ആ സ്നേഹക്കൂട്ടിൽ നിന്ന് പറന്നു പറന്ന്...

ഓ​ൺ​ലൈ​ൻ ക്ലാ​സി​ൽ ടീ​ച്ച​റു​ടെ ശ​ബ്​​ദം കേ​ൾ​ക്കു​ന്നു​ണ്ട്. അ​ക്ഷ​മ​യോ​ടെ കാ​ത്തി​രി​ക്കു​ക​യാ​ണ്​ ഒ​രു കി​ളി​ക്കു​ഞ്ഞ്. 'ഇ​പ്പൊ തീ​രു'​മെ​ന്ന്​ കു​ട്ടി അ​ട​ക്കം പ​റ​ഞ്ഞു. ക്ലാ​സ്​ തീ​ർ​ന്ന​തും അ​വ​രു​ടെ ക​ളി​യും കൊ​ച്ചു​വ​ർ​ത്ത​മാ​ന​വും തു​ട​ങ്ങു​ക​യാ​യി. The Cage (കൂ​ട്) എ​ന്ന കു​ഞ്ഞുസി​നി​മ തു​ട​ങ്ങു​ന്ന​ത്​ ഇ​ങ്ങ​നെ​യാ​ണ്. കു​ട്ടി​യു​ടെ​യും കിളിക്കുഞ്ഞി​ന്‍റെ​യും കൂ​ട്ടു​കൂ​ട​ലി​ന്‍റെ ക​ഥ​യാ​ണ്​ 'കൂ​ട്​'. സ്​​നേ​ഹ​ത്തി​ന്‍റെ​യും സ​ഹാ​നു​ഭൂ​തി​യു​ടെ​യും നൈ​ർ​മ​ല്യം കാ​ഴ്ച​ക്കാ​രു​ടെ ഹൃ​ദ​യ​ത്തി​ലേ​ക്കു പ​ക​​രുന്ന ചി​ത്രം. സ്നേ​ഹ​നി​രാ​സ​ത്തി​ന്‍റെ കാ​ല​ത്തെ സ്നേ​ഹ​ഗാ​ഥ​യാ​യി അ​തു മാ​റു​ന്നു.

'കൂ​ടി'​നൊ​രു ക​ഥ പ​റ​യാ​നു​ണ്ട്​

ആ ​കു​ഞ്ഞു​പ​ക്ഷി അ​വ​ർ​ക്കി​ട​യി​ലേ​ക്ക് പ​റ​ന്നുവീ​ഴു​ക​യാ​യി​രു​ന്നു. പ​റ​ക്കാ​ൻ പ​ഠി​ക്കു​ന്ന​തി​നി​ട​യി​ലാ​ണ്​ അ​ത്​ മു​റ്റ​ത്തു ​ചെ​ന്നുവീ​ണ​ത്. വ​ള​ർ​ത്തുനാ​യ്​ ഓ​ടി​ച്ചെ​ന്ന്​ അ​തി​നെ മെ​ല്ലെ​യൊ​ന്നു ക​ടി​ച്ച്​ നി​ല​ത്തു​വെ​ച്ചു. കു​ഞ്ഞി​ക്കി​ളി ക​ര​ഞ്ഞു. അ​തി​ന്‍റെ അ​ച്ഛ​ന​മ്മ​മാ​ർ നി​ല​വി​ളി​ച്ചു പ​റ​ന്നു. മു​റ്റ​ത്തു ക​ളി​ക്കു​ന്ന വൈ​ഭ​വ്​ ഓ​ടി​യെ​ത്തി. അ​വ​നും ക​ര​ഞ്ഞു. ക​ര​ച്ചി​ൽ കേ​ട്ടെ​ത്തി​യ ബി​ന്ദു ആ​ന്‍റി​യും അ​വ​നും ചേ​ർ​ന്ന്​ കി​ളി​ക്കു​ഞ്ഞി​നെ ര​ക്ഷ​പ്പെ​ടു​ത്തി. മാ​താ​പി​താ​ക്ക​ൾ ജോ​ലി ക​ഴി​ഞ്ഞെ​ത്തി​യ​പ്പോ​ൾ മ​ക​ൻ കി​ളി​ക്കു​ഞ്ഞി​നു കാ​വ​ലി​രി​ക്കു​ക​യാ​ണ്. തൊ​ട്ട​ടു​ത്ത മ​ര​ത്തി​ൽ ര​ണ്ടു ബു​ൾ​ബു​ൾ പ​ക്ഷി​ക​ൾ ക​ണ്ണി​മ​യ്ക്കാ​തെ നോ​ക്കി​യി​രി​പ്പു​ണ്ട്. ആ ​വീ​ട് കി​ളി​ക്കു​ഞ്ഞി​നെ ഏ​റ്റെ​ടു​ത്തു. പ​രി​ച​രി​ച്ചു. കി​ട​ക്കാ​ൻ കൂ​ടൊ​രു​ക്കി. പി​ന്നെ, ക​ണ്ട​ത്, സ്നേ​ഹ​ത്തി​ന്‍റെ പു​തി​യ ഗാ​ഥ​യാ​ണ്. പ​തി​യ​പ്പ​തി​യെ പ​ക്ഷി ആ ​കു​ടും​ബ​ത്തി​ന്‍റെ ഭാ​ഗ​മാ​യി.

