കർഷകർ ഇനി തൃ​ശൂരിൽ പോവേണ്ട; ട്രൈക്കോ​ഗ്രമ്മ മിത്രകീട ഉൽപാദന യൂനിറ്റ് പിലിക്കോടും

ചെ​റു​വ​ത്തൂ​ർ: പി​ലി​ക്കോ​ട് ഉ​ത്ത​ര​മേ​ഖ​ല കാ​ർ​ഷി​ക ഗ​വേ​ഷ​ണ കേ​ന്ദ്ര​ത്തി​ൽ ഫാം ​കാ​ർ​ണി​വ​ലി​നോ​ട​നു​ബ​ന്ധി​ച്ച് ഉ​ത്ത​ര​കേ​ര​ള​ത്തി​ലെ ആ​ദ്യ ട്രൈ​ക്കോ​ഗ്രമ്മ മു​ട്ട​ക്കാ​ർ​ഡ് വി​ത​ര​ണം ചെ​യ്തു. ട്രൈ​ക്കോ​ഗ്രമ്മ എ​ന്ന മി​ത്ര​കീ​ട​ങ്ങ​ൾ, വി​ള​ക​ളെ ആ​ക്ര​മി​ക്കു​ന്ന കീ​ട​ങ്ങ​ളെ ന​ശി​പ്പി​ക്കു​ന്ന പ​രാ​ദ​ജീ​വി​ക​ളി​ൽ ഏ​റ്റ​വും പ്ര​ധാ​ന​പ്പെ​ട്ട​താ​ണ്. ക​ട​ന്ന​ലു​ക​ളു​ടെ കു​ടും​ബ​ത്തി​ൽ​പെ​ട്ട ഇ​വ പ്ര​കൃ​ത്യാ വി​ള​ക​ൾ​ക്കൊ​പ്പം ഉ​ണ്ടെ​ങ്കി​ലും ശ​ത്രു​കീ​ട​ങ്ങ​ളു​ടെ എ​ണ്ണം കൂ​ടു​മ്പോ​ൾ ഇ​വ​യു​ടെ എ​ണ്ണം പ​ര്യാ​പ്ത​മ​ല്ലാ​തെ വ​രും. അ​തി​നാ​ൽ, ട്രൈ​ക്കോ​ഗ്രമ്മയെ കൃ​ത്രി​മ​മാ​യി വ​ള​ർ​ത്തി​യെ​ടു​ത്ത് ഉ​പ​യോ​ഗി​ക്കാം. കാ​ർ​ഷി​ക​വി​ള​ക​ളു​ടെ വി​വി​ധ​യി​നം കീ​ട​ങ്ങ​ളെ നി​യ​ന്ത്രി​ക്കാ​ൻ ട്രൈ​ക്കോ​ഗ്ര​മ്മ ക​ട​ന്ന​ലു​ക​ൾ സ​ഹാ​യ​ക​ര​മാ​കു​ന്നു​ണ്ട്.

മു​ട്ട​ക്കാ​ർ​ഡു​ക​ൾ വാ​ങ്ങു​ന്ന​തി​നാ​യി തൃ​ശൂ​ർ​വ​രെ പോ​കേ​ണ്ടി​യി​രു​ന്ന ക​ർ​ഷ​ക​ർ​ക്ക് ഒ​രാ​ശ്വാ​സ​മാ​യാ​ണ്, ഉ​ത്ത​ര​കേ​ര​ള​ത്തി​ൽ ആ​ദ്യ​മാ​യി ട്രൈ​ക്കോ​ഗ്രമ്മ മി​ത്ര​കീ​ട ഉ​ൽ​പാ​ദ​ന യൂ​നി​റ്റ് പി​ലി​ക്കോ​ട് കേ​ന്ദ്ര​ത്തി​ൽ തു​ട​ങ്ങി​യ​ത്. ആ​വ​ശ്യാ​നു​സ​ര​ണം നേ​ര​ത്തേ ബു​ക്ക് ചെ​യ്താ​ൽ ഇ​വി​ടെ​നി​ന്ന്​ മു​ട്ട​ക്കാ​ർ​ഡു​ക​ൾ ല​ഭി​ക്കും.

ജി​ല്ല പ​ഞ്ചാ​യ​ത്ത് പൊ​തു​മ​രാ​മ​ത്ത് സ്ഥി​രം​സ​മി​തി ചെ​യ​ർ​പേ​ഴ്സ​ൻ കെ. ​ശ​കു​ന്ത​ള ഉ​ദ്ഘാ​ട​നം ചെ​യ്തു. കേ​ന്ദ്രം അ​സോ​സി​യേറ്റ് പ്ര​ഫ​സ​ർ പി.​കെ. ര​തീ​ഷ് അ​ധ്യ​ക്ഷ​ത വ​ഹി​ച്ചു. ജി​ല്ല വ്യ​വ​സാ​യ വ​കു​പ്പ് മാ​നേ​ജ​ർ ആ​ർ. രേ​ഖ, ജി​ല്ല പ്രി​ൻ​സി​പ്പ​ൽ കൃ​ഷി ഓ​ഫി​സ​ർ മി​നി പി. ​ജോ​ൺ, നീ​ലേ​ശ്വ​രം അ​സി. ഡ​യ​റ​ക്ട​ർ ഓ​ഫ് അ​ഗ്രി​ക​ൾ​ച​ർ കെ. ​ബി​ന്ദു എ​ന്നി​വ​ർ സം​സാ​രി​ച്ചു. ഡോ. ​നി​ഷ ല​ക്ഷ്മി സ്വാ​ഗ​ത​വും കെ. ​ര​മ്യ രാ​ജ​ൻ ന​ന്ദി​യും പ​റ​ഞ്ഞു.