കാട്ടുപന്നികളുടെ വിളയാട്ടം; നട്ടംതിരിഞ്ഞ്​ കർഷകർ

മ​ല്ല​പ്പ​ള്ളി : താ​ലൂ​ക്ക് പ്ര​ദേ​ശ​ങ്ങ​ളി​ൽ കാ​ട്ടു​പ​ന്നി ശ​ല്യം രൂ​ക്ഷ​മാ​യി തു​ട​രു​ന്നു. കാ​ർ​ഷി​ക​വി​ള​ക​ൾ വ്യാ​പ​ക​മാ​യി ന​ശി​പ്പി​ക്കു​ന്ന​തി​നാ​ൽ ന​ട്ടം തി​രി​യു​ക​യാ​ണ് ക​ർ​ഷ​ക​ർ. എ​ഴു​മ​റ്റൂ​ർ, കൊ​റ്റ​നാ​ട്, കോ​ട്ടാ​ങ്ങ​ൽ, ആ​നി​ക്കാ​ട് പ​ഞ്ചാ​യ​ത്തു​ക​ളു​ടെ വി​വി​ധ മേ​ഖ​ല​ക​ളി​ൽ ആ​ക്ര​മ​ണം പ​തി​വാ​യി മാ​റി. ചേ​ന, ചേ​മ്പ്, ക​പ്പ, കാ​ച്ചി​ൽ വാ​ഴ, തെ​ങ്ങി​ൻ തൈ​ക​ൾ എ​ന്നി​വ​യെ​ല്ലാം കാ​ട്ടു​പ​ന്നി​ക​ൾ ന​ശി​പ്പി​ക്കു​ക​യാ​ണ്. കൃ​ഷി സം​ര​ക്ഷി​ക്കാ​ൻ വി​വി​ധ​ത​രം മ​റ​ക​ൾ സ്ഥാ​പി​ച്ചും, കൃ​ഷി​യി​ട​ങ്ങ​ളി​ൽ കാ​വ​ൽ കി​ട​ക്കേ​ണ്ട​തു​മാ​യ ഗ​തി​കേ​ടി​ലു​മാ​ണ് ക​ർ​ഷ​ക​ർ.

സൗ​രോ​ർ​ജ വേ​ലി​യും പ​ന്നി മ​റ​യും വി​ള​ക്കു​ക​ളും സ്ഥാ​പി​ക്കാ​ൻ ചെ​ല​വ് വ​ർ​ധി​ക്കു​ന്ന​തി​നാ​ൽ ഉ​പേ​ക്ഷി​ക്ക​പ്പെ​ട്ട വ​സ്തു​ക്ക​ളും വി​ല കു​റ​ഞ്ഞ പ്ലാ​സ്റ്റി​ക് വ​ല​ക​ളും മു​ള്ളു​വേ​ലി​ക​ളും സ്ഥാ​പി​ക്കു​ന്ന​വ​രു​മു​ണ്ട്. സൗ​രോ​ർ​ജ വേ​ലി​ക്ക് ഒ​രേ​ക്ക​റി​ന് 50,000ത്തോ​ളം രൂ​പ ചെ​ല​വാ​കു​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. ഇ​തെ​ല്ലാം സ്ഥാ​പി​ച്ചാ​ലും സം​ര​ക്ഷ​ണ ഭി​ത്തി​ക​ൾ ചാ​ടി​ക്ക​ട​ന്നും വേ​ലി​ക​ൾ കു​ത്തി മ​റി​ച്ച് ക​ള​ഞ്ഞും ഇ​വ​റ്റ​ക​ൾ കൃ​ഷി​യി​ട​ത്തി​ൽ ക​ട​ക്കു​ക​യാ​ണ്. ബാ​ങ്ക് വാ​യ്പ​യും മ​റ്റ് ധ​ന​കാ​ര്യ സ്ഥാ​പ​ന​ങ്ങ​ളി​ൽ നി​ന്ന്​ ക​ട​മെ​ടു​ത്തും പാ​ട്ട കൃ​ഷി ചെ​യ്ത ക​ർ​ഷ​ക​രെ​ല്ലാം ക​ട​ക്കെ​ണി​യി​ലാ​ണ്. വ​ന​മേ​ഖ​ല​ക​ളോ​ട് ചേ​ർ​ന്ന പ്ര​ദേ​ശ​ങ്ങ​ളി​ൽ മാ​ത്ര​മാ​യി​രു​ന്ന ശ​ല്യം ജ​ന​വാ​സ മേ​ഖ​ല​ക​ളി​ലും വ്യാ​പ​ക​മാ​യി​രി​ക്കു​ക​യാ​ണ്.

കൃ​ഷി ഉ​പ​ജി​വ​ന​മാ​ർ​ഗ​മാ​ക്കി​യി​രു​ന്ന ക​ർ​ഷ​ക കു​ടും​ബ​ങ്ങ​ൾ മു​ഴു​പ്പ​ട്ടി​ണി​യി​ലാ​കു​ന്ന സ്ഥി​തി​യാ​ണ്. വ​ന്യ​ജീ​വി​ക​ളു​ടെ ആ​ക്ര​മ​ണ​ത്തി​ൽ കൃ​ഷി​നാ​ശം സം​ഭ​വി​ക്കു​ന്ന ക​ർ​ഷ​ക​ർ​ക്ക് ആ​വ​ശ്യ​മാ​യ സ​ഹാ​യം പ്ര​ഖ്യാ​പ​ന​ങ്ങ​ളി​ലും മ​റ്റും ഉ​ണ്ടാ​കു​ന്നു​ണ്ടെ​ങ്കി​ലും പ​ല​തും ന​ട​പ്പാ​കു​ന്നി​ല്ല.