സഹകരണ സർവിസ് പരീക്ഷാബോർഡ് തിരുവനന്തപുരം സംസ്ഥാനത്തെ സഹകരണസംഘം/ബാങ്കുകളിൽ വിവിധ തസ്തികകളിലേക്ക് നിയമനത്തിന് അപേക്ഷകൾ ക്ഷണിച്ചു. നേരിട്ടുള്ള നിയമനം. പരീക്ഷാ ബോർഡ് നടത്തുന്ന ഒ.എം.ആർ പരീക്ഷയുടെയും ബന്ധപ്പെട്ട സഹകരണ സ്ഥാപനങ്ങൾ നടത്തുന്ന അഭിമുഖത്തിന്റെയും അടിസ്ഥാനത്തിൽ പരീക്ഷാബോർഡ് തയാറാക്കുന്ന റാങ്ക്‍ലിസ്റ്റിൽനിന്നാണ് നിയമനം നൽകുക. തസ്തികകൾ ചുവടെ:
ജൂനിയർ ക്ലർക്ക് (കാറ്റഗറി നമ്പർ 3/2024), ഒഴിവുകൾ 190. ശമ്പളനിരക്ക് 17360-44650 രൂപ. ചില സഹകരണ ബാങ്കുകളിൽ ശമ്പളനിരക്കിൽ വ്യത്യാസമുണ്ട്. യോഗ്യത: എസ്.എസ്.എൽ.സിയും ജൂനിയർ സഹകരണ ഡിപ്ലോമയും അല്ലെങ്കിൽ ബി.കോം (സഹകരണം)/ബിരുദവും സഹകരണ ഹയർ ഡിപ്ലോമയും (എച്ച്.ഡി.സി/എച്ച്.ഡി.സി ആൻഡ് ബി.എം) അല്ലെങ്കിൽ ബി.എസ് സി (സഹകരണം ആൻഡ് ബാങ്കിങ്). പ്രായപരിധി 1.1.2024ൽ 18-40. നിയമാനുസൃത വയസ്സിളവുണ്ട്.
ഡേറ്റ എൻട്രി ഓപറേറ്റർ (കാറ്റഗറി നമ്പർ 5/2024), ഒഴിവുകൾ 4, ശമ്പളനിരക്ക് 16890-43660 രൂപ/18300-46830 രൂപ. യോഗ്യത: ബിരുദവും അംഗീകൃത ഡേറ്റ എൻട്രി കോഴ്സ് പാസായ സർട്ടിഫിക്കറ്റും ഒരുവർഷത്തെ പ്രവൃത്തി പരിചയവും. പ്രായം18-40.
അസിസ്റ്റന്റ് സെക്രട്ടറി/ചീഫ് അക്കൗണ്ടന്റ് (കാറ്റഗറി നമ്പർ 2/2024) ഒഴിവുകൾ 7. ശമ്പളനിരക്ക് 28000-66470 രൂപ (നിരക്കിൽ വ്യത്യാസമുണ്ടാവാം). യോഗ്യത: 50 ശതമാനം മാർക്കിൽ കുറയാതെ ബിരുദവും സഹകരണ ഹയർ ഡിപ്ലോമയും അല്ലെങ്കിൽ ബി.കോം (സഹകരണം). പ്രായം18-40.
സെക്രട്ടറി (കാറ്റഗറി നമ്പർ 1/2024), ഒഴിവുകൾ 2, ശമ്പളനിരക്ക് 29,500-69,250 രൂപ/23,310-57,340 രൂപ. യോഗ്യത: ബിരുദവും എച്ച്.ഡി.സി ആൻഡ് ബി.എമ്മും അക്കൗണ്ടന്റായി ഏഴുവർഷത്തെ പ്രവൃത്തി പരിചയവും അല്ലെങ്കിൽ ബി.എസ് സി (സഹകരണം & ബാങ്കിങ്) ബിരുദവും 5 വർഷത്തെ പ്രവൃത്തി പരിചയവും അല്ലെങ്കിൽ ബി.കോം (സഹകരണം), 7 വർഷത്തെ പരിചയവും അല്ലെങ്കിൽ എം.ബി.എ/എം.കോം/(ഫിനാൻസ്)/സി.എ യോഗ്യതയും 3 വർഷത്തെ പ്രവൃത്തി പരിചയവും. പ്രായം18-40..
സിസ്റ്റം അഡ്മിനിസ്ട്രേറ്റർ (കാറ്റഗറി നമ്പർ 4/2024), ഒഴിവുകൾ 4, ശമ്പളനിരക്ക് 24,730-68,810 രൂപ. (നിരക്കിൽ വ്യത്യാസമുണ്ടായിരിക്കും). യോഗ്യത: ഫസ്റ്റ്ക്ലാസ് ബി.ടെക് (കമ്പ്യൂട്ടർ സയൻസ്/ഐ.ടി/ഇ.സി/എം.സി.എ/എം.എസ് സി (കമ്പ്യൂട്ടർ സയൻസ്/ഐ.ടി); 3 വർഷത്തെ പ്രവൃത്തി പരിചയം വേണം. പ്രായം18-40.
എസ്.സി/എസ്.ടി/ഭിന്നശേഷിക്കാർ മുതലായ വിഭാഗങ്ങളിൽപെടുന്നവർക്ക് നിയമാനുസൃത വയസ്സിളവുണ്ട്. വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.cseb.kerala.gov.inൽനിന്ന് ഡൗൺലോഡ് ചെയ്യാം. അപേക്ഷാഫീസ് ഒരു സംഘം/ബാങ്കിന് 150 രൂപയും തുടർന്നുള്ള ഓരോന്നിനും 50 രൂപ വീതവും. എസ്.സി/എസ്.ടി വിഭാഗത്തിന് യഥാക്രമം 50 + 50 രൂപ വീതവുമാണ്. ഓൺലൈനായി ജൂലൈ രണ്ടുവരെ അപേക്ഷ സമർപ്പിക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.