പ്രൈം വീഡിയോ, പുതുവർഷത്തിൽ കാഴ്ചക്കാർക്ക് അല്ലു അർജുൻ കേന്ദ്ര കഥാപാത്രമായി അഭിനയിച്ച ആക്ഷൻ ത്രില്ലർ പുഷ്പ: ദി റൈസ് -ഭാഗം ഒന്നിന്‍റെ എക്‌സ്‌ക്ലൂസീവ് സ്ട്രീമിങ് വിരുന്ന് ഒരുക്കുന്നു. സുകുമാർ രചനയും സംവിധാനവും നിർവഹിച്ച് മൈത്രി മൂവി മേക്കേഴ്‌സും മുട്ടംസെട്ടി മീഡിയയും ചേർന്ന് നിർമിച്ച ഈ തെലുങ്ക് ആക്ഷൻ ഡ്രാമയിൽ രശ്മിക മന്ദന്നയും അഭിനയിക്കുന്നു. നടൻ ഫഹദ് ഫാസിലിന്‍റെ തെലുങ്ക് സിനിമ അരങ്ങേറ്റം കൂടിയാണ് ഈ ചിത്രം.
ജനുവരി ഏഴിന് ചിത്രം പ്രൈം വീഡിയോയിൽ പ്രദർശനത്തിനെത്തും. തമിഴിലും, മലയാളത്തിലും, കന്നടയിലും ചിത്രം ലഭ്യമാണ്. പുഷ്പ: ദി റൈസ് -ഭാഗം 1 ആന്ധ്രാപ്രദേശിൽ തലയെടുപ്പോടെ നിലകൊള്ളുന്ന നിബിഢമായ, വന്യമായ ശേഷാചലം കാടുകളിലേക്ക് കാഴ്ചക്കാരെ കൊണ്ടുപോകുന്നു. ഇവിടെ, അല്ലു അർജുൻ അവതരിപ്പിച്ച കഥാപാത്രമായ ലോറി ഡ്രൈവർ പുഷ്പ രാജ് ചുവന്ന ചന്ദന മരങ്ങൾ കടത്തുന്നതിൽ പങ്കാളിയാണ്. ഈ ഭാഗങ്ങളിൽ വ്യാപിച്ചുകിടക്കുന്ന കള്ളക്കടത്ത് സാമ്രാജ്യത്തെ പൊലീസ് അടിച്ചമർത്തുമ്പോൾ, തിന്മക്കെതിരായ നന്മയുടെ പോരാട്ടമാണ് സിനിമ കാണിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.