വിളവെടുപ്പിന്​ ഒരുങ്ങി റംബുട്ടാൻ തോട്ടങ്ങൾ

പ​ത്ത​നം​തി​ട്ട: റംബുട്ടാ​ൻ മ​ര​ങ്ങ​ളി​ലെ വ​ല​യി​ൽ മ​ധു​ര​മൂ​റും ഫ​ല​ങ്ങ​ൾ വി​ള​വെ​ടു​പ്പി​ന് ഒ​രു​ങ്ങി. റം​ബു​ട്ടാ​ൻ തോ​ട്ട​ങ്ങ​ൾ വ​ല​യി​ട്ട്​ സം​ര​ക്ഷി​ക്കു​ന്ന തി​ര​ക്കി​ലാ​ണ് ക​ർ​ഷ​ക​രും ക​ച്ച​വ​ട​ക്കാ​രും. ഫ​ല​ങ്ങ​ൾ വി​ള​വെ​ടു​പ്പി​നു പാ​ക​മാ​കു​ന്ന​തോ​ടെ​യാ​ണ് ഇ​വ വ​ല​യി​ടു​ന്ന​ത്. കാ​ലാ​വ​സ്ഥ മാ​റ്റം മൂ​ലം ഇ​ത്ത​വ​ണ കാ​യ്ഫ​ലം കു​റ​വാ​ണെ​ന്ന് ക​ർ​ഷ​ക​ർ പ​റ​യു​ന്നു. വേ​ന​ൽ അ​തി​രൂ​ക്ഷ​മാ​യി​രു​ന്ന​തി​നാ​ൽ മ​ര​ങ്ങ​ളി​ൽ കാ​യ്ഫ​ലം തീ​രെ​യി​ല്ല. വേ​ന​ലി​നെ അ​തി​ജീ​വി​ച്ച്​ ഫ​ല​മാ​യ​പ്പോ​ൾ ല​ഭി​ച്ച വേ​ന​ൽ​മ​ഴ​യും കൃ​ഷി​യെ ബാ​ധി​ച്ചു. കാ​യ്ഫ​ല​ത്തി​ൽ ന​ല്ലൊ​രു പ​ങ്കും കൊ​ഴി​യുക​യാ​ണ്. ക​ഴി​ഞ്ഞ വ​ർ​ഷ​ങ്ങ​ളെ അ​പേ​ക്ഷി​ച്ച് കാ​യ്ഫ​ലം പ​ല​യി​ട​ത്തും കു​റ​വാ​ണെ​ന്ന് മൊ​ത്ത വ്യാ​പാ​രി​ക​ളും പ​റ​യു​ന്നു.

മ​ല​യോ​ര മേ​ഖ​ല​യി​ൽ വ്യാ​പ​ക കൃ​ഷി

ജി​ല്ല​യു​ടെ മ​ല​യോ​ര മേ​ഖ​ല​യി​ൽ അ​ട​ക്കം റം​ബു​ട്ടാ​ൻ കൃ​ഷി വ്യാ​പ​ക​മാ​യു​ണ്ട്. വാ​ണി​ജ്യാ​ടി​സ്ഥാ​ന​ത്തി​ൽ കൃ​ഷി ന​ട​ത്തു​ന്ന​വ​രും ഏ​റെ​യാ​ണ്. റാ​ന്നി, വെ​ച്ചൂ​ച്ചി​റ, ചി​റ്റാ​ർ, അ​യി​രൂ​ർ, മ​ല്ല​പ്പ​ള്ളി, കു​മ്പ​നാ​ട്, കോ​ഴ​ഞ്ചേ​രി, തി​രു​വ​ല്ല ഭാ​ഗ​ങ്ങ​ളി​ലാ​ണ് റം​ബുട്ടാ​ൻ കൃ​ഷി ഏ​​റെ​യു​ള്ള​ത്. വ​ർ​ഷ​ത്തി​ൽ ഒ​രി​ക്ക​ലാ​ണ് വി​ള​വെ​ടു​പ്പെ​ങ്കി​ലും വി​പ​ണി​യി​ൽ മെ​ച്ച​പ്പെ​ട്ട വി​ല ല​ഭി​ക്കു​ന്നു​വെ​ന്ന​താ​ണ് ക​ർ​ഷ​ക​ർ​ക്ക് ആ​ദാ​യ​ക​രം. ഓ​രോ വ​ർ​ഷ​വും റം​ബു​ട്ടാ​ൻ കൃ​ഷി​യി​ലേ​ക്ക് ആ​ളു​ക​ൾ കൂ​ടു​ത​ലാ​യി എ​ത്തു​ന്നു​ണ്ട്. റ​ബ​ർ‌ വെ​ട്ടി​മാ​റ്റി റം​ബു​ട്ടാ​ൻ തോ​ട്ട​മാ​ക്കി​യ​വ​രുമുണ്ട്. ഒ​രേ​ക്ക​ർ റ​ബ​റി​ൽനി​ന്ന് ഒ​രു​വ​ർ​ഷം ല​ഭി​ക്കു​ന്ന ലാ​ഭം അ​ര​ല​ക്ഷം രൂ​പ​യി​ൽ താ​ഴെ​യാ​യി​രി​ക്കും. എ​ന്നാ​ൽ, റം​ബു​ട്ടാ​ൻ ക​ർ​ഷ​ക​ർ​ക്ക്​ ഒ​രു മ​ര​ത്തി​ൽനി​ന്നു ത​ന്നെ കു​റ​ഞ്ഞ​ത് 10,000 രൂ​പ​യെ​ങ്കി​ലും ല​ഭി​ക്കാ​റു​ണ്ട്.

