കോഴിക്കോട്: മെഡിക്കൽ പ്രവേശന പരീക്ഷയായ നീറ്റിന് തയാറെടുക്കുന്ന വിദ്യാർഥികൾക്കായി ഒരുക്കുന്ന മാതൃക പരീക്ഷ ഈ മാസം 25ന് നടക്കും. ഈ വർഷം മുതൽ തുടങ്ങുന്ന നീറ്റിന്‍റെ പുതിയ രൂപത്തിലുള്ള പരീക്ഷയുടെ മാതൃകയായിരിക്കും നീറ്റ്പാഡ് ഒരുക്കുന്നത്. 'മാധ്യമ'വും പ്രമുഖ എൻട്രൻസ് പരിശീലന സ്ഥാപനമായ 'റെയ്സും' ചേർന്നാണ് നീറ്റ്പാഡ് എന്ന പേരിൽ മോക് എൻട്രൻസ് നടത്തുന്നത്.
നീറ്റിനായുള്ള പാഠങ്ങളും തയാറെടുപ്പുകളും സ്വയം അളക്കാനുള്ള അവസരം കൂടിയാണ് നീറ്റ്പാഡിലൂടെ ലഭിക്കുന്നതെന്ന് റെയ്സ് ഡയറക്ടർമാരായ മുഹമ്മദ് നസീർ, എൻ. രാജേഷ്, യു. ദിലീപ്, കെ.എം അഫ്സൽ എന്നിവർ പറഞ്ഞു. ഓൺലൈനായാണ് മോക് ടെസ്റ്റ് നടത്തുന്നത്.
റെയ്സിന്‍റെ ഓൺലൈൻ പ്ലാറ്റ്ഫോമിലൂടെ ഈ മാസം 25ന് രണ്ട് മുതൽ അഞ്ച് മണി വരെയാണ് 'നീറ്റ്പാഡ്' നടത്തുന്നത്. ഓരോ ചോദ്യത്തിനും ഉത്തരങ്ങൾ ബബ്ൾ ചെയ്യാം. പരീക്ഷക്ക് ശേഷം മൂല്യനിർണയം നടത്തി ഫലം വിദ്യാർഥികളെ അറിയിക്കും. 200 രൂപയാണ് രജിസ്ട്രേഷൻ ഫീസ്. https://exams.raysonlineportal.in/ എന്ന ലിങ്കിലാണ് രജിസ്റ്റർ ചെയ്യേണ്ടത്. കൂടുതൽ വിവരങ്ങൾക്ക് 9778416881
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.