ആമസോൺ പ്രൈം റിലീസായെത്തി ഇന്ത്യയിലൊട്ടാകെ ചർച്ചാവിഷയമായ മഹേഷ് നാരായണൻ ചിത്രം 'സീ യൂ സൂണി'ന് ശേഷം മറ്റൊരു ഫഹദ് ഫാസിൽ ചിത്രം കൂടി നേരിട്ട് ഒടിടി റിലീസിന്. നസീഫ് യൂസഫ് ഇസുദ്ദീന്‍ സംവിധാനം ചെയ്യുന്ന 'ഇരുൾ' എന്ന ചിത്രം നെറ്റ്ഫ്ലിക്സിൽ ഏപ്രിൽ രണ്ടിനാണ് റിലീസ് ചെയ്യുക.
റിലീസിന് മുന്നോടിയായി ചിത്രത്തിന്‍റെ ട്രെയിലര്‍ അണിയറ പ്രവര്‍ത്തകര്‍ പുറത്തുവിട്ടു. നിഗൂഢതകള്‍ നിലനിര്‍ത്തിക്കൊണ്ടുള്ള ട്രെയിലര്‍ സമൂഹ മാധ്യമങ്ങളിൽ ചർച്ചാവിഷയമാവുകയാണ്. ചിത്രത്തില്‍ ഫഹദ് ഫാസിലിനൊപ്പം സൗബിന്‍ ഷാഹിര്‍, ദര്‍ശന രാജേന്ദ്രന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. എട്ടുവര്‍ഷമായി ബോളിവുഡില്‍ പ്രവര്‍ത്തിക്കുന്ന നസീഫ് യൂസുഫിന്‍റെ ആദ്യ സിനിമയാണ് ഇരുള്‍.
ആന്‍റോ ജോസഫ് ഫിലിം കമ്പനിയുടെ ബാനറില്‍ ആന്‍റോ ജോസഫ്, പ്ലാന്‍ ജെ. സ്റ്റുഡിയോസിന്‍റെ ബാനറില്‍ ജോമോന്‍ ടി. ജോണ്‍, ഷമീര്‍ മുഹമ്മദ് എന്നിവരാണ് ഇരുള്‍ നിര്‍മ്മിക്കുന്നത്. ജോമോന്‍ ടി ജോണാണ് ക്യാമറ. എഡിറ്റിംഗ് ഷമീര്‍ മുഹമ്മദും കലാസംവിധാനം അജയന്‍ ചാലിശ്ശേരിയുമാണ് നിര്‍വ്വഹിക്കുന്നത്.
Dramatic music, Fahadh Faasil and a whole lot of mystery: Irul has everything we love… and more!
— Netflix India (@NetflixIndia) March 18, 2021
Arriving on April 2nd.#FahadhFaasil @darshanarajend #SoubinShahir @IamAntoJoseph @NaseefYI pic.twitter.com/m2Og23LbAk
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.