സപ്ലൈകോക്കു പിന്നാലെ വേനൽമഴയും ചതിച്ചു; പാടത്ത് കർഷകൻറെ കണ്ണീർ നനവ്

കോ​ട്ട​യം: ജി​ല്ല​യി​ൽ സ​പ്ലൈ​കോ​ക്കു പി​ന്നാ​ലെ ക​ർ​ഷ​ക​രെ ച​തി​ച്ച്​ വേ​ന​ൽ​മ​ഴ. പാ​ട​ത്ത്​ കൂ​ട്ടി​യി​ട്ട നെ​ല്ല്​ വെ​ള്ള​ത്തി​ലാ​ണ്. പ​ക​ൽ വെ​യി​ൽ തെ​ളി​ഞ്ഞ​തോ​ടെ വെ​ള്ളം വ​ലി​യു​ന്നു​ണ്ടെ​ങ്കി​ലും ന​ന​ഞ്ഞ നെ​ല്ല്​ എ​ന്തു​ചെ​യ്യു​മെ​ന്നാ​ണ്​ ക​ർ​ഷ​ക​രു​ടെ ചോ​ദ്യം. ന​ന​ഞ്ഞ നെ​ല്ല്​ പാ​ട​ത്തു​നി​ന്ന്​ പ​ണി​ക്കാ​രെ​വെ​ച്ച്​ ചു​മ​ന്ന്​ റോ​ഡി​ലെ​ത്തി​ച്ച്​ ഉ​ണ​ക്കാ​നി​ടു​ന്ന തി​ര​ക്കി​ലാ​ണ്​ ക​ർ​ഷ​ക​ർ. മ​ഴ പെ​യ്ത​തി​നാ​ൽ മി​ല്ലു​കാ​ർ കൂ​ടു​ത​ൽ കി​ഴി​വ്​ ആ​വ​ശ്യ​​പ്പെ​ടും.

ഇ​നി​യും കാ​ത്തി​രി​ക്കാ​നാ​വാ​ത്ത​തി​നാ​ൽ ഗ​ത്യ​ന്ത​ര​മി​ല്ലാ​തെ ചോ​ദി​ക്കു​ന്ന കി​ഴി​വ്​ ന​ൽ​കേ​ണ്ടി​വ​രും. ഒ​രു മ​ണി​പോ​ലും കി​ഴി​വ്​ ന​ൽ​കി​ല്ലെ​ന്നു പ​റ​ഞ്ഞ തി​രു​വാ​ർ​പ്പി​ലെ ക​ർ​ഷ​ക​ർ ര​ണ്ടു​കി​ലോ കി​ഴി​വി​നാ​ണ്​ നെ​ല്ല്​ ന​ൽ​കി​യ​ത്. തി​രു​വാ​ര്‍പ്പ് പ​ഞ്ചാ​യ​ത്തി​ലെ മാ​ടേ​ക്കാ​ട് പാ​ട​ശേ​ഖ​ര​ത്തി​ല്‍ മി​ല്ലു​കാ​ര്‍ ആ​വ​ശ്യ​പ്പെ​ട്ടി​രി​ക്കു​ന്ന​ത്​ 22 കി​ലോ കി​ഴി​വാ​ണെ​ന്നാ​ണ്​ ക​ർ​ഷ​ക​ർ പ​റ​യു​ന്ന​ത്. 150 ഏ​ക്ക​റി​ല്‍ താ​ഴെ മാ​ത്ര​മു​ള്ള പാ​ട​ശേ​ഖ​ര​ത്തി​ലെ കൊ​യ്ത്ത് ഒ​രു മാ​സം മു​മ്പേ പൂ​ര്‍ത്തി​യാ​യി​രു​ന്നു.

