ന്യൂഡൽഹി: ജൂൺ 18ന് നടക്കുന്ന സിവിൽ സർവിസസ് പ്രിലിമിനറി പരീക്ഷയുടെ ഹാൾടിക്കറ്റ് www.upsconline.nic.in എന്ന വെബ്സൈറ്റിൽനിന്ന് ഡൗൺലോഡ് ചെയ്യാം. അവസാനദിവസത്തെ തിരക്ക് ഒഴിവാക്കാൻ അപേക്ഷകരെല്ലാവരും ഉടൻതന്നെ ഹാൾടിക്കറ്റ് ഡൗൺലോഡ് ചെയ്യണമെന്ന് യു.പി.എസ്.സി അറിയിച്ചു. യു.പി.എസ്.സി ഹാൾടിക്കറ്റ് തപാലിൽ അയക്കുന്നതല്ല. ഒാൺലൈൻ ഹാൾടിക്കറ്റ് പരിശോധിച്ചശേഷം തകരാറുകളുണ്ടെങ്കിൽ അറിയിക്കേണ്ടതാണെന്നും യു.പി.എസ്.സി അറിയിച്ചു. വിലപിടിപ്പുള്ള സാധനങ്ങളൊന്നും പരീക്ഷാഹാളിൽ കൊണ്ടുവരരുത്. സെല്ലുലാർ/മൊബൈൽ േഫാൺ, ലാപ്ടോപ്, ബ്ലൂടൂത് ഉപകരണങ്ങൾ, കാൽക്കുലേറ്റർ തുടങ്ങിയ ഇലക്ട്രോണിക് ഉപകരണങ്ങൾ കൈവശം വെക്കുന്നത് വിലക്കിയിട്ടുണ്ട്. നിർദേശങ്ങൾ തെറ്റിക്കുന്നവർ വരുംകാല പരീക്ഷകളിൽ വിലക്കുൾപ്പെടെ നടപടികൾ നേരിടേണ്ടിവരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.