ദാ​ൽ ത​ടാ​ക​ത്തി​ലെ പ​ച്ച​ക്ക​റി മാ​ർ​ക്ക​റ്റ്

ക​ശ്മീ​രി​ലെ ശ്രീ​ന​ഗ​റി​ലെ​ത്തി​യാ​ൽ ദാ​ൽ ത​ടാ​ക​ത്തി​ലൂ​ടെ​യു​ള്ള ശി​ക്കാ​ര യാ​ത്ര സ​ഞ്ചാ​രി​ക​ളു​ടെ ഇ​ഷ്​​ട വി​നോ​ദ​മാ​ണ്. ത​ടാ​ക​ത്തി​ന്‍റെ മ​റു​ക​ര​യി​ലു​ള്ള ഹൗ​സ്​​ബോ​ട്ടു​ക​ളി​ലേ​ക്കും ആ​ഡം​ബ​ര നൗ​ക​ക​ളി​ലേ​ക്കും ശി​ക്കാ​ര​ക​ളി​ലാ​ണ്​ സ​ഞ്ചാ​രി​ക​ളെ കൊ​ണ്ടു​പോ​വു​ക. ദാ​ൽ ത​ടാ​ക​ക്കാ​ഴ്ച​ക​ളി​ലെ ഏ​റ്റ​വും വി​സ്മ​യ​ക​ര​മാ​യ ഒ​ന്നാ​ണ്​ ​ഫ്ലോ​ട്ടി​ങ്​ മാ​ർ​ക്ക​റ്റ്. നേ​രം പു​ല​ർ​ന്നു​തു​ട​ങ്ങു​മ്പോ​ഴേ​ക്കും കൊ​തു​മ്പു​വ​ള്ള​ങ്ങ​ളി​ൽ ത​ടാ​ക​ത്തി​ന്‍റെ വി​വി​ധ ഊ​ടു​വ​ഴി​ക​ളി​ൽ​നി​ന്നാ​യി പ​ല​ത​രം പ​ച്ച​ക്ക​റി​ക​ളും പ​ഴ​ങ്ങ​ളും പൂ​ക്ക​ളു​മാ​യി ക​ച്ച​വ​ട​ക്കാ​ർ വ​ന്നു​നി​റ​യും. കൃ​ഷി​ക്കാ​രും മൊ​ത്ത​ക്ക​ച്ച​വ​ട​ക്കാ​രും ഇ​ട​നി​ല​ക്കാ​രും ലേ​ലം വി​ളി​ക്കാ​രും സാ​ധ​ന​ങ്ങ​ൾ വാ​ങ്ങാ​നെ​ത്തു​ന്ന​വ​രും എ​ല്ലാം പ​ല പ​ല തോ​ണി​യി​ൽ!

അ​തു​കാ​ണാ​നെ​ത്തു​ന്ന സ​ഞ്ചാ​രി​ക​ളു​ടെ ശി​ക്കാ​ര​ക​ൾ വേ​റെ. ഇ​ങ്ങ​നെ ന​മ്മു​ടെ നാ​ട്ടി​ലെ പു​ല​ർ​കാ​ല അ​ങ്ങാ​ടി​ച്ച​ന്ത​യു​ടെ ഓ​ള​വും ബ​ഹ​ള​വു​മെ​ല്ലാം ഒ​രു ത​ടാ​ക​ത്തി​ന്‍റെ ഓ​ള​പ്പ​ര​പ്പി​ലേ​ക്ക്​ പു​ന​ര​വ​ത​രി​പ്പി​ക്ക​പ്പെ​ടു​ന്ന രീ​തി. ന​മു​ക്ക്​ പ​രി​ച​യ​മു​ള്ള​തും അ​ല്ലാ​ത്ത​തു​മാ​യ എ​മ്പാ​ടും പ​ച്ച​ക്ക​റി​ക​ൾ. ത​ലേ​ദി​വ​സം വൈ​കീ​ട്ട്​ വി​ള​വെ​ടു​ത്ത പ​ച്ച​ക്ക​റി​ക​ളാ​ണ്​ അ​വ​യെ​ല്ലാം. ഒ​രു നൂ​റ്റാ​ണ്ടി​ല​ധി​ക​മാ​യി ഈ ​ച​ന്ത​യാ​ണ് ശ്രീ​ന​ഗ​ർ നി​വാ​സി​ക​ൾ​ക്ക് പ്ര​ധാ​ന​മാ​യും വേ​ണ്ട​താ​യ പ​ച്ച​ക്ക​റി​ക​ളു​ടെ സ്രോ​ത​സ്സെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു. സ​മീ​പ​ന​ഗ​ര​മാ​യ ശ്രീ​ന​ഗ​റി​ലെ മൊ​ത്ത​ക്ക​ച്ച​വ​ട​ക്കാ​ർ​ക്കാ​ണ് ഉ​ൽ​പ​ന്ന​ങ്ങ​ളു​ടെ ഭൂ​രി​ഭാ​ഗ​വും വി​ൽ​ക്കു​ന്ന​ത്. അ​വ​ർ രാ​വി​ലെ​യെ​ത്തും. റേ​ഷ​ൻ സാ​ധ​ന​ങ്ങ​ളാ​യ അ​രി, ഗോ​ത​മ്പ്, ത​ടാ​ക​ത്തി​ൽ ഉ​ൽ​പാ​ദി​പ്പി​ക്ക​പ്പെ​ടാ​ത്ത ഉ​രു​ള​ക്കി​ഴ​ങ്ങ് പോ​ലു​ള്ള പ​ച്ച​ക്ക​റി​ക​ള്‍ എ​ന്നി​വ​യു​മാ​യി സാ​ധ​ന​കൈ​മാ​റ്റം (barter) ന​ട​ത്തു​ന്ന​തി​നാ​യി ഉ​ൽ​പ​ന്ന​ങ്ങ​ളു​ടെ ചെ​റി​യൊ​രു ഭാ​ഗം ക​ർ​ഷ​ക​ർ ഉ​പ​യോ​ഗി​ക്കാ​റു​ണ്ട്.

