റിയാദ്: 'ഗൾഫ് മാധ്യമം' ഇന്ത്യൻ സ്വാതന്ത്ര്യത്തിെൻറയും ഇന്ത്യ - സൗദി സൗഹൃദത്തിെൻറയും 75ാം വാർഷികാഘോഷങ്ങളുടെ ഭാഗമായി സൗദി അറേബ്യയിലെ വിദ്യാർഥികൾക്കായി സംഘടിപ്പിക്കുന്ന മെഗാ വെർച്വൽ മത്സരമായ 'ഇന്ത്യ @ 75 ഫ്രീഡം ക്വിസ്' സെമി ഫൈനൽ മത്സരം ഇന്ന് (വെള്ളിയാഴ്ച) നടക്കും. ജൂനിയറിന് ഉച്ചക്ക് ശേഷം 1.45നും സീനിയറിന് 3.15നുമാണ് മത്സരം.
സെപ്തംബർ 24ന് നടന്ന ആദ്യ ഘട്ട മത്സരത്തിൽ രാജ്യത്തിെൻറ വിവിധ ഭാഗങ്ങളിൽ നിന്നായി പതിനായിരത്തോളം കുട്ടികളാണ് പങ്കെടുത്തിരുന്നത്. രണ്ട് കാറ്റഗറിയിലായി നടന്ന മത്സരത്തിൽ ഓരോ വിഭാഗത്തിൽ നിന്നും 150 കുട്ടികൾ വീതം സെമി ഫൈനലിലേക്ക് അർഹത നേടിയിരുന്നു. അവരാണ് ഇന്ന് മത്സരിക്കുന്നത്.
ദമ്മാം, റിയാദ്, ജിദ്ദ റീജ്യനുകൾ കേന്ദ്രീകരിച്ച് 50 വീതം പേരാണ് ഓരോ കാറ്റഗറിയിൽ നിന്നും സെമിയിലേക്ക് യോഗ്യത നേടിയത്. ഒരേസമയം രണ്ട് പ്ലാറ്റുഫോമുകൾ ഉപയോഗിച്ച് ക്വിസ് മാസ്റ്ററുടെ മേൽനോട്ടത്തിൽ ലൈവ് മത്സരമായാണ് സെമി ഫൈനൽ അരങ്ങേറുക.
ഈ മാസം എട്ടിനാണ് ഗ്രാൻഡ് ഫിനാലെ. ഇന്നത്തെ സെമി ഫൈനലിൽ നിന്ന് വിജയിക്കുന്ന കുട്ടികൾ ഫൈനലിൽ മത്സരിക്കും. ഗ്രാൻഡ് ഫിനാലെ വിജയികളെ കാത്തിരിക്കുന്നത് ആകർഷക സമ്മാനങ്ങളാണ്. ഒന്നാം സ്ഥാനക്കാർക്ക് 4000 സൗദി റിയാൽ മുല്യമുള്ള സമ്മാനമാണ് ലഭിക്കുക. 2500 റിയാൽ വിലമതിക്കുന്ന സമ്മാനം രണ്ടാം സ്ഥാനക്കാർക്കും 2000 റിയാൽ വിലയുള്ള സമ്മാനം മൂന്നാം സ്ഥാനക്കാർക്കും ലഭിക്കും.
ഇന്ത്യൻ എംബസിയുടെ രക്ഷാകർതൃത്വത്തിൻ കീഴിൽ നടക്കുന്ന പരിപാടിയിൽ വിദ്യാർഥികളുടെ വൻ പങ്കാളിത്തമാണ് ഉണ്ടായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.