ന്യൂഡൽഹി: മുംബൈ- ഗുവാഹത്തി ഇൻഡിഗോ വിമാനത്തിൽ സ്ത്രീക്ക് നേരെ സഹയാത്രികന്‍റെ ലൈംഗിക അതിക്രമം. ഞായറാഴ്ച രാത്രി ഒമ്പത് മണിയോടെ മുംബൈയിൽ നിന്ന് പുറപ്പെട്ട 6ഇ-5319 വിമാനത്തിലാണ് സംഭവം. ഉറങ്ങുകയായിരുന്ന സ്ത്രീയെ, സീറ്റിലുണ്ടായിരുന്ന യാത്രക്കാരൻ ശരീരത്തിൽ സ്പർശിക്കുകയും മോശമായി പെരുമാറിയെന്നുമാണ് പരാതി.
സീറ്റ് ലൈറ്റ് ഓണാക്കിയ ശേഷം അവർ ക്യാബിൻ ക്രൂവിനെ വിളിച്ച് സംഭവം അറിയിക്കുകയായിരുന്നു. തുടർന്ന് ഇയാളെ ഗുവാഹത്തിയിലെ പൊലീസിന് കൈമാറിയെന്നും എഫ്‌.ഐ.ആർ രജിസ്റ്റർ ചെയ്തെന്നും എയർലൈൻ അറിയിച്ചു. പൊലീസിന്‍റെ അന്വേഷണത്തോട് സഹകരിക്കുമെന്നും ഇൻഡിഗോ അധികൃതർ വ്യക്തമാക്കി.
പരാതിക്കാരി പയുന്നതിങ്ങനെ: 'സീറ്റിലെ ലൈറ്റുകൾ പാതി അണച്ച് ഉറങ്ങുകയായിരുന്നു. ഇതിനിടെ ശരീത്തിൽ ആരോ സ്പർശിക്കുന്നതായി തോന്നി. കണ്ണു തുറന്ന് നോക്കിയപ്പോഴാണ് അടുത്തിരിക്കുന്നയാളുടെ മോശമായ പെരുമാറ്റം ശ്രദ്ധയിൽപ്പെട്ടത്. ദേഷ്യപ്പെട്ടതോടെ ഇയാൾ ക്ഷമ ചോദിക്കാൻ തുടങ്ങി. എന്നാൽ, ഉടൻ ക്യാബിൻ ക്രൂവിനെ വിവരം അറിയിച്ചു'. അതേസമയം, മൂന്ന് മാസത്തിനിടെ ഇന്ത്യൻ യാത്രക്കാർ പ്രതികളാവുന്ന അഞ്ചാമത്തെ ലൈംഗിക അതിക്രമ കേസാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.