നെല്ല് സംഭരണം അവതാളത്തിൽ; സമരവുമായി ഭരണകക്ഷി സംഘടന

പാ​ല​ക്കാ​ട്: സ​പ്ലൈ​കോ നെ​ല്ല് സം​ഭ​ര​ണം അ​വ​താ​ള​ത്തി​ലാ​യ​തോ​ടെ ഭ​ര​ണ​ക​ക്ഷി​യി​ലെ ഉ​ൾ​പ്പ​ടെ വി​വി​ധ സം​ഘ​ട​ന​ക​ൾ സ​മ​ര​രം​ഗ​ത്ത്. സി.​പി.​എ​മ്മി​ന്റെ പോ​ഷ​ക സം​ഘ​ട​ന​യാ​യ കേ​ര​ള ക​ർ​ഷ​ക​സം​ഘം ജി​ല്ല ക​മ്മി​റ്റി​യു​ടെ നേ​തൃ​ത്വ​ത്തി​ൽ തി​ങ്ക​ളാ​ഴ്ച ക​ല​ക്ട​റേ​റ്റി​ലേ​ക്ക്‌ മാ​ർ​ച്ച്‌ ന​ട​ത്തു​മെ​ന്ന് ജി​ല്ല പ്ര​സി​ഡ​ൻ​റ് കെ.​ഡി. പ്ര​സേ​ന​ൻ എം.​എ​ൽ.​എ, സെ​ക്ര​ട്ട​റി എം.​ആ​ർ. മു​ര​ളി എ​ന്നി​വ​ർ പ​റ​ഞ്ഞു.

രാ​ഷ്ട്രീ​യ കി​സാ​ൻ മ​ഹാ​സം​ഘ് മ​ന്ത്രി എം.​ബി. രാ​ജേ​ഷി​ന്റെ വ​സ​തി​യി​ലേ​ക്കും ചൊ​വ്വാ​ഴ്ച മാ​ർ​ച്ച് ന​ട​ത്തു​മെ​ന്ന് ജി​ല്ല ചെ​യ​ർ​മാ​ൻ ഹ​രി​ദാ​സ​ൻ, വൈ​സ് ചെ​യ​ർ​മാ​ൻ മു​ത​ലാം​തോ​ട് മ​ണി എ​ന്നി​വ​ർ അ​റി​യി​ച്ചു. കേ​ര​ള​ത്തി​ന്റെ നെ​ല്ല​റ​യാ​യ ജി​ല്ല​യി​ൽ ഒ​ന്നാം​വി​ള നെ​ല്ല​ടു​പ്പി​നാ​യി അ​മ്പ​തി​നാ​യി​ര​ത്തി​ലേ​റെ ക​ർ​ഷ​ക​രാ​ണ് സ​ർ​ക്കാ​റി​ന്റെ നെ​ല്ല് സം​ഭ​ര​ണ ഏ​ജ​ൻ​സി​യാ​യ സ​പ്ലൈ​കോ​യി​ൽ ര​ജി​സ്റ്റ​ർ ചെ​യ്തി​ട്ടു​ള്ള​ത്. ജി​ല്ല​യു​ടെ പ​ടി​ഞ്ഞാ​റ​ൻ മേ​ഖ​ല​ക​ളി​ൽ കൊ​യ്ത്ത് പൂ​ർ​ത്തി​യാ​ക്കി ര​ണ്ടാം വി​ള​ക്ക് ഒ​രു​ക്കം ആ​രം​ഭി​ച്ചു.

പാ​ല​ക്കാ​ട്, ചി​റ്റൂ​ർ, ആ​ല​ത്തൂ​ർ താ​ലൂ​ക്കു​ക​ളി​ൽ കൊ​യ്ത്ത് സ​ജീ​വ​മാ​ണ്. എ​ന്നി​ട്ടും നെ​ല്ല് ശേ​ഖ​ര​ണ​വു​മാ​യി ബ​ന്ധ​പ്പെ​ട്ട ന​ട​പ​ടി ഇ​ല്ലാ​ത്ത​ത് ക​ർ​ഷ​ക​ർ​ക്ക​ടി​യി​ൽ ക​ടു​ത്ത ആ​ശ​ങ്ക​യു​ണ്ടാ​ക്കു​ന്നു. ഒ​പ്പം സ​ർ​ക്കാ​റി​നെ​തി​രെ അ​മ​ർ​ഷ​വു​മു​ണ്ട്.

കൊ​യ്തെ​ടു​ത്ത നെ​ല്ല് സ്ഥ​ല പ​രി​മി​തി കാ​ര​ണം ഇ​ടു​ങ്ങി​യ സ്ഥ​ല​ങ്ങ​ളി​ൽ കെ​ട്ടി​ക്കി​ട​ക്കു​ന്ന​തി​നാ​ൽ ന​ശി​ക്കാ​ൻ സാ​ധ്യ​ത​യു​ണ്ട്. സ​പ്ലൈ​കോ ജി​ല്ല ഓ​ഫി​സി​ന് മു​ന്നി​ൽ നെ​ല്ലി​ന് തീ​യി​ട​ൽ ഉ​ൾ​പ്പ​ടെ സ​മ​ര​വു​മാ​യി വി​വി​ധ സം​ഘ​ട​ന​ക​ൾ പ്ര​തി​ഷേ​ധി​ച്ചി​രു​ന്നു. ര​ണ്ട് ത​വ​ണ മ​ന്ത്രി​ത​ല​ത്തി​ൽ ച​ർ​ച്ച ന​ട​ത്തി​യെ​ങ്കി​ലും ഇ​തു​വ​രെ​യും മി​ല്ലു​കാ​രു​മാ​യി ഒ​ത്തു​തീ​ർ​പ്പ​ലെ​ത്താ​ൻ ക​ഴി​യാ​ത്ത​ത് സ​പ്ലൈ​കോ​യു​ടെ വീ​ഴ്ച​യാ​ണെ​ന്നാ​ണ് ആ​ക്ഷേ​പം.