മലപ്പുറം ജി​ല്ല​യെ പ​ച്ച​പു​ത​പ്പി​ക്കാ​ൻ അ​ര​ല​ക്ഷം തൈ​ക​ൾ

നി​ല​മ്പൂ​ർ: പു​തി​യ അ​ധ‍്യയ​ന വ​ർ​ഷ​ത്തി​ൽ ജി​ല്ല​യി​ൽ വ​നം വ​കു​പ്പി​ന്‍റെ ജി​ല്ല സാ​മൂ​ഹി​ക വ​ന​വ​ത്ക​ര​ണ വി​ഭാ​ഗം അ​ര​ല​ക്ഷം തൈ​ക​ൾ വി​ത​ര​ണം ചെ​യ്യും.ക​ണി​ക്കൊ​ന്ന, ഇ​ല​ഞ്ഞി, മ​ണി​മ​രു​ത്, സീ​ത​പ്പ​ഴം, നെ​ല്ലി, പേ​ര, താ​ന്നി, നീ​ർ​മ​രു​ത്, ഉ​ങ്ങ്, ദ​ണ്ഡ​പാ​ല, കൂ​വ​ളം, ര​ക്ത ച​ന്ദ​നം, ഉ​ണ്ണി​വാ​ഗ, മു​ള, കു​ഞ്ഞി​വാ​ഗ തു​ട​ങ്ങി ഫ്ല​വ​ർ, ഫ്രൂ​ട്ട്, മെ​ഡി​സി​ൻ, വു​ഡ് എ​ന്നി​ങ്ങ​നെ ത​രം​തി​രി​ച്ചു​ള്ള 16 ഇ​നം തൈ​ക​ളാ​ണ് ഇ​ത്ത​വ​ണ വി​ത​ര​ണ​ത്തി​ന് പാ​ക​പ്പെ​ടു​ത്തി​യ​ത്.

നി​ല​മ്പൂ​ർ വ​ള്ളു​വ​ശ്ശേ​രി സെ​ൻ​ട്ര​ൽ ന​ഴ്സ​റി​യി​ലാ​ണ് തൈ​ക​ൾ ഒ​രു​ക്കി​യ​ത്. ക​ടു​ത്ത വ​ര​ൾ​ച്ച​യി​ലും ന​ന്നാ​യി പ​രി​പാ​ലി​ച്ചാ​ണ് തൈ​ക​ൾ പാ​ക​പ്പെ​ടു​ത്തി​യെ​ടു​ത്ത​ത്. പ്ലാ​സ്റ്റി​ക്ക് കൂ​ടു​ക​ൾ ഒ​ഴി​വാ​ക്കി ച​കി​രി​നാ​ര് കൊ​ണ്ടു​ള്ള കൂ​ട് ഒ​രു​ക്കി​യാ​ണ് തൈ​ക​ളു​ടെ വി​ത​ര​ണ​മെ​ന്ന് മ​ല​പ്പു​റം സോ​ഷ‍്യ​ൽ ഫോ​റ​സ്ട്രി അ​സി. ഫോ​റ​സ്റ്റ് ക​ൺ​സ​ർ​വേ​റ്റ​ർ വി.​പി. ജ​യ​പ്ര​കാ​ശ് പ​റ​ഞ്ഞു. വി​ദ‍്യാ​ല​യ​ങ്ങ​ൾ, പൊ​തു​സ്ഥാ​പ​ന​ങ്ങ​ൾ, സ​ർ​ക്കാ​രി​ത​ര സ്ഥാ​പ​ന​ങ്ങ​ൾ, ക്ല​ബു​ക​ൾ, എ​ൻ.​ജി.​ഒ​ക​ൾ, രാ​ഷ്ട്രീ​യ പാ​ർ​ട്ടി സം​ഘ​ട​ന​ക​ൾ, വാ​യ​ന​ശാ​ല​ക​ൾ എ​ന്നി​വ​ക്ക് തൈ​ക​ൾ സൗ​ജ​ന‍്യ​മാ​യി ന​ൽ​കും. പ​രി​സ്ഥി​തി ദി​ന​മാ​യ ജൂ​ൺ അ​ഞ്ചി​ന് തൈ​ക​ൾ വി​ത​ര​ണം തു​ട​ങ്ങും. വൃ​ക്ഷ​വ​ത്ക്ക​ര​ണ ഭാ​ഗ​മാ​യി ക​ഴി​ഞ്ഞ വ​ർ​ഷ​ങ്ങ​ളി​ൽ വൃ​ക്ഷ​മി​ത്ര പ​ദ്ധ​തി പ്ര​കാ​രം പ​ഞ്ചാ​യ​ത്തു​ക​ൾ തോ​റും വ​നം​വ​കു​പ്പി​ന്‍റെ സ​ഹ​ക​ര​ണ​ത്തോ​ടെ ന​ഴ്സ​റി​ക​ൾ ഉ​ണ്ടാ​ക്കി​യി​രു​ന്നു. ഇ​തി​നു​ള്ള വി​ത്തും പ​രി​ശീ​ല​ന​വും വ​നം​വ​കു​പ്പ് ന​ൽ​കി​യി​രു​ന്നു. ജി​ല്ല​യി​ലെ മി​ക്ക പ​ഞ്ചാ​യ​ത്തു​ക​ളും ന​ഴ്സ​റി​ക​ൾ സ്ഥാ​പി​ച്ചി​രു​ന്നെ​ങ്കി​ലും ഇ​ത്ത​വ​ണ വ​ള​രെ കു​റ​വാ​ണ്.