ഒ​റ്റ​പ്പെ​ട്ടു കി​ട​ക്കു​ന്ന പാ​ട​ശേ​ഖ​ര​ത്തി​ലെ മു​ക്കാ​ല്‍ നെ​ല്ലും ര​ണ്ടു കി​ലോ കി​ഴി​വി​ല്‍ സം​ഭ​രി​ച്ച​ശേ​ഷം മി​ല്ലു​കാ​ര്‍ പി​ന്‍വാ​ങ്ങി. അ​വ​ശേ​ഷി​ക്കു​ന്ന നെ​ല്ലു ന​ല്‍കാ​ന്‍ മി​ല്ലു​കാ​രെ തേ​ടി ക​ര്‍ഷ​ക​ര്‍ നെ​ട്ടോ​ട്ട​മാ​ണ്. ഈ ​നെ​ല്ലാ​ണ്​​ ഇ​പ്പോ​ൾ 22 കി​ലോ കി​ഴി​വി​ന്​ ആ​വ​ശ്യ​പ്പെ​ടു​ന്ന​ത്​. കു​റി​ച്ചി​യി​ലെ ര​ണ്ടു പാ​ട​ശേ​ഖ​ര​ത്തി​ലും ര​ണ്ടാ​ഴ്ച​യി​ലേ​റെ​യാ​യി നെ​ല്ല്​ സം​ഭ​ര​ണം ത​ട​സ്സ​പ്പെ​ട്ടി​രി​ക്കു​ക​യാ​ണ്. എ​ട്ടു കി​ലോ കി​ഴി​വാ​ണ്​ ഇ​വി​ടെ ചോ​ദി​ക്കു​ന്ന​ത്. മ​ഴ കൂ​ടി എ​ത്തി​യ​തോ​ടെ എ​ത്ര കി​ഴി​വു ന​ല്‍കി​യാ​ലും വേ​ണ്ടി​ല്ല നെ​ല്ല്​ കൊ​ണ്ടു​പോ​യാ​ല്‍ മ​തി​യെ​ന്ന നി​ല​പാ​ടി​ലാ​ണ് ക​ര്‍ഷ​ക​ര്‍.

ഇ​ന്നും പാ​ഡി ഓ​ഫി​സ് ഉ​പ​രോ​ധി​ക്കും

തി​രു​വാ​ര്‍പ്പ് മാ​ടേ​ക്കാ​ട്, കു​റി​ച്ചി പാ​ട​ശേ​ഖ​ര​ങ്ങ​ളി​ലെ സം​ഭ​ര​ണം പു​ന​രാ​രം​ഭി​ക്കാ​ന്‍ പ്ര​തി​ഷേ​ധം ക​ടു​പ്പി​ക്കു​ന്ന​തി​ന്റെ ഭാ​ഗ​മാ​യി നെ​ല്‍ക​ര്‍ഷ​ക സം​ര​ക്ഷ​ണ സ​മി​തി സം​സ്ഥാ​ന ക​മ്മി​റ്റി​യു​ടെ നേ​തൃ​ത്വ​ത്തി​ല്‍ തി​ങ്ക​ളാ​ഴ്ച രാ​വി​ലെ 9.30 മു​ത​ല്‍ പാ​ഡി മാ​ര്‍ക്ക​റ്റി​ങ് ഓ​ഫി​സ് ഉ​പ​രോ​ധി​ക്കും.

ആ​ല​പ്പു​ഴ​യി​ല്‍നി​ന്നു​ള്ള ക​ര്‍ഷ​ക​ര്‍ ഉ​ള്‍പ്പെ​ടെ​യു​ള്ള​വ​ര്‍ സ​മ​ര​ത്തി​ല്‍ പ​ങ്കാ​ളി​ക​ളാ​കു​മെ​ന്ന്​ സ​മി​തി സം​സ്ഥാ​ന പ്ര​സി​ഡ​ന്റ് റ​ജീ​ന അ​ഷ്‌​റ​ഫ് പ​റ​ഞ്ഞു. ക​ഴി​ഞ്ഞ ദി​വ​സ​വും നെ​ല്‍ക​ര്‍ഷ​ക സം​ര​ക്ഷ​ണ സ​മി​തി പാ​ഡി ഓ​ഫി​സ്​ ഉ​പ​രോ​ധി​ച്ചി​രു​ന്നു. ​വൈ​കീ​ട്ട്​ ഇ​വ​രെ അ​റ​സ്റ്റ്​ ചെ​യ്തു നീ​ക്കു​ക​യാ​യി​രു​ന്നു.