ന​വം​ബ​റി​ലെ ഒ​രു വൈ​കു​ന്നേ​ര​മാ​ണ് കി​ളി​ക്കു​ഞ്ഞ്​ അ​വ​രു​ടെ മ​ന​സ്സി​ൽ ചേ​ക്കേ​റാ​നെ​ത്തി​യ​ത്. തീ​രെ വ​യ്യാ​യി​രു​ന്നു അ​തി​ന്. സ്വ​ന്ത​മാ​യി ഇ​ര​യെ​ടു​ക്കാ​നു​ള്ള പ്രാ​യ​മാ​യി​ട്ടി​ല്ല. കി​ളി​യെ പ​രി​ച​രി​ക്കാ​ൻ അ​വ​ർ സ​മ​യം ക​ണ്ടെ​ത്തി. പ്ര​ത്യേ​കം കൂടൊ​രു​ക്കി. പ​ഴ​ങ്ങ​ൾ ന​ൽ​കി. ഈ ​പ​ഴ​ങ്ങ​ൾ കു​ഞ്ഞി​നു ​കൊ​ടു​ക്കാ​ൻ കി​ളി​യു​ടെ അ​ച്ഛ​ന​മ്മാ​രെ​ത്തു​ക പ​തി​വാ​യി. അ​തി​നാ​യി കി​ളി​ക്കൂ​ട്​ വീ​ടി​ന്റെ സി​റ്റൗ​ട്ടി​ലെ​ടു​ത്തുവെ​ച്ചു. ആ​ദ്യ​മൊ​ന്നും കു​ട്ടി കി​ളി​യെ തൊ​ടാ​നോ വ​ല്ലാ​തെ അ​ടു​ക്കാ​നോ ​പോ​യി​ല്ല. അ​മ്മ​യു​ടെ ക​ണ്ണി​ൽ ഒ​രി​ക്ക​ൽ കി​ളി കൊ​ത്താ​ൻ നോ​ക്കി​യ​ത്​ അ​വ​ൻ ക​ണ്ടി​രു​ന്നു. ആ ​പേ​ടി​യാ​യി​രു​ന്നു അ​വ​ന്. ക​ണ്ണി​ൽ കൊ​ത്തും എ​ന്നു പ​റ​ഞ്ഞ് മാ​റിനി​ൽ​ക്കും അ​വ​ൻ. 

('കൂട്​' അണിയറ പ്രവർത്തകർ)

പിന്നീടെപ്പോഴോ ''എ​ന്‍റെ ക​ണ്ണി​ൽ നീ ​കൊ​ത്തി​ല്ലെ​ങ്കി​ൽ ന​മു​ക്കു കൂ​ട്ടു​കൂ​ടാം'' എ​ന്ന ക​രാ​റി​ൽ ആ ​സൗ​ഹൃ​ദം തു​ട​ങ്ങി. അ​റി​യാ​തെ​യ​റി​യാ​തെ അ​വ​ർ അ​ടു​പ്പ​ക്കാ​രാ​യി. ക​ഥ പ​റ​യാ​ൻ തു​ട​ങ്ങി. ഊ​ണി​ലും ഉ​റ​ക്കി​ലും അ​വ​ർ ഒ​ന്നാ​യി. അ​വ​രുടേ​താ​യ ലോ​ക​മു​ണ്ടാ​യി. ഓ​ൺ​ലൈ​ൻ ക്ലാ​സ് ക​ഴി​യാ​ൻ ഇ​രു​വ​രും കാ​ത്തി​രു​ന്നു.

