തിരുവനന്തപുരം: വിഴിഞ്ഞം സമരത്തിൽ ലത്തീന് സഭ ആര്ച്ച് ബിഷപ്പിനെയും മുന് ആര്ച്ച് ബിഷപ്പിനെയും ഉപവാസ സമരത്തിലേക്ക് തള്ളിവിടുന്നത് ഉചിതമല്ലെന്ന് പ്രതിപക്ഷ നേതാവ് വി.ഡി.സതീശൻ. സമരം ഒഴിവാക്കാന് മുഖ്യമന്ത്രി അടിയന്തിരമായി മുഖ്യമന്ത്രിക്ക് എഴുതിയ കത്തിൽ അദ്ദേഹം ആവശ്യപ്പെട്ടു. വിഴിഞ്ഞം സമരം ശാശ്വതമായി പരിഹരിക്കാന് സമരസമിതിയുമായി മുഖ്യമന്ത്രി നേരിട്ട് ചര്ച്ച നടത്തണം.
വിഴിഞ്ഞത്ത് മത്സ്യത്തൊഴിലാളികള് സമരം തുടങ്ങിയിട്ട് മൂന്നാഴ്ചയായി. തിങ്കളാഴ്ച മുതല് മുല്ലൂരിലെ സമര കവാടത്തില് ആര്ച്ച് ബിഷപ്പ് ഡോ.തോമസ് ജെ. നെറ്റോയുടേയും മുന് ആര്ച്ച് ബിഷപ്പ് സൂസെപാക്യത്തിന്റേയും നേതൃത്വത്തില് ഉപവാസ സമരം ആരംഭിക്കുകയാണ്.
ഏഴ് ആവശ്യങ്ങള് ഉന്നയിച്ച് മത്സ്യത്തൊഴിലാളികള് നടത്തുന്ന സമരം ഒത്തു തീര്പ്പാക്കാന് മന്ത്രി തല സമിതി പലവട്ടം ചര്ച്ച നടത്തിയെങ്കിലും ഫലമുണ്ടായിട്ടില്ല. മന്ത്രിതല സമിതിയുടെ ചര്ച്ചകള് കൊണ്ട് പ്രശ്നപരിഹാരം ഉണ്ടാകുമെന്ന് കരുതാനാകില്ല. ഈ സാഹചര്യത്തില് സമര നേതൃത്വവുമായി മുഖ്യമന്ത്രി നേരിട്ട് ചര്ച്ച നടത്തുകയാണ് അഭികാമ്യം. വിഴിഞ്ഞം സമരം ശാശ്വതമായി പരിഹരിക്കുന്നതിന് സമര നേതൃത്വവുമായി എത്രയും വേഗം മുഖ്യമന്ത്രി ചര്ച്ച നടത്തണമെന്നും സതീശൻ കത്തിൽ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.