ന്യൂഡൽഹി: രാജ്യത്തെ ജി.ഡി.പി വളർച്ചാ നിരക്ക് കുറയുമെന്ന് ആർ.ബി.ഐ. 2020 സാമ്പത്തിക വർഷത്തിൽ 6.1ശതമാനമായിരിക്കും ജി.ഡി.പി വളർച്ചാ നിരക്കെന്നാണ് ആർ.ബി.ഐ പ്രവചനം. നേരത്തെ 6.9 ശതമാനം നിരക്കിൽ സമ്പദ്വ്യവസ്ഥയിൽ കുതിപ്പുണ്ടാവുമെന്നായിരുന്നു ആർ.ബി.ഐ കണക്കാക്കിയിരുന്നത്. എന്നാൽ, സാമ്പത്തിക വർഷത്തിൻെറ ഒന്നാം പാദത്തിൽ വളർച്ചാ നിരക്ക് കുറഞ്ഞതോടെയാണ് ആർ.ബി.ഐ ജി.ഡി.പിയിൽ കുറവ് വരുത്തിയത്.
വരുന്ന മാസങ്ങളിൽ പണപ്പെരുപ്പം ഉയരുമെന്നും ആർ.ബി.ഐ പ്രവചിക്കുന്നു. കാർഷികോൽപാദനം ഉയരുമെന്ന് പറയുന്ന ആർ.ബി.ഐയുടെ വായ്പ അവലോകന സമിതി വ്യവസായിക ഉൽപാദനത്തിൽ ഇടിവുണ്ടായെന്നും വ്യക്തമാക്കുന്നു. ആഗോള സമ്പദ്വ്യവസ്ഥയിലെ തളർച്ചയും എണ്ണവിലയിലെ അനിശ്ചിതത്വങ്ങളും നിരക്ക് നിശ്ചയിക്കാൻ ആർ.ബി.ഐ പരിഗണിച്ചിട്ടുണ്ട്.
രാജ്യത്ത് സാമ്പത്തിക പ്രതിസന്ധി മാറ്റമില്ലാതെ തുടരുന്നുവെന്ന് വ്യക്തമാക്കുന്നതാണ് ആർ.ബി.ഐയുടെ പുതിയ വായ്പനയം. കഴിഞ്ഞ വായ്പ അവലോകന യോഗങ്ങൾക്ക് ശേഷവും ആർ.ബി.ഐ പലിശ നിരക്കുകൾ കുറച്ചിരുന്നു. എന്നാൽ, ഇതുകൊണ്ട് പ്രതിസന്ധി മറികടക്കാൻ സാധിച്ചിട്ടില്ലെന്നതാണ് വീണ്ടുമുള്ള നിരക്ക് കുറക്കലുകൾ വ്യക്തമാക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.