ജൂ​ൺ അ​ഞ്ചി​ന് രാ​വി​ലെ 10.30ന് ​ക​രു​വാ​ര​ക്കു​ണ്ട് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലാ​ണ് പ​ദ്ധ​തി​യു​ടെ ജി​ല്ല​ത​ല ഉ​ദ്ഘാ​ട​നം. പെ​രു​മാ​റ്റ​ച​ട്ടം നി​ല​നി​ൽ​ക്കു​ന്ന​തി​നാ​ൽ മ​ന്ത്രി​ത​ല​ത്തി​ലു​ള്ള ജ​ന​പ്ര​തി​നി​ധി​ക​ൾ ഉ​ദ്ഘാ​ട​ന ച​ട​ങ്ങി​ൽ പ​ങ്കെ​ടു​ക്കി​ല്ല. സ്കൂ​ൾ ന​ഴ്സ​റി യോ​ജ​ന എ​ന്ന പേ​രി​ലാ​വും ഇ​വി​ടെ പ​ദ്ധ​തി ഉ​ദ്ഘാ​ട​നം ന​ട​ത്തു​ക. കു​ട്ടി​ക​ൾ ത​ന്നെ ന​ഴ്സ​റി ഉ​ണ്ടാ​ക്കു​ന്ന പ​ദ്ധ​തി​യാ​ണി​ത്. തു​ട​ർ​ദി​വ​സ​ങ്ങ​ളി​ൽ മ​ല​പ്പു​റ​ത്തെ​യും വേ​ങ്ങ​ര​യി​ലെ​യും ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളു​ക​ളി​ൽ പ​ദ്ധ​തി ഒ​രു​ക്കും. ലെ​ൻ​സ് വേ​ഡ് സം​ഘ​ട​ന​യു​ടെ സ​ഹാ​യ​ത്തോ​ടെ മ​ല​പ്പു​റം സി​വി​ൽ സ്റ്റേ​ഷ​നി​ൽ തൈ​ക​ൾ ന​ടും. തൈ​ക വി​ത​ര​ണം സൗ​ജ​ന‍്യ​മാ​ക്കി​യ​തോ​ടെ ആ​വ​ശ‍്യ​ക്കാ​ർ ഏ​റെ​യാ​ണ്. നി​ല​വി​ൽ 60,000 ത്തി​ല​ധി​കം തൈ​ക​ൾ​ക്ക് ഓ​ർ​ഡ​ർ ല​ഭി​ച്ചി​ട്ടു​ണ്ട്.