വീ​ടി​ന​ക​ത്ത്​ കി​ളി​ക്കു​ഞ്ഞു പ​റ​ക്കാ​ൻ പ​രി​ശീ​ലി​ക്കു​മ്പോ​ൾ അ​വ​ൻ സ​ന്തോ​ഷ​ത്തോ​ടെ നോ​ക്കി​നി​ന്നു. ''ശ​രി​ക്കു പ​റ​ക്കാ​ൻ പ​ഠി​ച്ചാ​ൽ നി​ന​ക്ക്​ അ​മ്മേ​ടെ കൂ​ടെ പോ​കാം'' -അ​വ​ൻ പ​റ​ഞ്ഞു. ഒ​ടു​വി​ല​വ​ന്‍റെ ദേ​ഹ​ത്ത്​ കൂ​ടു​ത​ൽ തൂ​വ​ൽ വ​ന്നു. ത​ല​യി​ൽ കി​രീ​ടം വ​ള​ർ​ന്നു. ചി​റ​കു​ക​ൾ​ക്ക്​ പ​റ​ക്കാ​ൻ ക​രു​ത്തു നേ​ടി​യ പ​ക്ഷിക്കു​ഞ്ഞ്, ത​ന്‍റെ ആ​കാ​ശ​ത്തി​ലേ​ക്ക് പ​റ​ന്നു​പോ​യി.

(സിനിമയുടെ പ്രകാശനം മജീഷ്യൻ ഗോപിനാഥ് മുതുകാട്, സംവിധായകൻ പ്രജേഷ് സെൻ എന്നിവർ ചേർന്ന് നിർവഹിക്കുന്നു)

കൂ​ടൊ​രു​ക്കി​യ ക​ഥ

കോ​ഴി​ക്കോ​ട്​ കാ​ര​പ്പ​റ​മ്പ് ജ​ന​ത റോ​ഡ്​ ക​രു​വി​ശ്ശേ​രി​യി​ലെ 'താ​ര​ക'​യി​ലാ​ണ് 'കൂ​ട്​' ഒ​രു​ങ്ങി​യ​ത്. ​ഇ​ഖ്​​റ ഹോ​സ്പി​റ്റ​ലി​ലെ ഡ​യ​ബ​റ്റോ​ള​ജി​സ്റ്റും വി​വി​ധ പ്ര​സി​ദ്ധീ​ക​ര​ണ​ങ്ങ​ളി​ലെ ആ​രോ​ഗ്യം കോ​ള​മി​സ്റ്റു​മാ​യ ഡോ. ​എ​സ്.​കെ. സു​രേ​ഷ്​ കു​മാ​റി​ന്‍റെ​യും 'മെ​യ്​​ത്ര'​ ഹോ​സ്പി​റ്റ​ലി​ലെ ഡോ. ​പി.​കെ. സി​ന്ധു​വി​ന്‍റെ​യും​ മ​ക​നാ​ണ്​ വൈ​ഭ​വ്. കോ​ഴി​ക്കോ​ട് സി​ൽ​വ​ർ ഹി​ൽ​സ് പ​ബ്ലി​ക് സ്കൂ​ളി​ലെ യു.​കെ.​ജി വി​ദ്യാ​ർ​ഥി. കി​ളി​യോ​ടൊ​പ്പ​മു​ള്ള രം​ഗ​ങ്ങ​ൾ കുടും​ബ​സു​ഹൃ​ത്ത്​ ആ​ർ​ട്ടി​സ്റ്റ്​ പ്ര​മോ​ദ്​ ബാ​ബു​വി​ന്‍റെ സ​ഹാ​യ​ത്തോ​ടെ കു​ഞ്ഞു​കു​ഞ്ഞു വി​ഡി​യോ​ക​ളാ​യി പ​ക​ർ​ത്തി. കൂ​ട്ടി​ച്ചേ​ർ​ത്ത്​ യൂ​ട്യൂ​ബി​ലി​ട്ടാ​ലോ എ​ന്നാ​യി അ​ടു​ത്ത ചി​ന്ത. കോ​വി​ഡ്​ കാ​ല​ത്തെ കു​ട്ടി​ക​ളു​ടെ വീ​ട്ടി​രി​പ്പുകാ​ല​ത്തി​ന്‍റെ സ​ങ്ക​ട​ങ്ങ​ളി​ലേ​ക്ക്​ ഈ ​ദൃ​ശ്യ​ങ്ങ​ളെ ചേ​ർ​ത്തു​വെ​ച്ചാ​ലോ എ​ന്ന ആ​ശ​യം സു​രേ​ഷ്​ ഡോ​ക്ട​ർ പ​ങ്കു​വെ​ച്ചു. അ​ങ്ങ​നെ നേ​ര​ത്തേ എ​ടു​ത്തു​വെ​ച്ച ദൃ​ശ്യ​ങ്ങ​ൾ ചേ​ർ​ത്ത്​ ക​ഥ​യു​ണ്ടാ​ക്കി. അ​ത​നു​സ​രി​ച്ച്​ സീ​നു​ക​ളു​ണ്ടാ​ക്കി. അ​ധ​ര​ച​ല​ന​ങ്ങ​ൾ​ക്ക​നു​സ​രി​ച്ച്​ സം​ഭാ​ഷ​ണ​ങ്ങ​ളെ​ഴു​തി. ''മു​റ്റ​ത്തു വീ​ണ്​ നാ​യ്​ ക​ടി​ച്ച​പ്പോ​ൾ എ​ങ്ങ​നെ​യാ​യി​രു​ന്നു! ചി​റ​കൊ​ക്കെ ഒ​ടി​ഞ്ഞ്... അ​മ്മ ക​ണ്ട​തു ഭാ​ഗ്യം'' എ​ന്ന മാ​ജി​ക്​ ഡ​യ​ലോ​ഗി​ൽ ക​ഥ​യു​ടെ ഫ്ലാ​ഷ്​ ബാ​ക്ക്​ വി​ദ​ഗ്​​ധ​മാ​യി ഒ​ളി​പ്പി​ച്ചു​വെ​ച്ചി​രി​ക്കു​ന്നു. സ്റ്റു​ഡി​യോ​യി​ൽ ​ചെ​ന്ന്​ വൈ​ഭ​വ്​ ത​ന്നെ സം​ഭാ​ഷ​ണ​ങ്ങ​ൾ ഡ​ബ് ചെ​യ്തു.

