തമിഴ് സൂപ്പർതാരം കമൽഹാസനെ നായകനാക്കി 'കൈതി' ഫെയിം ലോകേഷ് കനകരാജ് സംവിധാനം ചെയ്യുന്ന പുതിയ ചിത്രം 'വിക്ര'മിെൻറ ടൈറ്റിൽ ടീസർ പുറത്തുവിട്ടു. കമൽഹാസെൻറ പിറന്നാൾ ദിനത്തിൽ അദ്ദേഹത്തിെൻറ ഏറ്റവും വലിയ ആരാധകൻ കൂടിയായ ലോകേഷ് സമ്മാനമായി നൽകിയിരിക്കുന്നത് മെഗാ മാസ്സ് ടൈറ്റിൽ ടീസറാണ്. ചിത്രത്തിെൻറ പ്രമേയം എന്താണെന്ന് ഉൗഹിക്കാൻ പോലും പറ്റാത്ത തരത്തിലുള്ളതാണ് ടീസർ.
അതേസമയം, കമൽഹാസെൻറ വിക്രം എന്ന 1986ലെ സൂപ്പർഹിറ്റ് ചിത്രത്തിെൻറ പേര് പുതിയ ചിത്രത്തിന് നൽകിയതിലൂടെ അതിെൻറ രണ്ടാം ഭാഗമാണോ ഇതെന്നും ആരാധകർ ചോദിക്കുന്നുണ്ട്. മിസൈൽ അറ്റാക്ക് തടഞ്ഞ ഒരു റോ ഏജൻറിെൻറ കഥയായിരുന്നു പഴയ ചിത്രം പറഞ്ഞത്. എന്തായാലും ചിത്രത്തിെൻറ ഷൂട്ടിങ് ഇൗ മാസം തന്നെ തുടങ്ങാനാണ് അണിയറപ്രവർത്തകർ ലക്ഷ്യമിടുന്നത്.
വിജയ്യെ നായകനാക്കി മാസ്റ്റർ എന്ന ചിത്രവും ലോകേഷ് സംവിധാനം ചെയ്തിട്ടുണ്ട്. കോവിഡ് പ്രതിസന്ധി തീരുന്ന മുറക്ക് റിലീസ് ചെയ്യാൻ കാത്തിരിക്കുകയാണ്. 2017ൽ പുറത്തിറങ്ങിയ മാനഗരം ആയിരുന്നു ആദ്യം ചിത്രം. മികച്ച അഭിപ്രായം ചിത്രം നേടിയെങ്കിലും കാർത്തി നായകനായ കൈതിയാണ് ലോകേഷിനെ തെന്നിന്ത്യ മുഴുവൻ അറിയപ്പെടുന്ന സംവിധായകനാക്കിയത്.
തുടക്കം മുതലേ കമൽഹാസനോടുള്ള ആരാധന ലോകേഷ് വെളിപ്പെടുത്തിയിരുന്നു. കമൽ ഹാസൻ ചിത്രങ്ങളാണ് തനിക്ക് സംവിധായകനാകാൻ പ്രചോദനമേകിയതെന്ന് പറഞ്ഞതാരം കമലിനൊപ്പം പുതിയ ചിത്രവും പ്രഖ്യാപിച്ചതോടെ ആരാധകർ പ്രതീക്ഷയോടെ കാത്തിരിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.