മ​ണി​ച്ചോ​ള​ കൃ​ഷി നാ​ടി​നും ഉ​ത്ത​മ​മാ​ണെ​ന്ന്​ തെ​ളി​യി​ച്ച്​ ഉ​ത്ത​മ​ൻ

ചെ​ങ്ങ​ന്നൂ​ർ: ചെ​റു​ധാ​ന്യ ഗ​ണ​ത്തി​ൽ​പെ​ടു​ന്ന മ​ണി​ച്ചോ​ള​ത്തി​ന്‍റെ കൃ​ഷി ന​മ്മു​ടെ നാ​ടി​നും ഉ​ത്ത​മ​മാ​ണെ​ന്ന്​ തെ​ളി​യി​ക്കു​ക​യാ​ണ്​ മു​ള​ക്കു​ഴ ഗ്രാ​മ​പ​ഞ്ചാ​യ​ത്തി​ൽ കൊ​ഴു​വ​ല്ലൂ​ർ 11ാം വാ​ർ​ഡി​ൽ ഉ​ദ​യ​ഭ​വ​ന​ത്തി​ൽ ഉ​ത്ത​മ​നെ​ന്ന ജൈ​വ​ക​ർ​ഷ​ക​ൻ. നാ​ലു​മാ​സം മു​മ്പ്​ കൃ​ഷി​ഭ​വ​നി​ൽ പ്ര​ശാ​ന്ത് ജ​ഗ​നെ​ന്ന ചെ​റു​ധാ​ന്യ പ്ര​ചാ​ര​ക​ന്‍റെ ക്ലാ​സ് സം​ഘ​ടി​പ്പി​ച്ചി​രു​ന്നു.

അ​ന്ന്​ അ​തി​ൽ പ​ങ്കെ​ടു​ത്ത​വ​രി​ൽ താ​ൽ​പ​ര്യ​മു​ള്ള​വ​ർ​ക്കു മ​ണി​ച്ചോ​ളം, ബാ​ജ്റ എ​ന്നി​വ​യു​ടെ വി​ത്തു​ക​ൾ സൗ​ജ​ന്യ​മാ​യി വി​ത​ര​ണം ചെ​യ്തു. മ​ണ്ണി​നെ അ​റി​യു​ക​യും സ്നേ​ഹി​ക്കു​ക​യും ചെ​യ്യു​ന്ന 67കാ​ര​നാ​യ ഉ​ത്ത​മ​ന്റെ മ​ന​സ്സി​ൽ കോ​റി​യി​ട്ട ചി​ന്ത​ക​ൾ പു​തി​യ കൃ​ഷി​രീ​തി അ​വ​ലം​ബി​പ്പി​ക്കാ​ൻ ഇ​ട​യാ​ക്കു​ക​യാ​യി​രു​ന്നു. അ​ര​യേ​ക്ക​റി​ൽ ന​ട​ത്തി​യ ആ​ദ്യ മ​ണി​ച്ചോ​ള കൃ​ഷി​യി​ൽ​ത​ന്നെ ന​ല്ല വി​ള​വാ​ണ് ല​ഭി​ച്ച​ത്.

രാ​സ​വ​ള​ങ്ങ​ളും കീ​ട​നാ​ശി​നി​യും ആ​വ​ശ്യ​മി​ല്ലാ​തെ വെ​റും 90 ദി​വ​സം​കൊ​ണ്ട് വി​ള​വെ​ടു​പ്പ് സാ​ധ്യ​മാ​കു​മെ​ന്ന്​ ഉ​ത്ത​മ​ൻ പ​റ​ഞ്ഞു. ക്ഷീ​ര ക​ർ​ഷ​ക​ൻ കൂ​ടി​യാ​യ ഇ​ദ്ദേ​ഹം ചാ​ണ​കം മാ​ത്ര​മാ​ണ് വ​ള​മാ​യി ഉ​പ​യോ​ഗി​ച്ച​ത്. അ​തി​ശ​യി​പ്പി​ക്കു​ന്ന വി​ള​വും ല​ഭി​ച്ചു. ഒ​രു കു​ല​യി​ൽ​നി​ന്നും 300 ഗ്രാ​മി​ല​ധി​കം ധാ​ന്യ​ങ്ങ​ൾ ഇ​ദ്ദേ​ഹ​ത്തി​ന്റെ കൃ​ഷി​യി​ട​ത്തി​ൽ ല​ഭി​ച്ചു.

ഇ​ത്​ നേ​രി​ൽ​ക​ണ്ടും കേ​ട്ട​റി​ഞ്ഞും ഇ​തേ വാ​ർ​ഡി​ൽ​ത​ന്നെ​യു​ള്ള ഏ​ഴോ​ളം ക​ർ​ഷ​ക​ർ ഉ​ത്ത​മ​നി​ൽ​നി​ന്നു വി​ത്തു​ക​ൾ വാ​ങ്ങി കൃ​ഷി​യി​റ​ക്കാ​ൻ ത​യാ​റാ​യി​രി​ക്കു​ക​യാ​ണ്. വി​ള​വെ​ടു​ത്ത​തി​ന് ശേ​ഷ​മു​ള്ള വ​യ്​​ക്കോ​ൽ മി​ക​ച്ച കാ​ലി​ത്തീ​റ്റ​യാ​ണ്. ഇ​നി ഒ​രു ഏ​ക്ക​റി​ൽ അ​ധി​ക​മാ​യി ചെ​റു​ധാ​ന്യ കൃ​ഷി​യി​റ​ക്കാ​നു​ള്ള ത​യാ​റെ​ടു​പ്പി​ലാ​ണ് ഇ​ദ്ദേ​ഹം.

ന​ന്നേ ചെ​റു​പ്പ​ത്തി​ലേ കാ​ർ​ഷി​ക​വൃ​ത്തി സ്വീ​ക​രി​ച്ച ഉ​ത്ത​മ​നു പി​ന്തു​ണ​യേ​കി ഭാ​ര്യ ശാ​ന്ത​മ്മ​യും ഒ​പ്പ​മു​ണ്ട്. 50 സെ​ന്റ് ക​ര​ഭൂ​മി​യും 10 പ​റ നി​ല​വു​മു​ണ്ട്. നാ​ലു ക​റ​വ​പ്പ​ശു​ക്ക​ളെ പ​രി​പാ​ലി​ക്കു​ന്ന​തോ​ടൊ​പ്പം, നെ​ൽ​കൃ​ഷി, വാ​ഴ, പാ​വ​ൽ, പ​ട​വ​ലം, പ​യ​ർ, വ​ഴു​ത​ന, കോ​വ​ൽ എ​ന്നി​വ​യും കൃ​ഷി ചെ​യ്യു​ന്നു. വി​ള​വെ​ടു​ക്കു​ന്ന​വ പ​ന്ത​ളം, ചെ​ങ്ങ​ന്നൂ​ർ ച​ന്ത​ക​ളി​ലും പ​ത്തി​ല​ധി​കം ക​ട​ക​ളി​ലും വി​ൽ​പ​ന ന​ട​ത്തി ജീ​വി​തം​മു​ന്നോ​ട്ടു കൊ​ണ്ടു​പോ​കു​ന്നു. ര​ണ്ടു മ​ക്ക​ളി​ൽ മൂ​ത്ത മ​ക​ൻ അ​നി​ൽ​കു​മാ​ർ ഗ​ൾ​ഫി​ലും മ​ക​ൾ അ​നി​ത വി​വാ​ഹി​ത​യാ​യി ഭ​ർ​തൃ​ഗൃ​ഹ​ത്തി​ലു​മാ​ണ്.