ഈ ​കാ​ഴ്ച​ ആ​സ്വ​ദി​ക്കാ​ൻ മ​രം​കോ​ച്ചു​ന്ന ത​ണു​പ്പ​ത്ത്​ പു​ല​ർ​ച്ച നാ​ല​ര​ മ​ണി​ക്കെ​ങ്കി​ലും നേ​ര​ത്തേ ഏ​ർ​പ്പാ​ടാ​ക്കി​യ ശി​ക്കാ​ര​യി​ൽ പു​റ​പ്പെ​ട​ണം. ത​ടാ​ക​ത്തി​ന്‍റെ ഉ​ൾ​വ​ഴി​ക​ളി​ലൂ​​ടെ​യു​ള്ള പു​ല​ർ​കാ​ല സ​ഞ്ചാ​രം ഏ​റെ ആ​സ്വാ​ദ്യ​ക​ര​മാ​ണ്. ചി​ല​ഭാ​ഗ​ങ്ങ​ൾ കു​ട്ട​നാ​ട​ൻ ജ​ല​പാ​ത​ക​ൾ​ക്ക്​ സ​മാ​ന​മാ​ണ്. ഇ​ടു​ങ്ങി​യ ജ​ല​പാ​ത​ക​ളു​ടെ ഇ​രു​ക​ര​ക​ളി​ലും കൊ​ച്ചു​കൂ​ര​ക​ൾ കാ​ണാം. ചെ​റു​പ​ല​ച​ര​ക്ക്​ പീ​ടി​ക​ക​ളും ചി​ല​യി​ട​ങ്ങ​ളി​ൽ വി​നോ​ദ​സ​ഞ്ചാ​രി​ക​ളെ ല​ക്ഷ്യം​വെ​ച്ചു​ള്ള ക​ട​ക​ളു​മു​ണ്ട്. മി​ക്ക​വാ​റും വീ​ട്ടു​മു​റ്റ​ങ്ങ​ളി​ൽ കൃ​ഷി​യി​ട​ങ്ങ​ളു​ണ്ട്. കൃ​ഷി, മ​ത്സ്യ​ബ​ന്ധ​നം, കൈ​ത്തൊ​ഴി​ലു​ക​ൾ, ടൂ​റി​സം എ​ന്നി​വ​യാ​ണ്​ ത​ദ്ദേ​ശീ​യ ജ​ന​ത​യു​ടെ ഉ​പ​ജീ​വ​ന​മാ​ർ​ഗം. ഡി​സം​ബ​ർ മു​ത​ൽ ഫെ​ബ്രു​വ​രി​വ​രെ​യു​ള്ള അ​തി​ശൈ​ത്യ​കാ​ല​ത്ത്​ ത​ടാ​ക​വും പ​രി​സ​ര​വു​മെ​ല്ലാം ഐ​സ്​ പു​ത​ക്കു​ന്ന​തി​നാ​ൽ കൃ​ഷി സാ​ധ്യ​മ​ല്ല. ത​ടാ​ക​ക്ക​ര​യി​ൽ ജീ​വി​ക്കു​ന്ന മ​നു​ഷ്യ​രു​ടെ ഉ​പ​ജീ​വ​ന​വും പ്ര​തി​സ​ന്ധി​യി​ലാ​കു​ന്ന കാ​ല​മാ​ണ​ത്.