ന്യൂഡൽഹി: പി.എൻ.ബി ബാങ്കിെൻറ ജാമ്യം ഉപയോഗിച്ച് നീരവ് മോദി 11,000 കോടി വായ്പ തട്ടിപ്പ് നടത്തിയെന്ന വാർത്ത വന്നിട്ട് അധിക ദിവസമായിട്ടില്ല. ഇപ്പോൾ രാജ്യത്തെ പൊതുമേഖല ബാങ്കുകളിൽ നിന്ന് മറ്റൊരു തട്ടിപ്പ് വാർത്ത കൂടി പുറത്താവുകയാണ്. ഇന്ത്യയിലെ പ്രമുഖ വ്യവസായി വിക്രം കോത്താരിക്ക് 800 കോടി രൂപയുടെ അനധികൃത വായ്പ രാജ്യത്തെ പൊതുമേഖല ബാങ്കുകൾ അനുവദിച്ചുവെന്നാണ് റിപ്പോർട്ട്. ന്യൂസ് 18 ചാനലാണ് ഇതുസംബന്ധിച്ച വാർത്ത പുറത്ത് വിട്ടത്.
അലഹബാദ് ബാങ്ക്, ബാങ്ക് ഒാഫ് ഇന്ത്യ, ബാങ്ക് ഒാഫ് ബറോഡ, ഇന്ത്യൻ ഒാവർസീസ് ബാങ്ക്, യുണിയൻ ബാങ്ക് എന്നിവയാണ് കോത്താരിക്ക് അനധികൃതമായി വായ്പ അനുവദിച്ചത്. യുണിയൻ ബാങ്കിൽ നിന്ന് 485 കോടിയും അലഹബാദ് ബാങ്കിൽ നിന്ന് 352 കോടിയുമാണ് അദ്ദേഹം വായ്പയെടുത്തത്. ഇതിെൻറ പലിശ പോലും തിരിച്ചടക്കാൻ തയാറായിട്ടില്ല.
കഴിഞ്ഞ കുറേ ദിവസങ്ങളായി കാൺപൂരിലെ കോത്താരിയുടെ ഒാഫീസ് അടഞ്ഞ് കിടക്കുകയാണ്. അതേ സമയം, കോത്താരിയുടെ സ്വത്തുക്കൾ വിറ്റ് വായ്പ തുക തിരിച്ചുപിടിക്കുമെന്നാണ് ബാങ്കുകളുടെ നിലപാട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.