വി​ള​വെ​ടു​ത്ത്​ ത​മി​ഴ്​​ വ്യാ​പാ​രി​ക​ൾ

ഇ​ത്ത​വ​ണ മ​ര​ങ്ങ​ൾ കൂ​ടു​ത​ലു​ണ്ടെ​ങ്കി​ലും കാ​യ്ഫ​ലം കു​റ​വാ​ണെ​ന്ന് ക​ച്ച​വ​ട​ക്കാ​ർ പ​റ​യു​ന്നു. റം​ബു​ട്ടാ​ൻ വി​ള​വെ​ടു​പ്പുകാ​ലം എ​ത്തു​ന്ന​തോ​ടെ മൊ​ത്തക്കച്ച​വ​ട​ക്കാരെത്തി മ​ര​ത്തി​ന് കാ​യ്ഫ​ലം നോ​ക്കി വി​ല പ​റ​യു​ക​യാ​ണ് രീ​തി. പി​ന്നീ​ട് ഇ​വ​ർ ത​ന്നെ വ​ല​യി​ട്ടു സം​ര​ക്ഷി​ച്ചു​കൊ​ള്ളും. ക​ച്ച​വ​ട​ക്കാ​രേ​റെ​യും ത​മി​ഴ്നാ​ട്ടു​കാ​രാ​ണ്. പഴങ്ങൾ ത​മി​ഴ്നാ​ട്ടി​ലേ​ക്കാ​ണ് ഏ​റെ​യും കൊ​ണ്ടു​പോ​കു​ന്ന​ത്.

വി​ള​വെ​ടു​പ്പു​കാ​ല​ത്ത് 150 മു​ത​ൽ 200രൂ​പ​വ​രെ ഫ​ല​ത്തി​ന് വി​പ​ണി​യി​ൽ വി​ലയുണ്ടാ​കും. ചെ​ന്നൈ, ബം​ഗ​ളൂ​രു തു​ട​ങ്ങി​യ ന​ഗ​ര​ങ്ങ​ളി​ൽ ഇ​ര​ട്ടി തു​ക ല​ഭി​ക്കു​മെ​ന്ന് വ്യാ​പാ​രി​ക​ൾ പ​റ​യു​ന്നു. പ്ര​ധാ​ന നി​ര​ത്തു​ക​ളി​ൽ പാ​ത​യോ​ര​ങ്ങ​ളി​ൽ ചെ​റു​കി​ട വ്യാ​പാ​രി​ക​ളും എ​ത്താ​റു​ണ്ട്. വ്യ​ത്യ​സ്ത ഇ​ന​ത്തി​ലു​ള്ള കാ​യ്ഫ​ലമുണ്ട്​.

പ്രി​യം എ​ൻ-18 കാ​യ​ക​ളോ​ട്

വ​ലുപ്പ​മു​ള്ള​തും കു​രു​വി​ൽനി​ന്ന് പെ​ട്ടെ​ന്ന് അ​ട​ർ​ത്തി​യെ​ടു​ക്കാ​വു​ന്ന​തു​മാ​യ എ​ൻ-18 വി​ഭാ​ഗ​ത്തി​ൽ​പെ​ട്ട റം​ബു​ട്ടാ​ൻ കാ​യ്ക​ൾ​ക്കാ​ണ് പ്രി​യം ഏ​റെ​യും. ഇ​വതൂ​ക്ക​ത്തി​ലും മി​ക​ച്ചു നി​ൽ​ക്കും. 18 കാ​യ്ക​ളു​ണ്ടെ​ങ്കി​ൽ ഒ​രു കി​ലോ​ം തൂ​ക്ക​മാ​കും. മ​ധു​ര​ത്തി​ൽ മു​ന്നി​ൽ നി​ൽ​ക്കു​ന്ന ഇ-35 ​ഇ​ന​ത്തി​നും വി​പ​ണി​യി​ൽ ആ​വ​ശ്യ​ക്കാ​രു​ണ്ട്. ചെ​റി​ക കാ​യ്ക​ളാ​ണെ​ങ്കി​ലും വി​ല​യി​ൽ കു​റ​വു​ണ്ടാ​കാ​റി​ല്ല.

