‘ജോജി’യുടെ ലൊക്കേഷനിൽ ഫഹദ് ഫാസിൽ
മഹേഷ് നാരായണൻ സംവിധാനം ചെയ്ത 'മാലിക്കി'ലെ ഫഹദ് ഫാസിലിെൻറ മെലിഞ്ഞ രൂപം ഏറെ ചർച്ചയായിരുന്നു. ഇപ്പോൾ പുതിയ സിനിമയായ 'ജോജി'ക്ക് വേണ്ടിയും മെലിഞ്ഞിരിക്കുകയാണ് താരം. ദിലീഷ് പോത്തൻ സംവിധാനം ചെയ്യുന്ന 'ജോജി'യിൽ മെലിഞ്ഞ ഗെറ്റപ്പിലാണ് താരം പ്രത്യക്ഷപ്പെടുന്നത്.
എരുമേലിയിൽ സിനിമയുടെ ചിത്രീകരണം പുരോഗമിക്കുകയാണ്. ലൊക്കേഷനിൽ നിന്നുള്ള ഫഹദിെൻറ പുതിയ ചിത്രങ്ങൾ ആരാധകർക്കിടയിൽ ചർച്ചയാകുകയാണ്. ശ്യാം പുഷ്കരനാണ് 'ജോജി'യുടെ തിരക്കഥ രചിക്കുന്നത്. ഷൈജു ഖാലിദ് ആണ് ഛായാഗ്രഹണം. ദിലീഷ് പോത്തന്‍ സംവിധാനം ചെയ്യുന്ന മൂന്നാമത്തെ സിനിമയാണിത്. മൂന്നിലും ഫഹദ് തന്നെയാണ് നായകൻ എന്ന പ്രത്യേകതയുമുണ്ട്. 2016ലെ 'മഹേഷിെൻറ പ്രതികാര'വും 2017ലെ 'തൊണ്ടിമുതലും ദൃക്‌സാക്ഷിയും' ഹിറ്റുകളായിരുന്നു.
ബാബുരാജ്, ഉണ്ണിമായ, ഷമ്മി തിലകൻ എന്നിവരും കുറച്ചു പുതുമുഖങ്ങളുമാണ് 'ജോജി'യിൽ അണിനിരക്കുന്നത്. ഭാവന സ്റ്റുഡിയോസ്, വര്‍ക്കിങ് ക്ലാസ് ഹീറോ, ഫഹദ് ഫാസില്‍ ആന്‍ഡ് ഫ്രണ്ട്‌സ് എന്നീ ബാനറുകൾ ചേർന്നാണ് നിർമാണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.