നിലമൊരുക്കി നെൽകർഷകർ കാത്തിരിക്കുന്നു, പ​ക്ഷെ വിത്ത്​ കിട്ടാനില്ല

ഉ​ദ​യ​നാ​പു​രം: നെ​ൽ​വി​ത്ത് ല​ഭി​ക്കാ​തെ ക​ർ​ഷ​ക​ർ. ഉ​ദ​യ​നാ​പു​രം പ​ഞ്ചാ​യ​ത്തി​ലെ മാ​നാ​പ്പ​ള്ളി, ക​ണ്ട​ങ്കേ​രി ബ്ലോ​ക്കു​ക​ളി​ലെ 325 ഏ​ക്ക​ർ നി​ല​ത്തി​ൽ നി​ല​മൊ​രു​ക്കി കാ​ത്തി​രി​ക്കു​ന്ന ക​ർ​ഷ​ക​ർ​ക്കാ​ണ് വി​ത്ത് ല​ഭി​ക്കാ​ത്ത​തി​നെ തു​ട​ർ​ന്ന് വി​ത വൈ​കു​ന്ന​ത്. വ​ൻ​തു​ക ചെ​ല​വ​ഴി​ച്ച് ഒ​രു​ക്കി​യ നി​ല​ത്തി​ൽ ആ​മ്പ​ലും പു​ല്ലും വ​ള​ർ​ന്ന് നി​റ​യു​ക​യാ​ണ്. കാ​ർ​ഷി​ക മേ​ഖ​ല​യു​ടെ വി​ക​സ​ന​ത്തി​ന്​ പ​ഞ്ചാ​യ​ത്ത് മ​തി​യാ​യ തു​ക നീ​ക്കി​വെ​ക്കാ​ത്ത​താ​ണ് പ്ര​തി​സ​ന്ധി​ക്ക്​ കാ​ര​ണ​മെ​ന്ന്​ ക​ർ​ഷ​ക​ർ ആ​രോ​പി​ച്ചു.

സ​മീ​പ പ​ഞ്ചാ​യ​ത്തു​ക​ളി​ൽ ഇ​തി​ന​കം വി​ത്തും വ​ള​വും കു​മ്മാ​യ​വും ന​ൽ​കി​ക്ക​ഴി​ഞ്ഞു. പാ​ട​ശേ​ഖ​ര​ങ്ങ​ളി​ലേ​ക്ക്​ വെ​ള്ള​മെ​ത്തി​ക്കു​ന്ന നാ​ട്ടു​തോ​ടു​ക​ൾ മി​ക്ക​തും മാ​ലി​ന്യം നി​റ​ഞ്ഞ് നീ​രൊ​ഴു​ക്ക്​ നി​ല​ച്ച സ്ഥി​തി​യി​ലാ​ണ്. പാ​ട​ത്തു​നി​ന്ന്​ വെ​ള്ളം പ​മ്പു​ചെ​യ്ത് പു​റ​ന്ത​ള്ളാ​ൻ ശ്ര​മം ന​ട​ക്കു​ന്നു​ണ്ടെ​ങ്കി​ലും തോ​ടു​ക​ളി​ലെ നീ​രൊ​ഴു​ക്ക്​ ശ​ക്ത​മ​ല്ലാ​ത്ത​തി​നാ​ൽ വെ​ള്ളം സു​ഗ​മ​മാ​യി ഒ​ഴു​കി​പ്പോ​കു​ന്നി​ല്ല.

കാ​ർ​ഷി​ക മേ​ഖ​ല​യി​ലെ പ്ര​തി​സ​ന്ധി പ​രി​ഹ​രി​ക്കാ​ൻ നെ​ൽ​വി​ത്ത് ഉ​ട​ൻ ല​ഭ്യ​മാ​ക്കാ​നും തോ​ടു​ക​ളി​ലെ മാ​ലി​ന്യം നീ​ക്കി നീ​രൊ​ഴു​ക്ക്​ ശ​ക്ത​മാ​ക്കാ​നും ന​ട​പ​ടി സ്വീ​ക​രി​ക്കു​മെ​ന്ന് ഉ​ദ​യ​നാ​പു​രം പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​കെ. ആ​ന​ന്ദ​വ​ല്ലി പ​റ​ഞ്ഞു. 11.5 ക്വി​ന്‍റ​ൽ നെ​ൽ​വി​ത്താ​ണ് ക​ർ​ഷ​ക​ർ​ക്ക് വി​ത​ര​ണം ചെ​യ്യേ​ണ്ട​ത്. നെ​ൽ​വി​ത്ത് ല​ഭ്യ​മാ​ക്കാ​നു​ള്ള ന​ട​പ​ടി​ക​ൾ ത്വ​രി​ത​ഗ​തി​യി​ൽ ന​ട​ന്നു​വ​രു​ക​യാ​ണ്.