ജീവിതം വേദനയെങ്കിൽ ഔഷധം സ്നേഹം തന്നെ

മലയാള കവിതയിൽ ആധുനികതക്ക്​ തുടക്കംകുറിച്ച മഹാകവി. മാനവികതാവാദം ഉയർത്തിയ ഇതിഹാസ ശബ്​ദം. സമുദായ പരിഷ്​കരണത്തി​െൻറ കാഹളം. 'ഉണ്ണിനമ്പൂതിരി' എന്ന പ്രസിദ്ധീകരണത്തി​െൻറ എഡിറ്റർ. വി.ടി. ഭട്ടതിരിപ്പാട്​, ഇ.എം.എസ്​ എന്നീ മഹാരഥന്മാരുടെ നിഴലായി പ്രവർത്തിച്ചിരുന്ന പുരോഗമനവാദി. പ്രശസ്​തമായ പൊന്നാനി കളരിയുടെ പ്രയോക്​താവ്​. 'ജീവിതം വേദനയെങ്കിൽ ഔഷധം സ്​നേഹ'മാക്കിയ ഭിഷഗ്വരൻ. ഇങ്ങനെ അക്കിത്തം അച്യുതൻ നമ്പൂതിരിയെക്കുറിച്ചുള്ള വിശേഷണങ്ങൾ എത്രയും നീട്ടാവുന്നതാണ്​.

ആ മനീഷിയുടെ തിരോധാ​നത്തോടെ മലയാളത്തിലെ മഹാകവികളുടെ അവസാനത്തെ കണ്ണിയാണ്​ അറ്റിരിക്കുന്നത്​. വിഷയത്തി​െൻറയും അനുഭൂതിയുടെയും വൈവിധ്യത്താലും വൈചിത്ര്യത്താലും ഏറെ ആഴവും പരപ്പുമാർന്നതാണ്​ അക്കിത്തത്തി​െൻറ കാവ്യലോകമെന്നു പറയാം. എട്ടാം വയസ്സിൽ അദ്ദേഹം കവിതയെഴുതിത്തുടങ്ങി. ചിത്രകലയിലും സംഗീതത്തിലും താൽപര്യമുണ്ടായിരുന്നു. ദ​ുഃഖം, സ്​നേഹം, കർമം എന്നിവയാണ്​ അക്കിത്തം അച്യുതൻ നമ്പൂതിരിയുടെ കവിതകളുടെ അച്ച​ുതണ്ടുകൾ. ജീവിതം ദുഃഖവും വേദനയുമാണെന്ന്​ അദ്ദേഹം വിശ്വസിച്ചു. എന്നാൽ, ആ അവസ്​ഥാവിശേഷത്തെ മറികടക്കാനുള്ള ഔഷധം നിരുപാധിക സ്​നേഹമാണ്​. നിസ്വാർഥ കർമങ്ങളിലൂടെയാണ്​ നിരുപാധിക സ്​നേഹം പ്രകാശിതമാകുക. ഇതാണ്​ അക്കിത്തംകവിതകളുടെ ദാർശനികസത്ത.

മനുഷ്യബന്ധങ്ങളാണ്​ അദ്ദേഹം പ്രധാനമായും ത​െൻറ കൃതികളിൽ കൈകാര്യം ചെയ്യുന്നത്​. പ​േക്ഷ, സമസ്​ത ജീവജാലങ്ങളും പ്രകൃതിയിലെ പ്രതിഭാസങ്ങളും ആ കവിതക്ക്​ വിഷയമാകുന്നുണ്ട്​. ഇവയെല്ലാം സമന്വയിപ്പിക്കുന്ന സർവഭൂത ഹൃദയത്വം അക്കിത്തത്തി​െൻറ രചനകളിൽ കാണാം.