ബ​ഡ്തൈ​ക​ൾക്ക്​ പ്രിയം

പൊ​ക്ക​ത്തി​ൽ വ​ള​രു​ന്ന റം​ബു​ട്ടാ​ൻ മ​ര​ങ്ങ​ളു​ടെ കാ​ലം ക​ഴി​ഞ്ഞു. മെ​ച്ച​പ്പെ​ട്ട രീ​തി​യി​ൽ ഫ​ലം ത​ന്നി​രു​ന്ന ഇവ ഇ​പ്പോ​ൾ അ​ധി​ക​മാ​രും ന​ട്ടു​വ​ള​ർ​ത്താ​റി​ല്ല. പ​ക​രം ബ​ഡ്തൈ​ക​ളോ​ടാ​ണ് പ്രി​യം. വാ​ണി​ജ്യാ​ടി​സ്ഥാ​ന​ത്തി​ൽ കൃ​ഷി തു​ട​ങ്ങി​യ​വ​രെ​ല്ലാം ബ​ഡ് തൈ​ക​ൾ ന​ട്ടു​വ​ള​ർ​ത്തി തു​ട​ങ്ങി. മ​ര​ങ്ങ​ൾ ത​മ്മി​ൽ 30-40 അ​ടി അ​ക​ല​ത്തി​ലാ​ണ് ന​ടു​ന്ന​ത്. അ​ധി​കം മ​ര​ങ്ങ​ൾ ന​ടാ​നാ​യി​ല്ലെ​ങ്കി​ലും മെ​ച്ച​പ്പെ​ട്ട ഫ​ലം ക​ർ​ഷ​ക​ർ​ക്കു ല​ഭി​ക്കാ​റു​ണ്ട്. മൂ​ന്നു മു​ത​ൽ നാ​ലു​വ​ർ​ഷക്കാല​യ​ള​വി​ൽ ഫ​ലം ത​ന്നു തു​ട​ങ്ങും.

എ​ട്ടു​വ​ർ​ഷം എ​ത്തു​മ്പോ​ഴേ​ക്കും ഒ​രു മ​ര​ത്തി​ൽനി​ന്ന് 200 കി​ലോ​വ​രെ ഫ​ലം പ്ര​തീ​ക്ഷി​ക്കാം. എ​ൻ -18 ഇ​ന​ത്തി​ൽപെ​ട്ട തൈ​ക​ളാ​ണ് ഏ​റെ​യും ന​ട്ടു​വ​ള​ർ​ത്തു​ന്ന​ത്. തൈ​ക​ൾ​ക്ക് 350 രൂ​പ​യാ​ണ് ന​ഴ്സ​റി​ക​ളി​ലെ വി​ല. തൈ​ക​ൾ പൂ​ർ​ണ വ​ള​ർ​ച്ച​യെ​ത്തു​ന്നത​ുവ​രെ പ​രി​ച​ര​ണം ആ​വ​ശ്യ​മു​ണ്ടെ​ന്ന​ത്​ ഒ​ഴി​ച്ചാ​ൽ രോ​ഗ, കീ​ട​ബാ​ധ ഏ​റെ​യി​ല്ലെ​ന്ന​തും ക​ർ​ഷ​ക​ർ​ക്ക് ആ​ശ്വാ​സ​മാ​ണ്. വേ​ന​ൽ​ക്കാ​ല​ത്ത് ആ​വ​ശ്യാ​നു​സ​ര​ണം വെ​ള്ളം ന​ൽ​ക​ണ​മെ​ന്നു മാ​ത്രം.

നിപ വൈറസ് വ്യാപനം; റംബുട്ടാനും മാംഗോസ്റ്റിനും ‘ഡിമാൻഡില്ല’