കൂ​ടെ​നി​ന്ന് കൂ​ടൊ​രു​ക്കി​യ​വ​ർ

'കൂ​ടി'​ന്‍റെ തി​ര​ക്ക​ഥ​യും കു​ഞ്ഞു​മ​നസ്സി​ന്റെ നി​ഷ്ക​ള​ങ്ക​ത തൊ​ട്ട​റി​ഞ്ഞ ഭാ​ഷ​യി​ൽ സം​ഭാ​ഷ​ണ​വു​മൊ​രു​ക്കി​യ​ത്​ അ​സോ​സി​യേ​റ്റ്​ ഡ​യ​റ​ക്ട​ർ കൂടി​യാ​യ എം. ​കു​ഞ്ഞാ​പ്പ​യാ​ണ്. ഡോ. ​എ​സ്.​കെ. സു​രേ​ഷ്​ കു​മാ​ർ ചി​ത്രം സം​വി​ധാ​നം ചെ​യ്തു. ക​ഥ​യു​ടെ സൗ​ന്ദ​ര്യ​ത്തി​ന്​ പു​തി​യ ഭാ​ഗ​ങ്ങ​ൾകൂ​ടി പ്ര​മോ​ദ് ബാ​ബു കാ​മ​റ​യി​ൽ പ​ക​ർ​ത്തി. രാ​ഗേ​ഷ് റാം ​ചി​ത്ര​സം​യോ​ജ​നം ചെ​യ്തു. സാ​യി ബാ​ല​ൻ മ​നോ​ഹ​ര​മാ​യ പ​ശ്ചാ​ത്ത​ല സം​ഗീ​ത​മൊ​രു​ക്കി. സ​ലി​ൽ ബാ​ല​നാ​ണ്​ സൗ​ണ്ട്​ ഡി​സൈ​ൻ. ടൈ​റ്റി​ൽ​സ് & പ​ബ്ലി​സി​റ്റി ഡി​സൈ​ൻ: എം. ​കു​ഞ്ഞാ​പ്പ. താരക ക്രിയേറ്റിവ് ഗ്രൂപ്പിന്റെ ബാനറിൽ ഡോ. പി.കെ. സിന്ധുവാണ് നിർമാണം.

