ഓഹരി വിപണിയുടെ തകർച്ചക്ക്​ പിന്നിലെന്ത്​ ?

മുംബൈ: ഇന്ത്യൻ ഓഹരി സൂചികകൾ വൻ തകർച്ചയെയാണ്​ ചൊവ്വാഴ്​ച​ അഭിമുഖീകരിച്ചത്​. ബോംബെ സൂചിക സെൻസെക്​സ്​ 642.22 പോയ ിൻറിൻെറ നഷ്​ടത്തോടെ 36,481.09ലാണ്​ വ്യാപാരം അവസാനിപ്പിച്ചത്​. ദേശീയ സൂചിക നിഫ്​റ്റി 185 പോയിൻറ്​ നഷ്​ടത്തോടെ 10,817.60ല ും ക്ലോസ്​ ചെയ്​തു. വിൽപന സമ്മർദ്ദമാണ്​ ഇന്ന്​ ഓഹരി വിപണിയെ പ്രതികൂലമായി ബാധിച്ചത്​. നിഫ്​റ്റിയിൽ ബാങ്ക്​, ഓ​ ട്ടോ, ഫിനാൻഷ്യൽ സർവീസ്​, ഐ.ടി, മെറ്റൽ, ഫാർമ, റിയാലിറ്റി തുടങ്ങിയ സെക്​ടറുകളിലെല്ലാം വിൽപന സമ്മർദ്ദമുണ്ടായിരുന ്നു. സ്​മാൾ ക്യാപ്പ്​, മിഡ്​ ക്യാപ്പ്​ ഓഹരികളാണ്​ തകർച്ച നേരിട്ടത്​.

ഇന്ത്യൻ ഓഹരി വിപണിയുടെ തകർച്ചയിലേക് ക്​ നയിച്ച പ്രധാന കാരണങ്ങൾ ഇവയാണ്​.

അരാംകോ ആ​ക്രമണം
സെപ്​തംബർ 14ന്​ സൗദി അറേബ്യയുടെ എണ്ണ കമ്പനിയായ അരാംകോയുടെ പ്ലാൻറുകളിൽ നടന്ന ആക്രമണം ആഗോള സാമ്പത്തിക വ്യവസ്ഥയെ തന്നെ സ്വാധീനിച്ചിരുന്നു. ഇതുമൂലം ആഗോള എണ്ണ ഉൽപാദനത്തിൽ 5 ശതമാനത്തിൻെറ കുറവുണ്ടായി. സൗദിയുടെ ഉൽപാദനത്തിൽ 50 ശതമാനത്തിൻെറ കുറവാണ്​ ഉണ്ടായത്​. ആക്രമണത്തിന്​ പിന്നിൽ ഇറാനെന്നായിരുന്നു യു.എസ്​ ആരോപണം. തുടർന്ന്​ മേഖലയിൽ ഇത്​ യുദ്ധത്തി​േൻറതായ സാഹചര്യം സൃഷ്​ടിച്ചു. ഇന്ത്യ പ്രധാനമായും എണ്ണ വാങ്ങുന്നത്​ സൗദി അറേബ്യയിൽ നിന്നാണ്​. അവിടെ നിന്നുള്ള എണ്ണ വരവ്​ കുറത്തതോടെ ഇത്​ വിപണിയെ സ്വാധീനിക്കുകയായിരുന്നു.

എണ്ണവില വർധനവ്​
അരാംകോ ആക്രമണം മൂലം ക്രൂഡോയിൽ വില ഏകദേശം 20 ശതമാനം വർധിച്ചു. ബാരലിന്​ 72 ഡോളറാണ്​ ക്രൂഡോയിലിൻെറ തിങ്കളാഴ്​ചത്തെ വില. ബ്ര​െൻറ്​ ക്രൂഡോയിലിന്​ 69 ഡോളറും വിലയുണ്ട്​. വില ഉയർന്നതോടെ പെട്രോളിയം ഉൽപന്നങ്ങൾ ആവശ്യമുള്ള പല വ്യവസായങ്ങളും കടുത്ത പ്രതിസന്ധിയേയാണ്​ അഭിമുഖീകരിക്കുന്നത്​. വരും ദിവസങ്ങളിലും വില ഉയരാനുള്ള സാധ്യതകളാണ്​ നില നിൽക്കുന്നത്​. ഇത്​ നിക്ഷേപകരെ സ്വാധീനിക്കുകയായിരുന്നു.

രൂപയുടെ തകർച്ച

തകർച്ചയോടെയാണ്​ ഈയാഴ്​ച രൂപ വ്യാപാരം തുടങ്ങിയത്​. രണ്ട്​ ദിവസങ്ങളിലെ വ്യാപാരത്തിനിടെ ഡോളറിനെതിരെ രൂപയുടെ മൂല്യം 96 പൈസ കുറഞ്ഞിരുന്നു. ഡോളറിനെതിരെ രൂപയുടെ വിനിമയ മൂല്യം 72ലേക്ക്​ എത്തുകയും ചെയ്​തിരുന്നു.

ഫെഡറൽ റിസർവ്​ യോഗം
യു.എസ്​ കേന്ദ്രബാങ്കായ ഫെഡറൽ റിസർവിൻെറ ​​ഫെഡറൽ ഓപ്പൺ മാർക്കറ്റ്​ കമ്മിറ്റി യോഗം സെപ്​തംബർ 17ന്​ നടക്കുന്നുണ്ട്​. സെപ്​തംബർ 18ന്​ കേന്ദ്രബാങ്ക്​ പലിശനിരക്കുകൾ പ്രഖ്യാപിക്കാനിരിക്കെയാണ്​ യോഗം. യു.എസ്​ കേന്ദ്രബാങ്ക്​ പലിശ നിരക്കുകളിൽ 25 ബേസിക്​ പോയിൻറിൻെറ കുറവ്​ വരുത്തുമെന്നാണ്​ പ്രതീക്ഷിക്കുന്നത്​.