സലാകിന്​ മധുരമേറെ, പക്ഷെ വന്യമൃഗങ്ങൾ വേലി ചാടില്ല

മു​ക്കം: വ​ന്യ​മൃ​ഗ​ങ്ങ​ൾ കൃ​ഷി​യി​ട​ത്തി​ലേ​ക്കെ​ത്തു​ന്ന​ത്​ ത​ട​യി​ടാ​ൻ ജൈ​വ​വേ​ലി​യൊ​രു​ക്കു​ന്ന​തി​ന് സ​ലാ​ക് പ​ഴ​ച്ചെ​ടി​ക​ളും. ചേ​ന്ദ​മം​ഗ​ലൂ​ർ കി​ഴ​ക്കേ​മു​റി മാ​ടാം​പൊ​യി​ലി​ന​ടു​ത്ത് ഇ​രു​വ​ഴി​ഞ്ഞി​പ്പു​ഴ​യോ​ര​ത്തെ പി.​കെ. റ​സാ​ഖി​െൻറ വ​ള​പ്പി​ലെ വേ​ലി​ക​ൾ​ക്ക​രി​കി​ൽ സ​ലാ​ക്​ ചെ​ടി​ക​ൾ ഉ​യ​ർ​ന്നു​വ​രു​ന്ന​ത്​ ശ്ര​ദ്ധ​യാ​ക​ർ​ഷി​ക്കു​ക​യാ​ണ്. ര​ണ്ടു വ​ർ​ഷ​ത്തി​ന​കം പ​ഴ​ങ്ങ​ൾ ഉ​ണ്ടാ​വും.

ന​ല്ല രു​ചി പ​ക​രു​ന്ന പ​ഴ​മാ​ണ് സ​ലാ​ക് ചെ​ടി​യി​ൽ​നി​ന്ന് ല​ഭി​ക്കു​ന്ന​ത്. അ​തേ​സ​മ​യം പ​ന്നി, ആ​ന തു​ട​ങ്ങി വ​ന്യ​മൃ​ഗ​ങ്ങ​ൾ കൃ​ഷി​യി​ട​ത്തി​ലേ​ക്ക് ക​ട​ക്കു​ന്ന​ത് ത​ട​യാ​നാ​കു​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. വേ​ലി​ക​ളി​ൽ ഒ​ന്ന​ര​മീ​റ്റ​ർ അ​ക​ല​ത്തി​ൽ ന​ട്ടു പി​ടി​പ്പി​ക്കു​ക​യാ​ണ്​ ചെ​യ്യു​ന്ന​ത്. ഇ​തി​ലെ ബ​ല​മു​ള്ള മു​ള്ളു​ക​ളാ​ണ് വ​ന്യ​മൃ​ഗ​ങ്ങ​ളു​ടെ വ​ര​വ് ത​ട​യു​ന്ന​ത്.

രു​ചി​യും ഒ​ട്ടേ​റെ ധാ​തു​ക്ക​ളും വി​റ്റാ​മി​നു​ക​ളും അ​ട​ങ്ങി​യ​താ​ണ് പ​ഴം. ച​ക്ക​യു​ടെ​യും പൈ​നാ​പ്പി​ളി​െൻറ​യും രു​ചി​യോ​ട് സാ​ദൃ​ശ്യ​മു​ള്ള​താ​ണി​ത്. നേ​ത്ര​രോ​ഗ​ങ്ങ​ൾ​ക്ക് ആ​ശ്വാ​സ​മേ​കു​മെ​ന്നും പ​റ​യ​പ്പെ​ടു​ന്നു. ന​ട്ട് മൂ​ന്ന് നാ​ല് വ​ർ​ഷ​ങ്ങ​ൾ​ക്കു ശേ​ഷം കാ​യ്ഫ​ലം ന​ൽ​കി​ത്തു​ട​ങ്ങും. ഇ​ന്തോ​നേ​ഷ്യ, താ​യ്​​ല​ൻ​ഡ്​​ എ​ന്നീ നാ​ടു​ക​ളി​ൽ വ്യാ​പ​ക​മാ​യി കൃ​ഷി ചെ​യ്യു​ന്നു​ണ്ട്. ഇ​പ്പോ​ൾ കേ​ര​ള​ത്തി​ലും കൃ​ഷി ചെ​യ്യു​ന്നു​ണ്ട്. സ്നേ​ക് ഫ്രൂ​ട്ട് എ​ന്ന പേ​രി​ലും അ​റി​യ​പ്പെ​ടു​ന്നു. മൂ​ർ​ഖ​ൻ പാ​മ്പി​െൻറ ത​ല​യു​ടെ ഭാ​ഗ​ത്തെ തൊ​ലി​യോ​ട് സാ​ദൃ​ശ്യ​മു​ള്ള​തി​നാ​ലാ​ണ്​ ഈ ​പേ​ര്​ വി​ളി​ക്കു​ന്ന​ത്. താ​ഴ്ന്ന പ്ര​ദേ​ശ​ങ്ങ​ളി​ലെ മ​ണ്ണി​ലും വ​യ​ലു​ക​ളി​ലു​മൊ​ക്ക കൃ​ഷി ന​ട​ത്താം. വെ​ള്ള​പ്പൊ​ക്ക​ത്തി​ൽ ര​ണ്ടും മൂ​ന്ന് ദി​വ​സം ചെ​ടി​ക​ൾ മൂ​ടി​യാ​ലും അ​തി​ജീ​വി​ക്കാ​ൻ സ​ലാ​ക്​ ചെ​ടി​ക​ൾ​ക്ക് ക​ഴി​യു​ന്നു​ണ്ട്.