ഈ ​ഹ്ര​സ്വ​ചി​ത്രം ക​ണ്ടു​ക​ഴി​യു​മ്പോ​ൾ, മ​ന​സ്സ്​ എ​ത്ര​മാ​ത്രം നൈ​ർ​മ​ല്യ​പ്പെ​ടു​ന്നു​വെ​ന്ന​റി​യാ​ൻ ഒ​രു വ​ട്ടം കാ​ണു​കത​ന്നെ വേ​ണം. ഉ​റ​ങ്ങു​ന്ന കു​ഞ്ഞി​ന് കാ​വ​ലി​രി​ക്കു​ന്ന പ​ക്ഷി​യും ക്ലാ​സ് റൂം ​സ്വ​പ്നം ക​ണ്ടു​ണ​രു​ന്ന കു​ഞ്ഞു​മ​ട​ക്കം ഹൃ​ദ്യ​മാ​യ പ​ല രം​ഗ​ങ്ങ​ളു​ണ്ട് 'കൂ​ടി'​ൽ. ഒ​ടു​വി​ൽ കു​ട്ടി പ​റ​യു​ന്ന ''ഒ​രു​ത​ര​ത്തി​ൽ ഞാ​നും നി​ന്നെ​പ്പോ​ലെ​യാ​ണ്...'' എ​ന്ന ചി​ത്ര​ത്തി​ന്റെ അ​വ​സാ​ന​വാ​ക്യം ലോ​ക​​ത്തി​ലെ മുഴു​വ​ൻ കു​ഞ്ഞു​ങ്ങ​ളു​ടെ​യും അ​ക​മൊ​ഴി​യാ​ണ്.

ചി​ത്ര​ത്തി​ന്‍റെ ആ​ദ്യ പ്ര​ദ​ർ​ശ​നം ക​ഴി​ഞ്ഞ ദി​വ​സം കോ​ഴി​ക്കോ​ട്​ ന​ട​ന്നു. ആ​ദ്യ പ്ര​ദ​ർ​ശ​നം യു​നി​സെ​ഫ് സെ​ലി​ബ്രി​റ്റി സ​പ്പോ​ർ​ട്ട​ർ മ​ജീ​ഷ്യ​ൻ ഗോ​പി​നാ​ഥ്​ മു​തു​കാ​ട്​ ഉ​ദ്​​ഘാ​ട​നം ചെ​യ്തു​. സം​വി​ധാ​യ​ക​ൻ ജി. ​പ്ര​ജേ​ഷ്​ സെ​ൻ, ഗാ​ന​ര​ച​യി​താ​വ്​ നി​ധീ​ഷ്​ ന​ടേ​രി, സ്റ്റി​ൽ ഫോ​ട്ടോ​ഗ്രാ​ഫ​ർ ലെ​ബി​സ​ൻ ഗോ​പി, ബാ​ല​സാ​ഹി​ത്യ​കാ​ര​ൻ ഷി​നോ​ജ്​ രാ​ജ്​ തു​ട​ങ്ങി​യ​വ​ർ ആ​ദ്യ പ്ര​ദ​ർ​ശ​ന​ത്തി​ൽ സാ​ക്ഷി​ക​ളാ​യി.

വാ​ൽ​ക്ക​ഷ​ണം: ബു​ൾ​ബു​ൾ പ​ക്ഷി ഇ​പ്പോ​ൾ ആ​കാ​ശ​ത്തി​ന്‍റെ വി​ശാ​ല​ത​യി​ൽ പ​റ​ന്നു​ക​ളി​ക്കു​ക​യാ​കാം. വൈ​ഭ​വ് കാ​ത്തി​രി​ക്കു​ന്നു​ണ്ടി​വി​ടെ. വീ​ണ്ടും അ​വ​ർ​ക്കു ​മാ​ത്ര​മ​റി​യാ​വു​ന്ന ഭാ​ഷ​യി​ൽ സം​സാ​രി​ക്കാ​ൻ... സ്വ​പ്ന​ങ്ങ​ൾ പ​ങ്കു​വെ​ക്കാ​ൻ... കൂ​ടൊ​ന്നു​മി​ല്ലാ​തെ ക​ഥ​ക​ൾ പ​റ​ഞ്ഞി​രി​ക്കാ​ൻ...