നിഖില്‍ രാജു
പെരുമ്പാവൂര്‍: സ്‌കൂട്ടര്‍ യാത്രക്കാരിയായ യുവതിയെ ആക്രമിച്ച കേസില്‍ പ്രതി പിടിയിലായി. വെങ്ങോല വില്ലേജ് ഓഫിസിനുസമീപം ബ്ലായില്‍ വീട്ടില്‍ തമ്പിയെന്ന നിഖില്‍ രാജുവിനെയാണ് (31) അറസ്റ്റ് ചെയ്തത്. കഴിഞ്ഞ ദിവസം പൂനൂര്‍ ഭാഗത്ത് വെങ്ങോല സ്വദേശിനിയുടെ സ്‌കൂട്ടറില്‍ നിഖില്‍ രാജുവി‍െൻറ സ്‌കൂട്ടര്‍ ഇടിപ്പിച്ച് വീഴ്ത്തുകയായിരുന്നു. തുടര്‍ന്ന് ഇയാള്‍ കൈവശം കരുതിയിരുന്ന കമ്പികൊണ്ട് കുത്താന്‍ ശ്രമിക്കുകയും ചെയ്തു. യുവതി തടഞ്ഞതുകൊണ്ട് കുത്തേല്‍ക്കാതെ രക്ഷപ്പെട്ടു. സംഭവത്തില്‍ പരിക്കേറ്റ യുവതി ആശുപത്രിയില്‍ ചികിത്സയിലാണ്. മുമ്പും പരാതിക്കാരിയെ ആക്രമിച്ചതിനും പ്രതിക്കെതിരെ കേസുകളുണ്ട്.
പെരുമ്പാവൂര്‍ ഇന്‍സ്‌പെക്ടര്‍ ആര്‍. രഞ്ജിത്, എസ്.ഐമാരായ റിന്‍സ് എം. തോമസ്, ജോസി എം. ജോണ്‍സണ്‍, എ.എസ്.ഐ എന്‍.കെ. ബിജു, എസ്.സി.പി.ഒ പി.എ. ഷിബു എന്നിവരാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.