മധുരക്കിഴങ്ങിന്റെ നാട്ടിൽ മാധുര്യത്തോടെ വിളവെടുപ്പ്

കോ​ട്ടാ​യി: മ​ധു​ര​ക്കി​ഴ​ങ്ങി​ന്റെ നാ​ടാ​യി നൂ​റ്റാ​ണ്ടു​ക​ൾ​ക്കു​മു​മ്പേ പ്ര​സി​ദ്ധി​യാ​ർ​ജി​ച്ച കോ​ട്ടാ​യി​യി​ൽ വി​ള​വെ​ടു​പ്പ് തു​ട​ങ്ങി. മ​ധു​ര​ക്കി​ഴ​ങ്ങി​ന് ച​ക്ക​ര​ക്കി​ഴ​ങ്ങ് എ​ന്നാ​ണ് ക​ർ​ഷ​ക ഭാ​ഷ. കോ​ട്ടാ​യി ച​ക്ക​ര​ക്കി​ഴ​ങ്ങി​ന്റെ പ്ര​ശ​സ്തി സ്വ​ദേ​ശ​ത്തും വി​ദേ​ശ​ത്തും മാ​ത്ര​മ​ല്ല സി​നി​മ​ക​ളി​ൽ വ​രെ ഇ​ടം​പി​ടി​ച്ച​താ​ണ്.

രാ​മ​ശ്ശേ​രി ഇ​ഡ്ഡ​ലി, ക​രി​പ്പോ​ട് മു​റു​ക്ക്, എ​ല​വ​ഞ്ചേ​രി ക​ത്തി എ​ന്ന​തി​ൽ കോ​ട്ടാ​യി ച​ക്ക​ര​ക്കി​ഴ​ങ്ങും കോ​ട്ടാ​യി ക​യ്പ​ക്ക (പാ​വ​ക്ക ) യും ​പ​ണ്ടു​മു​ത​ലേ സ്ഥാ​നം പി​ടി​ച്ച ചൊ​ല്ലാ​ണ്. മു​മ്പ് കാ​ല​ങ്ങ​ളി​ൽ കോ​ട്ടാ​യി മേ​ഖ​ല​യി​ലെ വ്യാ​പ​ക കൃ​ഷി ചെ​യ്തി​രു​ന്ന ച​ക്ക​ര​ക്കി​ഴ​ങ്ങ് ഒ​രു പ്ര​ധാ​ന വ​രു​മാ​ന​മാ​ർ​ഗ​വു​മാ​യി​രു​ന്നു.

ക​ർ​ഷ​ക ഭ​വ​ന​ങ്ങ​ളി​ൽ വി​വാ​ഹം നി​ശ്ച​യി​ച്ചി​രു​ന്ന​ത് പോ​ലും കി​ഴ​ങ്ങ് കി​ള​ക്ക​ട്ടെ എ​ന്നി​ട്ട് ദി​വ​സം തീ​രു​മാ​നി​ക്കാ​മെ​ന്നാ​യി​രു​ന്നു പ​റ​ഞ്ഞി​രു​ന്ന​ത്. പ​ക്ഷേ, കാ​ട്ടു​പ​ന്നി​യു​ടെ ശ​ല്യം കോ​ട്ടാ​യി​യു​ടെ കി​ഴ​ങ്ങു പ്ര​താ​പ​ത്തി​ന് മ​ങ്ങ​ലേ​ൽ​പി​ച്ചു. പ​ന്നി​ശ​ല്യ​ത്തി​ൽ​നി​ന്ന് ര​ക്ഷ​പ്പെ​ടു​ത്തി എ​ടു​ക്ക​ൽ പ്ര​യാ​സ​മാ​യ​തി​നാ​ൽ മി​ക്ക​ക​ർ​ഷ​ക​രും കി​ഴ​ങ്ങ് കൃ​ഷി ഉ​പേ​ക്ഷി​ച്ചു. ഇ​പ്പോ​ൾ നാ​മ​മാ​ത്ര​മാ​യാ​ണ് കൃ​ഷി ചെ​യ്യു​ന്ന​ത്. ഇ​ത്ത​വ​ണ വി​ള​വ് മോ​ശ​മാ​ണെ​ങ്കി​ലും വി​ല ത​ര​ക്കേ​ടി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

