മരക്കൊമ്പിൽ മൗനിയായിരുന്ന്
ഊളിയിട്ട് കൊക്കിലാക്കുന്നവൻ...
അകലം മാറി ആൾക്കൂട്ടത്തെ
സാകൂതം വീക്ഷിക്കുന്നവൻ...
ഉലൂക മൂളലുകളിൽ
വേലിറമ്പിൽ പമ്മുന്നവൻ...
സ്വസ്തിയുടെ നിർവാണത്തിൽ
കലപില കൂട്ടി അരികിലെത്തുന്നവൻ...
പന്തയത്തിൽ ഇരയോടൊപ്പവും
വേട്ടക്കാരനൊപ്പവും ഓടുന്നവൻ...
കണ്ണിമ വെട്ടാതെ കാത്തുകൊള്ളാ-
മെന്ന് നാവേറു ചൊന്നോൻ...
കൂടെ അൾത്താരയിൽ അരികി-
ലുറങ്ങാതെ കാവലിരുന്നവൻ...
രാത്രി വിളക്കിലെണ്ണ വറ്റാതെ
നളചരിതമാടിത്തിമിർത്തവൻ...
ഒറ്റക്കുറുക്കനോരിയിടലിൽ
പണ്ട് കൊട്ടകം കുലുക്കിയവൻ...
ഇന്ന്, നിങ്ങളിലുണ്ടോ?
വറുതിയിൽ, കൊടും വേനലിൽ
യുദ്ധംതീർത്ത് ഏമ്പക്കം വിട്ട്,
അത്താഴവിരുന്നിൽ വിളമ്പുകാരനൊപ്പം
സെൽഫിയെടുത്തവൻ,
ഒറ്റുകാരൻ...
l
(കഥ, കവിത, പുസ്തകാസ്വാദനം തുടങ്ങി വായനക്കാരുടെ സ്വതന്ത്ര രചനകൾ മാധ്യമം ഓൺലൈനിൽ പ്രസിദ്ധീകരിക്കാനായി online@madhyamam.com എന്ന ഇ-മെയിൽ വിലാസത്തിലേക്ക് ഫോട്ടോയും ഫോൺനമ്പറും സഹിതം അയക്കാം...)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.