80 വയസ്സിനു​ശേഷവും മഹാകവിയുടെ സർഗശക്​തിക്ക്​ ഒരു കുറവും വന്നിരുന്നില്ലെന്ന്​ അവസാനകാലത്തെഴുതിയ 'അന്തിമഹാ കാലം' സാക്ഷ്യപ്പെടുത്തുന്നു. 'അന്തിമഹാ കാലം' എന്ന പേരുതന്നെ വളരെ ആലോചനാമൃതമാണ്​. ത​െൻറ അന്തിയായെന്നും പ​േക്ഷ, തനിക്കല്ല മഹാകാലത്തിനാണ്​ പ്രസക്​തിയെന്നും ഈ ശീർഷകം ധ്വനിപ്പിക്കുന്നുണ്ട്​. കാലത്തിനു​ മുന്നിൽ അക്കിത്തം പരമ വിനീതനാണ്​. കാലം മാത്രമാണ്​ സത്യമെന്ന്​ അദ്ദേഹം പേർത്തും പേർത്തും ഓർമിപ്പിക്കാറുണ്ട്​. 'നീ മാത്രം സത്യം' എന്ന കവിത ഇങ്ങനെയാണ്​.

കാലമേ, കനിയുക!

സദയം വെട്ടിക്കള-

ഞ്ഞാലുമെന്‍ കൈക്കുറ്റപ്പാ-

ടിലുള്ള പാഴ്‌വാക്കുകള്‍.

അർഥമുള്ളവ, നിത്യ-

പ്രണവസംഗീതസാ-

ന്ദ്രാനന്ദം പൊഴിപ്പവ,

വല്ലതും ശേഷിക്കുകില്‍

അതുമാത്രം നീ ശേഖ-

രിച്ചുവെക്കുക! വെട്ടി-

യകറ്റീടുകെന്‍ പേര്‍: ഞാന്‍

മിഥ്യ; നീ മാത്രം സത്യം.

മേൽപറഞ്ഞ വിനയാന്വിതമായ അഹന്താരാഹിത്യം

'എ​െൻറയല്ല എ​െൻറയല്ലയീ കൊമ്പനാനകൾ

എ​െൻറയല്ലയീ മഹാക്ഷേത്രവും മക്ക​േള'

എന്ന വരികളിലും കണ്ടെത്താം.

'ആനന്ദ ചിന്മയ ഹരേ

ഗോപികാ രമണ

ഞാനെന്ന ഭാവമിതു തോന്നായ്ക വേണമിഹ

തോന്നുതാകിലഖിലം

ഞാനിതെന്നവഴി...തോന്നേണമേ..

വരദ നാരായണായ നമഃ'

എന്ന്​ പ്രാർഥിച്ച തുഞ്ചത്താചാര്യ​െൻറ താവഴിക്കാരൻതന്നെയാണ്​ അക്കിത്തവും എന്നർഥം. അതുകൊണ്ടായിരിക്കാം അദ്ദേഹം ​പൊന്നാനിക്കളരിയുടെ പ്രയോക്​താവായതും. നാട്യമോ ഗർ​േവാ തൊട്ടുതീണ്ടാത്ത ഇടശ്ശേരിയായിരുന്നു അക്കിത്തത്തി​െൻറ ഗുരു. പൊന്നാനിക്കളരിയുടെ സവിശേഷതകളെയും അതിലെ എഴുത്തുകാരെയും കുറിച്ച്​ അദ്ദേഹം പുസ്​തകവും എഴുതിയിട്ടുണ്ട്​. ആ പുസ്​തകത്തിൽ പരാമർശിക്കപ്പെടാൻ ഈ ലേഖകനും ഭാഗ്യമുണ്ടായിട്ടുണ്ട്​. പരക്ലേശ വിവേകം, പരപരിഗണന എന്നീ പൊന്നാനിക്കളരിയുടെ മൂല്യങ്ങൾ അക്കിത്തം പരമാവധി സ്വാംശീകരിച്ചു.

'ഒരു കണ്ണീർക്കണം

മറ്റുള്ളവർക്കായ് ഞാൻ പൊഴിക്കവെ

ഉദിക്കയാണെന്നാത്മാവി-

ലായിരം സൗരമണ്ഡലം'

എന്നീ വരികൾ അങ്ങനെ ഉറവയെടുത്തതാണ്​.