കി​ഴ​ങ്ങു​കൃ​ഷി​ക്ക് മ​ഴ അ​ധി​ക​മാ​വാ​ൻ പാ​ടി​ല്ല. നി​ലം എ​പ്പോ​ഴും വെ​ടി​ഞ്ഞി​രി​ക്ക​ണം. എ​ന്നാ​ൽ, പ​റ്റെ ഉ​ണ​ക്കം ബാ​ധി​ക്കാ​നും പാ​ടി​ല്ല. മ​ഴ​ക്കൂ​ടു​ത​ൽ ഇ​ത്ത​വ​ണ വി​ള​വി​നെ ബാ​ധി​ച്ചി​ട്ടു​ണ്ടെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. മൊ​ത്ത​ക്ക​ച്ച​വ​ട​ക്കാ​ർ​ക്ക് കി​ലോ​ക്ക് 28 രൂ​പ തോ​തി​ലാ​ണ് ന​ൽ​കു​ന്ന​തെ​ന്ന് കോ​ട്ടാ​യി ക​രി​യം​കോ​ട്ടെ ക​ർ​ഷ​ക​നാ​യ ശം​ഭു പ​റ​ഞ്ഞു. സം​സ്ഥാ​ന​ത്തി​ന​ക​ത്ത് എ​റ​ണാ​കു​ളം, തി​രു​വ​ന​ന്ത​പു​രം, ആ​ല​പ്പു​ഴ മാ​ർ​ക്ക​റ്റു​ക​ളി​ലേ​ക്കാ​ണ് ക​യ​റ്റി​പ്പോ​കു​ന്ന​ത്.

വി​ദേ​ശ​ത്തേ​ക്കും ക​യ​റ്റി​പ്പോ​കു​ന്ന​താ​യി പ​റ​യു​ന്നു. നെ​ൽ​കൃ​ഷി​യെ അ​പേ​ക്ഷി​ച്ച് ചെ​ല​വു കൂ​ടു​ത​ലാ​ണെ​ങ്കി​ലും പ​ണി കു​റ​വാ​ണെ​ന്നും സാ​മാ​ന്യം വി​ള​വു​ല​ഭി​ച്ചാ​ൽ നെ​ല്ലി​നേ​ക്കാ​ൾ മെ​ച്ച​മാ​ണെ​ന്നും ക​ർ​ഷ​ക​ർ പ​റ​യു​ന്നു. കാ​ട്ടു​പ​ന്നി ശ​ല്യം ത​ട​യാ​ൻ കൃ​ഷി​യി​ട​ത്തി​ൽ ചാ​ള ( ഓ​ല​പ്പു​ര) കെ​ട്ടി ക​ർ​ഷ​ക​ർ മാ​റി ഉ​റ​ക്ക​മൊ​ഴി​ച്ച് കാ​വ​ലി​രി​ക്കു​ക​യാ​ണ് പ​തി​വ്. കി​ഴ​ക്കു​കൃ​ഷി ചെ​യ്താ​ൽ നെ​ൽ​കൃ​ഷി ഒ​ന്നാം വി​ള​യെ​ടു​ക്കു​ന്ന സ​മ​യ​ത്ത് കി​ഴ​ങ്ങ് വി​ള​വെ​ടു​ത്ത് ഇ​തേ സ്ഥ​ല​ത്ത് ര​ണ്ടാം വി​ള നെ​ൽ​കൃ​ഷി ഇ​റ​ക്കാ​മെ​ന്ന​തും വ​ലി​യ നേ​ട്ട​മാ​ണ്.

ച​ക്ക​ര​ക്കി​ഴ​ങ്ങ് ചു​വ​പ്പ്, വെ​ള്ള എ​ന്നീ ര​ണ്ടി​ന​ങ്ങ​ളാ​ണ്. കോ​ട്ടാ​യി മേ​ഖ​ല​യി​ൽ വെ​ള്ള​ച​ക്ക​ര​ക്കി​ഴ​ങ്ങാ​ണ് കൃ​ഷി ചെ​യ്യാ​റു​ള്ള​ത്. നൂ​റ്റാ​ണ്ടു​ക​ളോ​ള​മാ​യി ഒ​രു നാ​ട്ടി​ന്റെ പ്ര​താ​പ​മാ​യ ച​ക്ക​ര​ക്കി​ഴ​ങ്ങ് കൃ​ഷി അ​ന്യം നി​ന്നു​പോ​കാ​തി​രി​ക്കാ​ൻ സ​ർ​ക്കാ​റും കൃ​ഷി​വ​കു​പ്പും കാ​ര്യ​ക്ഷ​മ​മാ​യി ഇ​ട​പെ​ട്ട് ആ​വ​ശ്യ​മാ​യ സ​ഹാ​യ സം​വി​ധാ​ന​ങ്ങ​ൾ ചെ​യ്യ​ണ​മെ​ന്നാ​ണ് ക​ർ​ഷ​ക​ർ ആ​വ​ശ്യ​പ്പെ​ടു​ന്ന​ത്.