സിനിമയുടെയും ടെലിവിഷെൻറയും ഗ്ലാമർലോകത്തുനിന്നും ആത്മീയപാതയിലേക്ക് മാറുകയാണെന്ന പ്രശസ്ത നടി സനാ ഖാെൻറ പ്രഖ്യാപനം വലിയ വാർത്തയായി മാറിയിരുന്നു. പിന്നാലെ ഗുജറാത്ത് സ്വദേശിയായ മുഫ്തി അനസ് സയ്യിദിനെ അവർ വിവാഹം കഴിക്കുകയും ചെയ്തു. എന്നാൽ, തെൻറ ഭൂതകാലം ഉയർത്തിക്കാട്ടി നിരന്തരം നെഗറ്റീവ് വിഡിയോകൾ നിർമിച്ച് പ്രചരിപ്പിക്കുന്ന വ്യക്തിക്കെതിരെ കുറിപ്പുമായി എത്തിയിരിക്കുകയാണ് സനാ ഖാൻ. ഒരാളെ കുറിച്ച് ക്രൂരവും കഠിനവുമായ അത്തരം അഭിപ്രായങ്ങൾ പറയുന്നതിലൂടെ അവരെ വീണ്ടും ഭൂതകാലത്തിലേക്ക്കൊണ്ടുപോയി വിഷാദത്തിലേക്ക് തള്ളിവിടരുതെന്നും സന ഖാൻ ഇൻസ്റ്റഗ്രാമിൽ പങ്കുവെച്ച കുറിപ്പിൽ പറഞ്ഞു.
''ചില ആളുകൾ വളരെക്കാലമായി എന്നെ കുറിച്ച് അത്തരം നെഗറ്റീവ് വീഡിയോകൾ നിർമ്മിക്കുന്നുണ്ടെങ്കിലും ഞാൻ അതെല്ലാം ക്ഷമിക്കുകയായിരുന്നു. എന്നാൽ ഇപ്പോൾ ഒരു വ്യക്തി എെൻറ ഭൂതകാലത്തെ എടുത്തുകാണിക്കുന്ന വിഡിയോ നിർമിച്ച് അതിനെ കുറിച്ച് മോശം കാര്യങ്ങൾ പറഞ്ഞ് പ്രചരിപ്പിക്കുകയാണ്. പശ്ചാത്തപിച്ച് മടങ്ങിയ ഒരാളോട് ഇങ്ങനെ ചെയ്യുന്നത് പാപമല്ലേ. ഞാനിപ്പോൾ ഹൃദയം തകർന്നിരിക്കുകയാണ്.
ഞാൻ അയാളുടെ പേര് വെളിപ്പെടുത്താൻ ഉദ്ദേശിക്കുന്നില്ല. എന്നോട് അയാൾ ചെയ്തത് പോലെ തിരിച്ചു ചെയ്യാൻ ഞാൻ ആഗ്രഹിക്കുന്നില്ല. എന്നാലിത് അങ്ങേയറ്റം ഹീനമായ പ്രവർത്തിയാണ്. മറ്റൊരാളെ പിന്തുണക്കാനും അവരോട് നല്ലതായി പെരുമാറാനും കഴിയുന്നില്ലെങ്കിൽ മിണ്ടാതിരിക്കുക.ഒരാളുടെ ഭൂതകാലം ചികഞ്ഞെടുത്ത് കുറ്റബോധമുണ്ടാക്കുന്ന വിധമുള്ള ക്രൂരവും കഠിനവുമായ കാര്യങ്ങൾ പറഞ്ഞ് വിഷാദത്തിലേക്ക് തള്ളിവിടരുത്. അത് ശരിയായ കാര്യമല്ല. ചിലപ്പോൾ നിങ്ങൾ പശ്ചാത്തപിച്ച് മടങ്ങിയേക്കാം, എന്നാൽ, ഭൂതകാലത്തിലേക്ക് തിരികെ പോയി ചില കാര്യങ്ങൾ തിരുത്താൻ സാധിച്ചിരുന്നെങ്കിൽ എന്ന് ചിന്തിക്കുന്ന എന്നെ പോലുള്ളവരുമുണ്ട്. ദയവുചെയ്ത് നല്ലവരായിരിക്കുക. ആളുകളെ മാറാൻ അനുവദിക്കുക. -സന ഖാൻ കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.