ദാർശനികത ലാവണ്യാത്മകമായി തിളങ്ങുന്ന മലയാളത്തിലെ അപൂർവം രചനകളിൽ അക്കിത്തത്തി​െൻറ 'നിത്യ മേഘ​'വും ഉൾപ്പെടുന്നു.

'വജ്രം തുളച്ചിരിക്കുന്ന രത്​നങ്ങള്‍ക്കുള്ളിലൂടെ

ഞാന്‍ കടന്നുപോന്നു ഭാഗ്യത്താല്‍

വെറും നൂലായിരുന്നു ഞാന്‍'

എന്നീ വരികളുടെ അപൂർവ ചാരുതയോർക്കുക. നവീനമായ ജീവിതത്തി​െൻറ അവസ്​ഥാവിശേഷങ്ങളെയും അഗാധമായ മാനങ്ങളോടെ പിടിച്ചെടുക്കാൻ മഹാകവിക്ക്​ മിടുക്കുണ്ടായിരുന്നു. താരതമ്യേന അവസാനകാലത്തെഴുതിയ 'ബ​ുഫേ' എന്ന കവിതതന്നെ ഉദാഹരണം. വൃദ്ധനായ കവി ബുഫേ വിരുന്നിൽ പ​ങ്കെടുത്ത്​ കളിമൺ കിണ്ണത്തിൽനിന്ന്​ ഭക്ഷണം കഴിക്കുകയാണ്. ഒന്ന്​ ശ്രദ്ധപാളിയാൽ മതി കിണ്ണം വീണുടയും. വീണുടഞ്ഞാൽ ആ കളിമൺ ഭാജനത്തി​െൻറ വിലകെ​ട്ടേണ്ടിയുംവരും.

ക്ഷണികമാണെങ്കിലും ജീവിതത്തോട്​ ഉത്തരവാദിത്തം പുലർത്തേണ്ട ഗതികേട്​ മനുഷ്യനുണ്ടെന്നാണ്​ കവി ഇവിടെ ധ്വനിസാന്ദ്രമായി സൂചിപ്പിക്കുന്നത്​. കുതിപ്പും കിതപ്പുമെല്ലാം അടങ്ങി ജീവിതത്തെ നിർമമമായും നിരാസക്​തമായും നോക്കിക്കാണുന്ന തലത്തിലേക്ക്​ അക്കിത്തം അവസാന രചനകളിൽ എത്തിച്ചേർന്നിരുന്നു. സ്വാഭാവികമായും പല കവിതകളിലെയും പ്രമേയം വാർധക്യവും മരണവുമൊക്കെയായി.

ഇടശ്ശേരിയെ ഗുരുനാഥനായി സ്വീകരിച്ച അക്കിത്തത്തി​െൻറ മനസ്സിലെ ആദർശബിംബം മഹാത്മജിയായിരുന്നു. പൊന്നാനിക്കളരിയുടെ ഉദാത്തമായ ബഹുസ്വര പൈതൃകവും അദ്ദേഹം പങ്കുവെച്ചു. എന്നിട്ടും, പ്രതീക്ഷിക്കാനാവാത്ത ചില രാഷ്​ട്രീയ നിലപാടുകൾ എന്തുകൊണ്ട്​ അദ്ദേഹം സ്വീകരിച്ചു എന്നത്​ ഒരു സമസ്യതന്നെയാണ്​. പൊന്നാനിക്കളരിക്കാര​െൻറ നിഷ്​കളങ്കതകൊണ്ടായിരിക്കം, സ്​നേഹിച്ചാൽ എല്ലാം മറക്കുന്ന ശുദ്ധത കൊണ്ടായിരിക്കാം.

അവസാനമായി ഒരു കടപ്പാടി​െൻറ രേഖപ്പെടുത്തൽ കൂടി. മഹാകവി അക്കിത്തത്തിൽനിന്നും ഏറ്റുവാങ്ങിയ ഇടശ്ശേരി അവാർഡോടു കൂടിയാണ്​ ഈ ലേഖകൻ സജീവ സാഹിത്യജീവിതത്തിലേക്ക്​ പ്രവേശിച്ചിട്ടുള്ളത്​.