാ​ർ​ഥ്യ​മാ​ക്കും. വെ​ള്ളം ഭാ​ര​ത​പ്പു​ഴ​യി​ൽ​നി​ന്നും അ​ത​ളൂ​ർ ചെ​റി​യ​തോ​ട് വ​ഴി അ​ത​ളൂ​ർ അ​ങ്ങാ​ടി​യി​ലെ​ത്തി​ക്കു​ക​യും തു​ട​ർ​ന്ന് കാ​ർ​ഷി​ക മേ​ഖ​ല​ക​ളി​ലേ​ക്ക് വെ​ള്ള​മെ​ത്തി​ക്കു​ക​യും ചെ​യ്യും. ത​വ​നൂ​ർ, കാ​ല​ടി, പൊ​ന്നാ​നി ന​ഗ​ര​സ​ഭ പ​രി​ധി​ക​ളി​ലൂ​ടെ​യാ​ണ് വെ​ള്ള​മെ​ത്തി​ക്കു​ക. 7.8 കി​ലോ​മീ​റ്റ​ർ ദൂ​ര​ത്തി​ലാ​ണ് തോ​ട് ത​യാ​റാ​ക്കു​ന്ന​ത്.

ഭാ​ര​ത​പ്പു​ഴ​യി​ൽ​നി​ന്ന് അ​ത​ളൂ​ർ ചെ​റി​യ​തോ​ട് വ​ഴി അ​ത​ളൂ​ർ അ​ങ്ങാ​ടി​യി​ലേ​ക്ക് ആ​ദ്യ​ഘ​ട്ട​ത്തി​ൽ 1.3 കി​ലോ​മീ​റ്റ​ർ ദൂ​ര​ത്തി​ൽ പൈ​പ്പ് സ്ഥാ​പി​ക്കും. 90 സെ​ന്റീ​മീ​റ്റ​ർ വ്യാ​സ​മു​ള്ള പൈ​പ്പി​ടാ​നാ​ണ് തീ​രു​മാ​നം. പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ൽ ഇ​റി​ഗേ​ഷ​ൻ വ​കു​പ്പി​ന് കീ​ഴി​ൽ സ​ർ​വേ പൂ​ർ​ത്തി​യാ​യി​രു​ന്നു. ഭാ​ര​ത​പ്പു​ഴ​യി​ൽ​നി​ന്ന് വെ​ള്ളം പൈ​പ്പ് വ​ഴി കൃ​ഷി​മേ​ഖ​ല​യി​ലെ ക​നാ​ലു​ക​ളി​ലേ​ക്കും തോ​ടു​ക​ളി​ലേ​ക്കു​മെ​ത്തി​ച്ച് ക​ർ​ഷ​ക​ർ​ക്കാ​വ​ശ്യ​മാ​യ ജ​ല​ല​ഭ്യ​ത ഉ​റ​പ്പ് വ​രു​ത്തു​ക​യാ​ണ് ല​ക്ഷ്യം.

നേ​ര​ത്തെ സ​ജീ​വ​മാ​യി കൃ​ഷി ന​ട​ന്നി​രു​ന്ന ഹെ​ക്ട​ർ ക​ണ​ക്കി​ന് മേ​ഖ​ല​യി​ൽ ഇ​പ്പോ​ൾ ഏ​ക്ക​ർ​ക​ണ​ക്കി​ന് ത​രി​ശ് കി​ട​ക്കു​ക​യാ​ണ്. മേ​ഖ​ല​യി​ൽ വെ​ള്ള​മെ​ത്തി​ക്കാ​നു​ള്ള പ്ര​യാ​സം മൂ​ല​മാ​ണ് കൃ​ഷി​ഭൂ​മി പ​തി​റ്റാ​ണ്ടു​ക​ളാ​യി ത​രി​ശി​ടേ​ണ്ടി വ​ന്ന​ത്. പ​ദ്ധ​തി യാ​ഥാ​ർ​ഥ്യ​മാ​യാ​ൽ പു​ഞ്ച​കൃ​ഷി​യും കോ​ൾ​കൃ​ഷി​യും സാ​ധ്യ​മാ​കും. പൊ​ന്നാ​ര്യ​ൻ കൊ​യ്യും പൊ​ന്നാ​നി​യു​ടെ ഭാ​ഗ​മാ​യി കൃ​ഷി വ​ർ​ധി​പ്പി​ച്ചെ​ങ്കി​ലും ഇ​ത് പൂ​ർ​ണാ​ർ​ഥ​ത്തി​ൽ എ​ത്തി​യി​ട്ടി​ല്ല. മു​ൻ​വ​ർ​ഷ​ങ്ങ​ളി​ൽ ത​രി​ശു കി​ട​ന്ന പാ​ട​ങ്ങ​ളി​ലെ​ല്ലാം ഇ​ത് വ​ഴി കൃ​ഷി​യി​റ​ക്കാ​നാ​കും.