സിനിമക്ക് വേണ്ടി ബോളിവുഡ് പാർട്ടികളിൽ പങ്കെടുക്കാറില്ലെന്ന് നടി പരിണീതി ചോപ്ര. തന്നെ തേടിയെത്തുന്ന ചിത്രങ്ങൾ മാത്രം മതിയെന്നും കഠിനാധ്വാനം ചെയ്യാൻ തയാറാണെന്നും നടി അഭിമുഖത്തിൽ പറഞ്ഞു. 10 വർഷം മുൻപ് എങ്ങനെയായിരുന്നോ ഇപ്പോഴും അങ്ങനെ തന്നെയാണെന്നും കൂട്ടിച്ചേർത്തു.
'സിനിമയിൽ അവസരം ലഭിക്കാൻ വേണ്ടി, കാസ്റ്റിങ് ചർച്ചകൾ നടക്കുന്ന പാർട്ടികൾക്കോ അത്താഴവിരുന്നിനോ പോകാറില്ല. ഞാൻ ആഗ്രഹിക്കുന്നത് സംവിധായകരും നിർമാതാക്കളും സിനിമക്കായി എന്നെ സമീപിക്കണമെന്നാണ്. എന്തെന്നാൽ ഞാൻ കഠിനാധ്വാനം ചെയ്യാൻ തയാറാണ്. 10 വർഷങ്ങൾക്ക് മുമ്പ് ഇഷാഖ്‌സാദെ എന്ന ചിത്രത്തിന് എനിക്ക് ദേശീയ പുരസ്കാരം ലഭിച്ചു. ഞാൻ ഇപ്പോഴും അതെ നടി തന്നെയാണ്'- പരിണീതി പറഞ്ഞു.
ഇംതിയാസ് അലി സംവിധാനം ചെയ്ത ' അമര്‍ സിങ് ചംകീല' ആണ് പരിണീതി ചോപ്രയുടെ ഏറ്റവും പുതിയ ചിത്രം. അമര്‍ സിങ് ചംകീല എന്ന പഞ്ചാബി ഗായകന്റെ ബയോപിക്കാണിത്. ഗായകന്റെ ഭാര്യ അമര്‍ജ്യോത് കൗറിന്റെ വേഷത്തിലാണ് പരിണീതി എത്തിയത്. കഥാപാത്രത്തിനായി ശരീരഭാരം വർധിപ്പിച്ചിരുന്നു. ഏപ്രിൽ 12 ന് നെറ്റ്ഫ്ലിക്സിലാണ് ചിത്രം റിലീസ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.