കോ​ന്നി: കേ​ര​ള​ത്തി​ൽ നി​പ വൈ​റ​സ് വ്യാ​പ​നം സ്ഥി​രീ​ക​രി​ച്ച​തോ​ടെ കോ​ന്നി​യി​ലെ റം​ബു​ട്ടാ​ൻ, മാം​ഗോ​സ്റ്റി​ൻ ക​ച്ച​വ​ട​ക്കാ​ർ പ്ര​തി​സ​ന്ധി​യി​ൽ. റം​ബു​ട്ടാ​ന്‍റെ​യും മാം​ഗോ​സ്റ്റി​ന്‍റെ​യും കേ​ര​ള​ത്തി​ലെ ത​ന്നെ കേ​ന്ദ്രം കോ​ന്നി​യാ​ണ്. കേ​ര​ളം ഉ​ൾ​പ്പെ​ടെ​യു​ള്ള വി​വി​ധ സ്ഥ​ല​ങ്ങ​ളി​ലേ​ക്ക് ഈ ​സീ​സ​ണി​ൽ ഫ​ല​ങ്ങ​ൾ ക​യ​റ്റി അ​യ​ക്കു​ന്ന​തി​ൽ പ്ര​ധാ​ന സ്ഥ​ല​മാ​ണ് കോ​ന്നി. നി​ര​വ​ധി ക​ച്ച​ട​ക്കാ​രും കൃ​ഷി​ക്കാ​രു​മാ​ണ് മേ​ഖ​ലു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന​ത്.

നി​ര​വ​ധി ക​ർ​ഷ​ക​ർ വി​ള​വെ​ടു​പ്പി​ന് മാ​സ​ങ്ങ​ൾ​ക്ക് മു​മ്പ്​ ഇ​ത​ര​സം​സ്ഥാ​ന തൊ​ഴി​ലാ​ളി​ക​ളു​മാ​യെ​ത്തി മ​ര​ങ്ങ​ളി​ൽ വ​ല​വി​രി​ച്ച് വി​ള​വെ​ടു​പ്പ് ക​ഴി​ഞ്ഞാ​ണ് മ​ട​ങ്ങു​ന്ന​ത്. എ​ന്നാ​ൽ, നി​പ വ്യാ​പ​നം ഇ​വ​രെ പ്ര​തി​സ​ന്ധി​യി​ലി​രി​ക്കു​ക​യാ​ണ്. കോ​ന്നി​യു​ടെ വി​വി​ധ കേ​ന്ദ്ര​ങ്ങ​ളി​ൽ വാ​വ​ലു​ക​ളു​ടെ സാ​ന്നി​ധ്യ​മു​ണ്ട്. ഇ​വ കൂ​ടു​ത​ൽ ഭ​ക്ഷി​ക്കു​ന്ന​തും​ ഈ ​പ​ഴ​ങ്ങ​ളാ​ണ്. കോ​ന്നി​യി​ൽ​നി​ന്ന്​ കി​ലോ​ക്ക​ണ​ക്കി​ന് പ​ഴ​ങ്ങ​ൾ​ ക​ച്ച​വ​ട​ക്കാ​ർ ശേ​ഖ​രി​ച്ചെ​ങ്കി​ലും ഇ​വ​യൊ​ന്നും വി​റ്റ​ഴി​ക്കാ​ൻ സാ​ധി​ക്കാ​ത്ത​ത് ക​ച്ച​വ​ട​ക്കാ​രെ​യും ക​ർ​ഷ​ക​രെ​യും ഒ​രു​പോ​ലെ പ്ര​തി​സ​ന്ധി​യി​ലാ​ക്കു​ന്നു. ഈ ​മേ​ഖ​ല​യി​ൽ ജോ​ലി ചെ​യ്യു​ന്ന ആ​ളു​ക​ളു​ടെ ജീ​വി​ത​വും ഇ​പ്പോ​ൾ വ​ഴി​മു​ട്ടി​യി​രി​ക്കു​ക​യാ​ണ്. നി​ര​വ​ധി റം​ബു​ട്ടാ​ൻ മ​ര​ങ്ങ​ൾ വ​ല​യി​ട്ട് സം​ര​ക്ഷി​ച്ച് വി​ള​വെ​ടു​പ്പി​ന് പാ​ക​മാ​യി നി​ൽ​ക്കു​ന്ന​ത്. ഇ​തി​ലൂ​ടെ ക​ർ​ഷ​ക​ർ​ക്ക് മി​ക​ച്ച വ​രു​മാ​നം ല​ഭി​ച്ചി​രു​ന്നു. എ​ന്നാ​ൽ, വ​ല​യി​ട്ട മ​ര​ങ്ങ​ൾ പോ​ലും ഫ​ലം വി​ള​വെ​ടു​ക്കാ​ൻ ആ​ളി​ല്ലാ​ത്ത അ​വ​സ്ഥ​യാ​ണ് നി​ല​വി​ലു​ള്ള​ത്. ജോ​ലി​ക്കാ​ർ​ക്ക്​ ശ​മ്പ​ളം​കൊ​ടു​ക്കാ​ൻ​പോ​ലും സാ​ധി​ക്കാ​ത്ത അ​വ​സ്ഥ​യാ​ണു​ള്ള​ത്.