തിരുവനന്തപുരം: മലയോരമേഖലയിൽ കർഷകർ ദുരിതത്തിൽ

കാ​ട്ടാ​ക്ക​ട: ശ​നി​യാ​ഴ്ച രാ​ത്രി മു​ത​ൽ തു​ട​ങ്ങി​യ ക​ന​ത്ത മ​ഴ​യി​ൽ മ​ല​യോ​ര​ഗ്രാ​മ​ങ്ങ​ളി​ലും വ​ന​മേ​ഖ​ല​യി​ലും വ​ൻ ദു​രി​തം. അ​രു​വി​ക​ളും നീ​ര്‍ചാ​ലു​ക​ളും തോ​ടു​ക​ളും നി​റ​ഞ്ഞൊ​ഴു​കു​ക​യാ​ണ്. വെ​ള്ളം ക​യ​റി ഏ​ക്ക​ര്‍ ക​ണ​ക്കി​ന് കൃ​ഷി​യി​ട​ങ്ങ​ളി​ല്‍ വ്യാ​പ​ക നാ​ശ​മു​ണ്ടാ​യി. വാ​ഴ, മ​ര​ച്ചീ​നി, ഇ​ഞ്ചി, വി​വി​ധ​യി​നം പ​ച്ച​ക്ക​റി​കൃ​ഷി​ക​ൾ എ​ന്നി​വ വെ​ള്ള​ത്തി​ന​ടി​യി​ലാ​യി. പ​ല സ്ഥ​ല​ങ്ങ​ളി​ലും വീ​ടു​ക​ൾ​ക്കും ചെ​റി​യ​തോ​തി​ൽ നാ​ശ​ന​ഷ്ട​മു​ണ്ടാ​യി. നെ​യ്യാ​ർ​ഡാ​മി​ൽ ജ​ല​നി​ര​പ്പ് ഉ​യ​ർ​ന്നു. നാ​ല് ഷ​ട്ട​റു​ക​ളും 70 സെ​ന്‍റി​മീ​റ്റ​ര്‍ വീ​തം ഉ​യ​ർ​ത്തി.

കു​റ്റി​ച്ച​ൽ, നി​ല​മ, കാ​രി​യോ​ട്, പ​രു​ത്തി​പ്പ​ള്ളി, പേ​ഴും​മൂ​ട്, ഉ​ത്ത​രം​കോ​ട്, കോ​ട്ടൂ​ർ, വാ​ഴ​പ്പ​ള്ളി തു​ട​ങ്ങി​യ പ്ര​ദേ​ശ​ങ്ങ​ളി​ലും തോ​ടു​ക​ൾ ക​ര​ക​വി​ഞ്ഞ് താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​യി. മ​ല​യോ​ര​മേ​ഖ​ല​ക​ളി​ലെ മി​ക്ക പ്ര​ദേ​ശ​ത്തെ വീ​ടു​ക​ളി​ലെ കി​ണ​റു​ക​ളും നി​റ​ഞ്ഞു.

കോ​ട്ടൂ​ർ അ​ഗ​സ്ത്യ​വ​ന​പ്ര​ദേ​ശ​ത്ത് നീ​ർ​ച്ചാ​ലു​ക​ളി​ൽ ഉ​ൾ​പ്പെ​ടെ ശ​ക്ത​മാ​യ നീ​രൊ​ഴു​ക്കാ​യ​തോ​ടെ വ​ന​പ്ര​ദേ​ശം ഒ​റ്റ​പ്പെ​ട്ടു. വ​ന​ത്തി​നു​ള്ളി​ലെ റോ​ഡു​ക​ളി​ലെ​ല്ലാം വെ​ള്ളം നി​റ​ഞ്ഞ് തി​രി​ച്ച​റി​യാ​നാ​വാ​ത്ത സ്ഥി​തി​യാ​ണ്.  

കിളിമാനൂരിൽ കനത്തനാശനഷ്ടം

കി​ളി​മാ​നൂ​ർ: ക​ഴി​ഞ്ഞ ര​ണ്ടു ദി​വ​സ​മാ​യി പെ​യ്യു​ന്ന മ​ഴ​യി​ൽ കി​ളി​മാ​നൂ​ർ മേ​ഖ​ല​യി​ൽ ക​ന​ത്ത നാ​ശ​ന​ഷ്ടം. വാ​മ​ന​പു​രം ന​ദി ഉ​ൾ​പ്പെ​ടെ പ്ര​ദേ​ശ​ത്തെ ന​ദി​ക​ളും തോ​ടു​ക​ളു​മെ​ല്ലാം നി​റ​ഞ്ഞു​ക​വി​ഞ്ഞു. പാ​ട​ങ്ങ​ൾ വെ​ള്ള​ത്തി​ന​ടി​യി​ലാ​ണ്. കാ​രേ​റ്റ് ക്രി​സ്ത്യ​ൻ പ​ള്ളി​ക്ക് സ​മീ​പ​ത്തെ വീ​ടി​ന്റെ താ​ഴ​ത്തെ​നി​ല പൂ​ർ​ണ​മാ​യി വെ​ള്ള​ത്തി​ന​ടി​യി​ലാ​യി. പ​ഴ​യ​കു​ന്നു​മ്മ​ൽ പ​ഞ്ചാ​യ​ത്തി​ലെ കാ​നാ​റ സ​മ​ത്വ​തീ​രം ശ്മ​ശാ​നം റോ​ഡി​ലേ​ക്ക് മ​ണ്ണി​ടി​ഞ്ഞു​വീ​ണു.

രാ​വി​ലെ 10 ഓ​ടെ ശ്മ​ശാ​ന​ത്തി​ൽ മൃ​ത​ദേ​ഹം സം​സ്ക​രി​ക്കാ​നെ​ത്തി​യ​വ​ർ​ക്ക് സ്ഥ​ല​ത്തെ​ത്താ​നാ​വാ​തെ മ​ണി​ക്കൂ​റു​ക​ളോ​ളം​കാ​ത്തു നി​ൽ​ക്കേ​ണ്ടി വ​ന്നു. പ​ഴ​യ​കു​ന്നു​മ്മ​ൽ അ​ട​യ​മ​ൺ വ​ട​ശ്ശേ​രി​കോ​ണ​ത്ത് റോ​ഡി​ലേ​ക്ക് മ​ണ്ണി​ടി​ഞ്ഞു​വീ​ണു. അ​ട​യ​മ​ൺ, പു​ല്ല​യി​ൽ, ന​ഗ​രൂ​ർ, വെ​ള്ള​ല്ലൂ​ർ, കീ​ഴ്പേ​രൂ​ർ, ഈ​ഞ്ച​മൂ​ല പാ​ട​ശേ​ഖ​ര​ങ്ങ​ൾ വെ​ള്ള​ത്തി​ന​ടി​യി​ലാ​യി.