ബംഗളൂരു: മയക്കുമരുന്ന് കേസിൽ തെന്നിന്ത്യൻ നടിയും മോഡലുമായ സോണിയ അഗർവാളിനെ നാർകോട്ടിക്സ് കൺട്രോൾ ബ്യൂറോ (എൻ.സി.ബി) കസ്റ്റഡിയിലെടുത്തു. നടിയുടെ ഫ്ലാറ്റില്‍ നിന്ന് മയക്കുമരുന്നും കഞ്ചാവും കണ്ടെടുത്തതിന് പിന്നാലെയാണ് നടപടി. കര്‍ണാടക അതിര്‍ത്തിയില്‍ നിന്ന് ഇന്നലെ 21 കോടി രൂപ വിലമതിക്കുന്ന കഞ്ചാവ് എന്‍സിബി പിടികൂടിയിരുന്നു. ഈ കേസുമായി ബന്ധപ്പെട്ടായിരുന്നു പരിശോധന നടത്തിയത്.
കന്നഡ നടന്‍ ഭരത്, ഡിജെ ചിന്നപ്പ എന്നിവരും എൻ.സി.ബിയുടെ പിടിയിലായിട്ടുണ്ട്. കന്നഡയിലെ പ്രമുഖ നടിമാരായ സജ്ഞന ഗല്‍റാണി, രാഗ്വിണി ദിവേദി എന്നിവരും മയക്കുമരുന്ന് ഉപയോഗിച്ചിരുന്നതായി ഫോറൻസിക് റിപ്പോർട്ടിൽ തെളിഞ്ഞിരുന്നു. അതിന് പിന്നാലെയാണ് സോണിയ അഗർവാളും കുടുങ്ങുന്നത്. അതേസമയം, കന്നഡ സിനിമ മേഖലയില്‍ വന്‍ മയക്കുമരുന്ന് മാഫിയ പ്രവര്‍ത്തിക്കുന്നതായി ബംഗളൂരു പൊലീസ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.