ഇംഗ്ലീഷ് വിംഗ്ലീഷ്, പാ, മിഷൻ മംഗൾ,പാഡ്‌മാൻ തുടങ്ങിയ ഹിറ്റ് ചിത്രങ്ങളുടെ സംവിധായകൻ ബാൽകിയുടെ പുതിയ സിനിമയിൽ ദുൽഖറും. ത്രില്ലർ വിഭാഗത്തിലുള്ള സിനിമയാണ് അണിയറയിൽ ഒരുങ്ങുന്നത്. ഒന്നിലധികം കഥാപാത്രങ്ങൾക്ക് പ്രാധാന്യമുള്ള സിനിമയിൽ സണ്ണി ഡിയോൾ, പൂജ ഭട്ട്, ശ്രേയ ധന്വന്തരി തുടങ്ങിയവരും അഭിനയിക്കുന്നുണ്ട്. ബാൽകി തന്നെയാണ് ചിത്രത്തിെൻറ നി‌ർമാണം നിർവഹിക്കുന്നത്. സിനിമയുടെ തിരക്കഥ പൂര്‍ത്തിയായിട്ടുണ്ട്. പ്രീ-പ്രൊഡക്ഷന്‍ വര്‍ക്കുകളും ആരംഭിച്ചു. ദുൽഖറിെൻറ മൂന്നാമത്തെ ബോളിവുഡ് ചിത്രമാണ് ബാൽകിയുടേത്.
2018ൽ 'കാര്‍വാന്‍' എന്ന ചിത്രത്തിലൂടെയാണ് ദുല്‍ഖര്‍ ബോളിവുഡിൽ അരങ്ങേറ്റം കുറിച്ചത്. 2019ല്‍ 'ദ സോയ ഫാക്ടര്‍' എന്ന ചിത്രത്തിലും നായകനായി.'മാസങ്ങളുടെ കാത്തിരിപ്പിന് ശേഷം, ഷൂട്ടിങ് ആരംഭിക്കുന്നത് ആവേശകരമായ അനുഭവമാണ്. പുതിയൊരു വിഭാഗത്തിൽ സിനിമ നിർമ്മിക്കുന്നത് കൂടുതൽ ആവേശകരമാണ്. വളരെക്കാലമായി ഈ ആശയം ഉണ്ടായിരുന്നു. പക്ഷേ ഒരിക്കലും എഴുതിത്തീർക്കാൻ കഴിഞ്ഞിരുന്നില്ല'-പുതിയ പ്രോജക്ടിനെപറ്റി ബാൽകി പറഞ്ഞു.
'സണ്ണി എന്ന അഭിനേതാവിനെ സിനിമക്ക് ലഭിച്ചതിൽ ഏറെ സന്തോഷമുണ്ട്. അദ്ദേഹം സ്ക്രീൻ സാന്നിധ്യം ഉള്ള നടനാണ്. അദ്ദേഹം തിരിച്ചെത്തിയതിൽ സന്തോഷമുണ്ട്'-അദ്ദേഹം കൂട്ടിച്ചേർത്തു.'സ്കാം 1992' ലെ അഭിനയത്തിലൂടെ ശ്രദ്ധനേടിയ നടിയാണ് ശ്രേയ ധന്വന്തരി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.