ജിഷ്ണു, അഫ്സൽ
കൽപറ്റ: വ്യത്യസ്ത കേസുകളിൽ എം.ഡി.എം.എയുമായി യുവാക്കൾ പിടിയിൽ. എം.ഡി.എം.എയുമായി പടിഞ്ഞാറത്തറ, വാരാമ്പറ്റ, പുളിക്കൽ വീട്ടിൽ പി.എം. ജിഷ്ണുവിനെ (23) വൈത്തിരി പൊലീസ് അറസ്റ്റ് ചെയ്തു. കഴിഞ്ഞദിവസം രാത്രി 12 മണിയോടെയാണ് പഴയ വൈത്തിരി റോഡിന് സമീപം വെച്ച് പ്രതിയെ പിടികൂടുന്നത്. 12.450ഗ്രാം എം.ഡി.എം.എ ജിഷ്ണുവിൽ നിന്നും പിടിച്ചെടുത്തു.
എസ്.ഐ. കെ.എം. സന്തോഷ്‌മോൻ, ഗ്രേഡ് എസ്.ഐ എച്ച്. അഷ്‌റഫ്, എസ്.സി.പി.ഒ ഉനൈസ് എന്നിവരാണ് പരിശോധന സംഘത്തിൽ ഉണ്ടായിരുന്നത്. ബൈക്കിന്റെ സീറ്റിനടിയിൽ ഒളിപ്പിച്ച എം.ഡി.എം.എയുമായാണ് കണ്ണൂർ, ചാവശ്ശേരി, അർഷീന മൻസിൽ, കെ.കെ. അഫ്‌സലിനെ (25) മാനന്തവാടി പൊലീസ് എസ്.ഐ ടി.കെ. മിനിമോൾ അറസ്റ്റ് ചെയ്തത്. കഴിഞ്ഞദിവസം രാത്രി 12 മണിയോടെയാണ് നാലാംമൈലിൽ വെച്ച് പിടികൂടിയത്. 7.55ഗ്രാം എം.ഡി.എം.എ പിടിച്ചെടുത്തു. എ.എസ്.ഐ അഷ്റഫും സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.