ന്യൂഡൽഹി: പത്ത്, 12 ക്ലാസുകളിലെ ബോർഡ് പരീക്ഷകളിൽ ഡിവിഷനോ ഡിസ്റ്റിങ്ഷനോ നൽകില്ലെന്ന് സി.ബി.എസ്.ഇ അറിയിച്ചു. അനാരോഗ്യകരമായ മത്സരം ഒഴിവാക്കുന്നതിനാണ് തീരുമാനം. ഒരു വിദ്യാർഥി അഞ്ചിൽ കൂടുതൽ വിഷയങ്ങൾ എഴുതിയിട്ടുണ്ടെങ്കിൽ മികച്ച അഞ്ച് വിഷയങ്ങൾ നിശ്ചയിക്കുന്നതിനുള്ള തീരുമാനം ഉന്നത പഠനത്തിന് പ്രവേശനം നൽകുന്ന സ്ഥാപനത്തിനോ തൊഴിലുടമക്കോ എടുക്കാവുന്നതാണെന്ന് സി.ബി.എസ്.ഇ പരീക്ഷാ കൺട്രോളർ സന്യം ഭരദ്വാജ് പറഞ്ഞു.
മാർക്കുകളുടെ ശതമാനം സി.ബി.എസ്.ഇ കണക്കുകൂട്ടുകയോ പ്രഖ്യാപിക്കുകയോ ചെയ്യാറില്ലെന്നും അദ്ദേഹം കൂട്ടിച്ചേർത്തു. ഉന്നതപഠനത്തിനോ തൊഴിലിനോ മാർക്ക് ശതമാനം ആവശ്യമായി വന്നാൽ സ്ഥാപനത്തിനോ തൊഴിലുടമക്കോ ശതമാനം കണക്കുകൂട്ടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.