കുവൈത്ത് സിറ്റി: കുവൈത്തിലേക്ക് കടൽമാർഗം കടത്താന്‍ ശ്രമിച്ച വന്‍ തോതിലുള്ള മയക്കുമരുന്ന് ശേഖരം അധികൃതര്‍ പിടികൂടി. കള്ളക്കടത്ത് ശ്രമത്തെക്കുറിച്ച് രഹസ്യ വിവരം ലഭിച്ചതിനെത്തുടർന്ന് കോസ്റ്റ് ഗാർഡിന്റെ സഹായത്തോടെ ബോട്ട് തടഞ്ഞാണ് മയക്കുമരുന്ന് പിടികൂടിയത്.
ലക്ഷക്കണക്കിന് കാപ്റ്റഗണ്‍ ഗുളികകള്‍ ഉള്‍പ്പടെ വന്‍തോതില്‍ മയക്കുമരുന്ന് ശേഖരം കടത്താനുള്ള ശ്രമമാണ്, ഡ്രഗ് കൺട്രോൾ ടീം, കോസ്റ്റ് ഗാർഡ്, കസ്റ്റംസ് അധികൃതർ ചേര്‍ന്ന് പരാജയപ്പെടുത്തിയത്. ബോട്ടിൽ നടത്തിയ തിരച്ചിൽ 400 കിലോ ഹഷീഷ്, ഒരു ദശലക്ഷം ക്യാപ്റ്റഗൺ ഗുളികകൾ, അരക്കിലോ ഷാബു മയക്കുമരുന്ന് എന്നിവ കണ്ടെത്തി.
പിടികൂടിയ ഇറാനികളെ തുടര്‍ നടപടികള്‍ക്കായി ബന്ധപ്പെട്ട അധികാരികള്‍ക്ക് കൈമാറി. ലഹരിവസ്തുക്കളുടെ വില്‍പനയും കടത്തും തടയാൻ കുവൈത്ത് ശക്തമായ നടപടികളാണ് സ്വീകരിച്ചുവരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.