മജ്ബൂസ്
ഇഫ്താറിന് നാടൻ വിഭവങ്ങൾ കഴിച്ചു മടുത്തോ?എന്നാൽ അറേബ്യൻ വിഭവമായ മജ്ബൂസ് ഉണ്ടാക്കാം.മുതിർന്നവർക്കും കുട്ടികൾക്കും ഒരു പോലെ ഇഷ്ടപ്പെടുന്ന ഒരു കിടിലൻ റൈസ് ഐറ്റം ആണ് മജ്ബൂസ്.ബഹ്റൈനിന്റെ ദേശീയ ഭക്ഷണമായ മജ്ബൂസിനു ബിരിയാണിയോട് സാമ്യമുണ്ടെങ്കിലും തികച്ചും വ്യത്യസ്ഥ രുചി തന്നെയാണ്.
മസാലകൾ എല്ലാം ചേർത്തു ബസ്മതി അരിയിൽ മട്ടനിലോ ചിക്കനിലോ മജ്ബൂസ് ഉണ്ടാക്കിയെടുക്കാം. ചേരുവകൾ കൂടുതൽ ഉള്ളത് കൊണ്ട് മജ്ബൂസ് ഉണ്ടാക്കൽ ബുദ്ധിമുട്ടാണ് എന്നാണു പലരുടെയും ധാരണ.എന്നാൽ നമുക്ക് പെട്ടെന്ന് തന്നെ മജ്ബൂസ് വീട്ടിൽ തയ്യാറാക്കിയെടുക്കുന്നത് എങ്ങനെയൊന്നു നോക്കാം.
1/4 ടേബിൾസ്പൂൺ മഞ്ഞൾപ്പൊടി, 1/4 ടീസ്പൂൺ കുരുമുളക് പൊടി, ഉപ്പ് എന്നിവ ഉപയോഗിച്ച് ചിക്കൻ കഷണങ്ങൾ മാരിനേറ്റ് ചെയ്യുക. മാറ്റി വയ്ക്കുക. ചട്ടിയിൽ നെയ്യ് ഉപയോഗിച്ച് എണ്ണ ചൂടാക്കി ചിക്കൻ കഷ്ണങ്ങൾ നേരിയ ഫ്രൈ ചെയ്യുക. അതേ വറുത്ത എണ്ണ ഉപയോഗിച്ച് ഒരു വലിയ കലം ചൂടാക്കുക. മുഴുവൻ ഗരം മസാലയും അതിലേക് ഇടുക, സവാള ചേർത്ത് വഴറ്റുക. അതിനുശേഷം ഇഞ്ചി വെളുത്തുള്ളി പേസ്റ്റ് ചേർത്ത് നന്നായി ഇളക്കുക, തുടർന്ന് മിക്സഡ് കാപ്സിക്കം, തക്കാളി ചേർത്ത് നന്നായി വഴറ്റുക.
ഏലം പൊടിയും കറുവപ്പട്ടയും ഒഴികെയുള്ള എല്ലാ പൊടികളും ചേർക്കുക. ചിക്കൻ സ്റ്റോക്ക് ചേർക്കുക. നന്നായി ഇളക്കുക. അതിനുശേഷം പാഴ്സലി ഇലകൾ ചേർക്കുക. എന്നിട്ട് അരി ഇട്ടു നന്നായി ഇളക്കുക. ചൂടുവെള്ളം ചേർക്കുക. അതിനുശേഷം ഏലയ്ക്കാപ്പൊടി, കറുവപ്പട്ട പൊടി എന്നിവ ചേർക്കുക. ലിഡ് അടച്ച് കുറഞ്ഞ തീയിൽ 20 മിനിറ്റ് വേവിക്കുക. രുചികരമായ മജ്ബൂസ് തയ്യാർ.
തയാറാക്കിയത്: ബീഗം ഷാഹിന
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.