രജനികാന്തിന്റെ ഏറ്റവും പുതിയ ചിത്രമാണ് വേട്ടയൻ. ജയ് ഭീം സംവിധായകൻ ഞ്ജാനവേൽ സംവിധാനം ചെയ്യുന്ന ചിത്രം തിയറ്റർ റിലീസിന് തയാറെടുക്കുകയാണ്. രജനിക്കൊപ്പം അമിതാഭ് ബച്ചൻ, മഞ്ജു വാര്യർ, ഫഹദ് ഫാസിൽ, റാണ എന്നിവരും പ്രധാനവേഷത്തിലെത്തുന്നുണ്ട്.
ചിത്രം റിലീസിനൊരുങ്ങുമ്പോൾ പ്രിവ്യൂ വിഡിയോ പങ്കുവെച്ചിരിക്കുകയാണ് അണിയറപ്രവർത്തകർ. ചിത്രത്തിലെ ഒട്ടുമിക്ക താരങ്ങളെയും വിഡിയോയിൽ ഉൾപ്പെടുത്തിയിട്ടുണ്ട്. തലൈവർ, മഞ്ജു വാര്യർ, റാണ, ഫഹദ് എന്നിവർക്കൊപ്പം മലയാളി നടൻ സാബുമോൻ അബ്ദുസമദിന്റെ ഭാഗങ്ങളും വിഡിയോയിൽ ഉൾപ്പെടുത്തിയിട്ടുണ്ട്.നെഗറ്റിവ് റോളിലാകും അദ്ദേഹം എത്തുകയെന്നാണ് പ്രിവ്യൂ വിഡിയോ നൽകുന്ന സൂചന.
ശർവാനന്ദ്, ജിഷു സെൻഗുപ്‌ത, അഭിരാമി, റിതിക സിങ്, ദുഷാര വിജയൻ, രാമയ്യ സുബ്രമണ്യൻ, കിഷോർ, റെഡിൻ കിങ്‌സ്‌ലി, രോഹിണി, രവി മരിയ, റാവു രമേശ്, രാഘവ് ജൂയാൽ, രമേശ് തിലക്, ഷാജി ചെൻ, രക്ഷൻ, സിങ്കമ്പുലി, ജി എം സുന്ദർ, ഷബീർ കല്ലറക്കൽ എന്നിവരും ചിത്രത്തിന്റെ ഭാഗമാണ്.ലൈക പ്രൊഡക്ഷൻസിന്റെ ബാനറിൽ സുബാസ്കരനാണ് ചിത്രം നിർമ്മിക്കുന്നത്.എസ്.ആർ. കതിര്‍ ആണ് ഛായാഗ്രഹണം. സംഗീതം അനിരുദ്ധ്. ആക്ഷൻ അൻപറിവ്. എഡിറ്റിങ് ഫിലോമിൻ രാജ്.ദീപാവലിയോടനുബന്ധിച്ച് ചിത്രം തിയറ്ററുകളിലെത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.